أحـــــلى دعـــــوووه

[ronz]

قبل فتره وعلى لسان واحده من الداعيات اللي اثق في مصداقيتهم سمعت قصة والله اني ابكي كل ماتذكرتها





هي القصه عن شخص جاء له منادي في المنام يطلب منه يتصل برقم محدد ويطلب فلان الفلاني وياخذه لمكه للعمره .. الشخص طبعاً في اليوم الاول اعتبرها اضغاث احلام ولما تكررت لليوم الثاني سأل شيخ مسجد في حارتهم وافتاه بأن هذا نداء وبأن عليه اذا جاه النداء لليوم الثالث ان يتمعن في الرقم وينفذ الوصيه





هذا الشخص ماقصر اخذ الرقم في النداء الثالث واتصل على صاحبه وطلب فلان وقال له انا معك قال له يا اخي جاني نداء في المنام يطلب مني اخذك للعمره وانا لازم انفذ هذا الامر .. طبعاً الشخص المقصود ضحك وقال له اي عمره تعرف اني من سنوات طويله مااذكر اني حتى صليت اي صلاه





طبعاً المتصل اصر عليه وقال له انا لازم اخذك للعمره لأن هذا امر ما اقدر اخالفه وارجوك ساعدني .. وافق الاخ الثاني وقال له على شرط ان تاخذني على حسابك وكل تكاليف العمره عليك وتردني الى بيتي .. الشخص الثاني وافق واتفقوا يمر عليه في الرياض اليوم الثاني وياخذه الى مكه للعمره





راح له في الموعد المحدد بينهم ولقاه شخص مافيه اي سمه من سمات الصلاح .. اشعث واغبر وعلى مايبدو انه سكير وكان مستغرب جداً ان يأتيه نداء في المنام لمدة ثلاثة ايام لشخص بهذه الحاله





المهم اخذه الى اقرب ميقات وخلاه يغتسل ويلبس ملابس الاحرام وبعدها اخذه الى مكه لتأدية العمره والحمدلله ادوا العمره سويه وبعدما خلصوا المناسك وقصروا شعرهم قرروا العوده وبحسب الاتفاق عليه ارجاع الاخ الثاني الى بيته في الرياض .. لكنه قبل مايخرج من مكه طلب منه انه يأدي ركعتين لله لأن يمكن هذه اخر مره يدخل فيها البيت الحرام .. وهو يصلي الركعتين طول في السجود ولما نهزه اللي معه اكتشف انه مات وهو ساجد ..





ماقدر يتحمل وبكي وهو يحسده على مثل هذه الخاتمه 'يحشر الانسان على اخر شي كان عليه' ..


طبعاً غسلوه بماء زمزم وصلوا عليه في الحرم وبعدها اخذه للرياض وابلغ اهله واقاموا العزاء وبعد العزاء بثلاثة ايام هذا الشخص اتصل على زوجة المتوفي وطلب يكلمها





وسألها ايش كان يعمل زوجها حتى يلاقي مثل هذه الخاتمه اللي يحسده عليها الصالحين وردت عليه قالت والله يا اخي ان زوجي هذا من فتره طويله لم يعد يصوم او يصلي وان زجاجة الخمر هي رفيقه الوحيد في حله وترحاله ولااذكر له من المحاسن شيء الا شيء واحد


لنا جاره ارمله فقيره وعندها اطفال وزوجي هذا كل ليله يشتري لنا عشاء للبيت ويشتري لهم معنا ويمر عليها يحط اكلها في الباب ويقول لها خذي اكلك من الباب وهي تدعي له بهذا الدعاء



' روح الله يحسن خاتمتك'




يعني سبحان الله دعاء هذه الارمله المحتاجه اللي مابينه وبين الله حجاب اوصل هذا الرجل لخاتمه كل منا يتمناها

[صوت الفجر]

عن أبي هريرة رضي الله عنه عن النبي صلى الله عليه وسلم قال
(( الساعي على الأرملة والمسكين , كالمجاهد في سبيل الله " وأحسبه قال "
وكالقائم الذي لا يفتر وكالصائم الذي لا يفطر )) متفق عليه


عن سهل بن سعد عن النبي صلى الله عليه وسلم قال..
(( أنا وكافل اليتيم في الجنة هكذا , وقال بإصبعيه السبابة والوسطى )) متفق عليه


قصه رائعة جزاك الله خير
.
.
.

[سمية السلمي]

يالله .. قصة مؤثرة جداا
الله يحسن خاتمتنا يارب

[فردآسكو]

قصة مؤثرة و محزنة في سيآقهآ ..

و لكنهآ في نفس الوقت مفرحة بـ ما لقيه هذآ الرجل من حسن الخاتمة ..

مآت و هو سآجد و في أطهر بقعة ؛؛ لأن مآ قدمه في دنيآهـ سيلقآهـ في آخرته ..

فـ السعي على الأرملة التي فقدت زوجهآ و هي بـ حآجة إلى الملآحظة لأنهآ ضعيفة ..

الذي يرعآهآ من بعدهـ مع أيتآمهآ فـ يسلبها عن الفجيعة و عن تلك المصيبة و يكفُ يدهآ عن السؤآل عن مآ في أيدي النآس و يصون مآء وجههآ .. له عند الله أجرعظيم ..

اللهم أحسن خآتمتنآ في الأمور كلها ..

جزآكـ الله خيرآ أختنآ ( ronz ) على سرد مثل هذهـ القصة المعبرة في معنآهآ و مضمونهآ ..

[عَـبْدالعَزِيز الهَاشِمي ™]

الله يحسن خاتمتنا أجمعين يارب

ونموت على طاعة الرحمن