~ تجمع خاص فقط للجداول وتعديلهم ~

[fofo^^]

مشكوراااا

[.. الظل ..]

المشاركة الأصلية كتبت بواسطة بروفيسورة ^ ^ ^ الله يوفقك ظلوووولة يعني ما احذفها اقصد فيزياء 2 ؟؟ طيب مراا صعب فيزياء 2 وماث 2 الاثنين مع بعض احذف معمل 281 احسن صح ؟؟ انا اخاف اهتم على مادة والثانية تروووح في داهية هذا اللي خايفة منو خصووصا انها 4 ساااااعااااات صعبببة

, و الله يا عزيزتي من وجهة نظري لا ،
شوفي مواد الخطة أكثر متطلب لازم تجتازينه هو Phys202 و ماث 202 !
203 مطلوبة في مادة ديناميكا حرارية في المستوى الرابع " فقط "
لكن شوفي 202 مطلوبة في فيزياء حديثة 1 , كهرو 1 , دوائر :)
و حديثة1 لو ما اخذتيها توقفت عليك مواد .... و هكذا !

أنا درستهم الثلاثة مع بعض و انكرفت من قلب :(
كان عندي 3 معامل + مواد تحتاج شوية مجهود منك .. و ما كنت أقدر ،
لكن يكفي معملين , 281 Phys و أي مادة حابة تضيفيها + الماث مع اسيا لزيز أوي و درجاتك ما راح تنزل معها .. بس لازم تحلي السكيشن و الاون لاين
و أسئلتها ما تخرج من السكيشن و الأمثلة اللي بالكتاب :)

إذا انتِ متخوفه حطي إللي يريحكِ .. بس صراحةً الأثنين " Phys 202/203 " كان يبي لهم مجهود و مذاكرة
و خصوصًا أن سناء أسئلتها مو صعبة بس شوية تفكير فيها .. و كويز كل اسبوع
و ثريا كانت تجيب نسخ لصق من التست بانك < نزليه من النت و اطبعي الفصول اللي عليك
و افهمي فكرة كل اختياري كيف انحل !
كانت تجي زي ماهي و احياناً و الله أذاكرها اكثر من السلايدات !

التجربة من بنت لـ بنت تختلف حسب ما كانت تعطي في المادة ، فيه بنات مشوا على نفس الخطة و معدلهم نزل حبتين " مثلي " و فيه بنات ما شاء الله ارتفع معدلهم ..

استخيري أفضل لك .. موفقة =)
كونيتشوا ^_*

[LeLou]

برفيسورة شوفي يا عسل..

فيزياء 202 و 203 لو حذفت واحدة منهم الوضع راح يكون كالتالي:~

في حال حذفت فيزياء 202:~
راح تاخذي في المستوى الرابع ميكانيكا تقليدية و ديناميكا حرارية و طرق نظرية و ما راح تقدري تاخذي فيزياء حديثة..
حقيقة إنتِ لما تأخري حديثة 1 راح تضطري تأخري حديثة 2 و بالتالي كوانتم..
و راح تتعطلي شوية..
لو ماعندك مانع تتأخري في الجامعة سيميستر..

أما لو حذفت فيزياء 203:~
راح تاخذي في المستوى الرابع ميكانيكا تقليدية و طرق نظرية و فيزياء حديثة و ماراح تقدري تاخذي ديناميكا حرارية..
بس الديناميكا متطلب لمادة واحدة بس إللي هي ميكانيكا إحصائية و هذي مادة في التخرج..
//
\\

أنا وضحت لك الوضع و إنتِ اختاري..
بالنسبة لـ 202 ترى هي موصعبة هي الدكتورة الله يسامحها و يهديها ما تفهم كويس..
بس أسئلتها كلها اختيارات و لو شديت حيلك في المادة راح تقدري تجيبي فيها درجة بإذن الله..

و أيًا كان إللي راح تحذفيه لازم تاخذي واحد من المعامل يا فيزياء 281 يا كيمياء 281..
لأنه لو ما حذفتيهم قلت لك راح تتكرفي في المعامل بعد كذا وراح تسبب لك أزمة فظييعة..

بالنسبة للمعملين معمل الفيزياء كان أحسن و أحلى بس معمل الكيمياء كان الشغل فيه أقل..
معمل الفيزياء شغله فيه حسابات أكثر و رسم بياني،، معمل الكيمياء كم تجربة فيها حسابات بسيطة و مافي رسم أبدًا..
لكني حبيت معمل الفيزياء أكثر،، يمكن لأنه تخصصي فيزياء،، و يمكن لأنه استاذة معمل الكيمياء كرهتني يوم الأربعاء بكبره،، و يمكن لأنه معمل الكيمياء كان فيه روائح فظييعة..

أمممم ما أقدر أقول لك أي معمل تختاري أحسهم نفس الشي و إنت مضطرة تاخذيهم الإثنين..
لكن معمل فيزياء 281 راح يفيدك في معامل التخصص أكثر من ناحية طريقة الرسم البياني و طريقة القياس و أخذ القراءات و فيه كم تجربة راح تنعاد لك في معمل 203 لكن بشكل أوسع شوي..

عمومًا إنتِ استخيري و كمان استشيري المشرفة الأكاديمية تبعك،، و ربنا يقدم لك إللي فيه الخير||~

[بروفيسورة]

^
^
^
^

حبيباتي LeLou و .. الظل ..

الله يعطيكم الف الف عافية .. ما قصرتو معي والله

والله يفرح قلوبكم وقلوب اهاليكم معكم والله يفرج عليكم زي مافرجتوا علي ...

الله يسعدكم تعبتكم معااي في نص الليل جزاكم الله خير ..

انا راح استخير قبل ما اناااام والله يقدر لي اللي فيه الخير

تصبحون على خير