إيش تبغا تتخصص؟؟؟

[jooozeaph]

هااااايو

كيفكم يا طلاب الحاسبات؟

اخيرا الواحد لما يسألني فين في الجامعة اقوله في الحاسبات>>

من اول وانا اشرح موضوع السنة التحضيرية دي

والله القوانين اللي فوق كل موضوع جديد دي تخوف بس كلو كوم و "فالإهداءات بين الجنسين ممنوعة" كوووم تاااني

انا بصراحة اول مرة اكتب موضوع في المنتدى عشان كدا تشوفوني محرج شوية

لكن شوية شوية نتعود

إسمي جوزيف او يوسف ولا حتى جوو اللي يريحكم

نبدأ في الموضوع >> إنتا لسا فاكر

الموضوع سؤال موجه للمستجدين إيش تبغا تتخصص و ليش؟

كل واحد يطرح رأيو في التخصصات و نستفيد من بعض

و انا حـ أبدا ابغا ادخل نظم معلومات إن شاء الله

عشانها مطلووووبة من اي شركة و انا لسا وراية حرمة و بزورة لازم أتوظف بدري

[LA 5LEET]

حلو موضوعـك ^^

و انا كمـآإن لسسه بفكـر مـو عارفـه

اي تخصص ايش راح يكون فيه و مستواه و دراسته و من مجآميعوه و وظايفه بعدين !

فـ ياليت للي يعرف يخبرنـآإ بشكل موضح , و ايش احسن قسسم فيهـم =)

لاني سمعت انو بعد سيمستر واحد علطول نتخصص :s

/

جوزيف .. ابدأ يـآ قدع ليه اخترت هالقسسم وش فيه !

..

[jooozeaph]

قلت عشان مطلوبة

هوا فيه خلط بين الإدارة و الحاسب و بـ الذات إدارة الأعمال ياخد منها شوية

بس هادا اللي اعرفو لـ هلأ عن التخصص

[سارة الحربي]

"


شكرآ أخوي جوزيف ع المووضوع اللي يخلي لوآحد يجلس مع نفسو ويحط النقط ع الحروف :)

"


من ناحيتي ~
كنت قايلة انو خلاص رح اتخصص ان شاءالله علوم حاسبات لآنو تتوآفق مع تخطيطي ^_^
بس بعدين هنآ قريت انو العلوم مو هيا البرمجة ..!!
ومرررا اتلخبطت كل ترتيباتي ..
فلآ زلت أتأكد وبعد كذا ان شاءالله اكيد بيبقى لي الاستخــآرة + قدر الرب ..


"


عوآفي خيي

[روووح مرحة]

والله لسا مو عارفه
الله ييسرع الجميع يارب

[زهرة البنفسج]

و أنا كنت أفكر أدخل نظم معلومات بس عشانها تجمع بين إدارة الأعمال و الحاسب غيرت رايي بس الحين ماأدري إيش بتخصص احتمال تقنية

[jooozeaph]

سارة الحربي

شكررررا على تفاعلك و الله يوفقك للي تبغيه

--------------
روووح مرحة

لما دحين منتي عارفة؟ شكلك ما كنتي تبغي الحاسبات >> شيرلوك هولمز زمانه
لازم تشوفي ايش اللي ترتاحيله اكتر و الله يوفقك

-----------
زهرة

ليه بس ايش فيها إدارة الأعمال؟

تراكم ماخدين فكرة غلط عن الإدارة و الإقتصاد لووووول

عموما الله يوفقك في التقنية

---------

بس ايش دا مافي ولا ولد رد؟

والله شكلها دفعة ناااااااااااااااايمة هع هع

شـ،رفتۉنيـے بـ مرۉرگمـ، ج ـميعآإآإآإ...

[أرنوسية]

المشاركة الأصلية كتبت بواسطة la 5leet اي تخصص ايش راح يكون فيه و مستواه و دراسته و من مجآميعوه و وظايفه بعدين ! فـ ياليت للي يعرف يخبرنـآإ بشكل موضح , و ايش احسن قسسم فيهـم =) لاني سمعت انو بعد سيمستر واحد علطول نتخصص :s ..

هلا فيكم بكلية الحاسب
في البداية أحب أنبه إنو أحسن قسم فيهم بالنسبة لي مو لازم يكون أحسن قسم لك ولا له ولا لها
يعني كل واحد حسب ميوله وطموحاته
فمثلا لو دخلت نظم عشان قالولي إنها مطلوبة وأنا ما أحب الإدارة ما بمشي فيها أكيد
أنا من رأيي إن كل قسم من أقسام الحاسب فيه نقاط قوة
وما أحب أتكلم عن قسمي لإني أكيد بظلم الأقسام الثانية من كثر ما أنا مقتنعة بقسمي
وهذا اللي بيحصل في كل المواضيع اللي في المنتدى اللي تتكلم عن التخصصات
إذا تحبو المنتدى مليان من هذي المواضيع
لكن أنا أنصحكم
لسة قدامكم ترم كامل إسألوا فيه وإستشيروا وحاولو تختاروا الشي اللي يناسبكم لا حد يقلكم هذا القسم مطلوب فتروحوه وإنتم ما تحبوه
كل الأقسام مطلوبة الحمد لله
وأيا كان قراركم في النهاية حاولوا تتميزوا
لا حدا يتوقع إن القسم هو اللي بيخليه مميز
إنت اللي بتميز القسم <<<< بدت تتفلسف
آسفة طولت عليكم
إن شاء الله أكون أفدتكم

[MR.RA'ED]

والله باقي قدامنا وقت طويل ..

نشوف الاقسام ونسأل ونستفسروخصوصا من أهل الخبرة السابقة ..!

بعدين احنا لحد الان مانعرف المعدلات كيف بتكون المطلوبة للتخصص

..
....
.......

^.^

[MR.SBSB]

يقولو it احسن شي

وبعدها علطاول is

وآخر شي ف القصم وبرضو تمام cs

وطبعن التخصصات حيوزوعنا فيها حسب النسبه

انا نفسي ف آي تي