كيف اذاكر مقدمة بالترجمة يا بنات اختباري بكرة

[ركن المشاعر]

مو عارفة كيف اذاكره
بس تدربت عليه من اول بس اليوم اش اذاكر فيه ؟
اللي عندها طريقة تقولي

[ركن المشاعر]

4 مشاهدات ومحد رد؟

[mohshehri]

احس مالي دخل بس اعذريني على التدخل , مالقيتي هنا بالمنتدى اسئله العام مثلا او ملخص اذا موجوده تعرفين كيف طريقة الاسئله على الاقل وتسهل لك المذاكرة الله يوفقك يارب ويسهلك

[البطه]

انا اختباري بكره مثلك وكمان حامله الماده لاني كنت متهاونه فيها

الكل يقول تدربي على القطع وعودي يدك على السرعه بفتح القواميس

واتوقع هي جابت امثله الدكتوره بالمحاضره واعطتهم قطع راح انزلها لك

والباقي ماني عارفه شلون


لو عندك اي خبر قوليلي

[ركن المشاعر]

يسلمووو يا عسل انا عندي كل الاوراق كنت حاضرة
بس المشكلة اني مو عارفة اذاكر شيء ينحفظ يعني؟
التدريب على القاموس سهل ان شاء الله بس خايفة كيف اربط الجمل مع بعض
وبالنسبة للتدريب انا اتدربت من اول بس لمن اشوف الحل حق الاستاذة يطلع مو نفسو

[dudi]

والله ياريت احد فيدنا بنموذج للأسئله وتيش ممكن يجي ؟! هل في حفظ ؟! ولا بس ترجمه عاديه ؟!
الله يخليكم يلي تعرف تقول ولا تبخلوو علينا ،،

[ركن المشاعر]

هوة حيكون قطعة من عربي للانجليزي والعكس صحيح
بس هل كل قطعة من خمسين؟ او انو حيكون زي الاولاد
عندهم عبارات يترجموها من 40 درجة
والقطع الاثنين من 60
ياليت احنا كذا كمان عشان تتوزع الدرجات

[Rosery]

كل شخص له أسلوبه بالترجمه انتي ترجمتي وطلع مو نفس اللي بالكتاب او ورقه عندك مو شرط
أهم شئ يكون تركيبك النحوي واللغوي والاملاء وكل شئ صح
عندك في الكتاب القرامر ركزي عليه
إقرأأي وتثقفي

وآخر محاضرة اللي قالت عليه الاستاذه ركزي عليه
وبالنسبه لطريقة الأسئله ماقالت شئ تقريبا يمكن يجينا فيفتي فيفتي

وسلامتك
إن شاء الله أكون أفدتك ولا احد برضو يقصر عليك بنصائحه

[ام حمدان]

لا مافي اي شي غير قطعتين
وفي الترجمه طبيعي الاسلوب يختلف من شخص لشخص وهي تقول يهمني المعنى والمضمون يكون نفسه وتراكيب الجمل صحيحه
وركزي عالكلام االي كتبته بالذات في اخر محاضرتين في كلمات قالت لازم تعرفوا معناها شكله بتكون في القطع وحبت توفر علينا وقت في البحث عن معناخا في القاموس

وطالما انك متدربه عالترجمه فلاتخافي إن شاء الله يكون الامتحان سهل عليكي ولا تستعجلي وانتي تترجمي
اقري القطعه اكثر من مره لغايه ماتفهمي مضمونها واشري بنفس الوقت عالكلمات الي ماتعرفي معناها ودوري في القاموس عليها ونصيحه اكتبي معغانيها كلها لنفسك على جنب بالمرسام حتى تشوفي المعنى الانسب للكلمه لانه ساعات كثير مايكون المعنى الاول للكلمه هو الي يناسب الجمله ومافي وقت ترجعي ثاني وتدوري عليها فمن البدايه وفري على نفسك وقت ورصي المعاني كلها للكلمه الي ماتعرفيها على جنب
وانتي ترجمي راعي قواعد اللغتين
مثلا من عربي لانجليزي راعي انه الجمله في الانقلش تبدا باسم وفي العربي تبدا بفعل عادةً
وفي العربي الصفه تتبع الموصوف عكس الانقلش الي تكون الصفه قبل الاسم

خذيلك لفه على قواعد الصفات والافعال
وربك يسهل امتحاننا بكرى ويسخرلنا الدكتوره

[ركن المشاعر]

يسلمو روزري
الله يعطيك العافية وينجحك وينجحنا كلنا وكل شخص تعب