والله احترت هل يسمح او لا يسمح بدراسه بكالوريوس تاني

[اجوان]

السلام عليكم ورحمة الله

ياجماعه ممكن تدوني رابط لخبر في موقع الجامعه
يثبت لي انه لا استطيع اخد بكالوريوس تاني

لانه سالت يقولوا عادي مافي مشكله
ولكن في حساب العماده بتويتر يقول لا مايسمح !!! احترت والله

ابغى خبر اكيد حتى ادور لي جامعه ثانيه

[نواف بن فهد]

وعليكم السلام ورحمة الله وبركاته


اكيد مسموح، واذكر فيه عسكري عنده شهادتين بكالوريوس.

قدمي ولا احد يقدر يمنعك من الدراسة

[اجوان]

المعذره اخ نواف
هل شهادتين بكالوريوس من نفس الجامعه اخدها كلها ؟؟

[نواف بن فهد]

عادي، لان مافي نظام يمنع

يعني مسموح، ماعدا عندهم شرط شهادة الثانوية مايكون مر عليها اكثر من 10 سنوات > اتوقع اكثر او اقل.

[اجوان]

والله ماادري
المسؤول في حساب العماده في تويتر يقول مايسمح
عموما شكراً.الله يعطيك العافيه

ربي يسرها من عنده ..

[بنت ناس وقلبي ألماس]

^^ أختي جربي وإن شاء الله يمديك

لكن اللي أعرفه ومتأكدة منه يمديك تأخذي شهادتين بكالوريوس من جامعتين مختلفتين

والله يوفقك

[اجوان]

طيب لو اخدتها في جامعه تانيه وحولت لعبد العزيز يقبلوا

لانه ادا لازم من جامعه تانبه بسجل في فيصل لكن ما ابغى اكمل فيها على طول ..

الله يسرها من عنده يارب .....شكرا

[بنت ناس وقلبي ألماس]

المشاركة الأصلية كتبت بواسطة اجوان طيب لو اخدتها في جامعه تانيه وحولت لعبد العزيز يقبلوا لانه ادا لازم من جامعه تانبه بسجل في فيصل لكن ما ابغى اكمل فيها على طول .. الله يسرها من عنده يارب .....شكرا

طيب خذيها من جامعة جدة أفضل لك على الأقل ما راح تعيدي السنة التحضيرية إذا قدمتي على طلب تحويل خارجي لجامعة الملك عبد العزيز

والله ييسر لك أمرك

[اجوان]

الله يسعدك

الي عرفته جامعة جده مافيه عن بعد ولا انتساب !

[Sultan.F Al-Batran]

المشاركة الأصلية كتبت بواسطة اجوان الله يسعدك الي عرفته جامعة جده مافيه عن بعد ولا انتساب !

لو ما أتيحت لكي فرصة بأحد برامج الانتساب أو التعليم عن بعد لجامعة الملك عبدالعزيز ممكن تقدمين لجامعات آخرى

مثل الجامعة السعودية الالكترونية والجامعة تمنح درجة البكالوريوس في القانون و تقنية المعلومات و إدارة الأعمال بتخصصات مختلفة محاسبة و مالية و غيرها وأعتقد الحضور يوم أو يومين في الأسبوع حسب الجدول
بالإضافة للجامعة العربية المفتوحة وتقدم الجامعة برامج بكالوريوس في إدارة الاعمال و تقنية المعلومات و كذلك ماجستير و الحضور يعادل 25 % ممكن يكون يوم في الاسبوع و الماجستير أعتقد يوم في الشهر
لكني غير متأكد من نسب الحضور الإجبارية
وفيه جامعة الإمام محمد بن سعود درجة البكالوريوس في تخصصات مختلفة في الشريعة و الأنظمة و الإقتصاد و المحاسبة و والإدارة تحت مسمى الانتساب المطور
وجامعة الملك فيصل بكالوريوس في إدارة الاعمال و بكالوريوس في الآداب بأكثر من تخصص
وفيه جامعة تبوك بكالوريوس في إدارة الأعمال تخصص تسويق أو إدارة عامة و جامعة جازان بكالوريوس في الإعلام وكذلك جامعة طيبة بتخصصات شرعية