استشارة لكل الزملاء بخصوص الدورة اتمنى رأيكم

[عبدالله بن عبدالرحمن]

السلام عليكم ورحمة الله

زملائي-تى الكرااااام الله يسعد صباحكم جميعا بالخير والمسرات
بخصوص الدورة التأهيلية هل تنصحونى احضرها نفسي احضرها بس انا بأقصى السعودية على الحفة
:)
وابى اسألكم هل راح استفيد من الدورة ولا هى مجرد روتين ؟؟ هل لو اذاكر افضل من تعبي وسفرى ومصاريف والكل عارف هالاشياء ولا كل تعبي راح يثمر اتمنى من اللى سبق وحضرها او سمع احد زملائة يمدحها يتفضل علينا وقولنا ...
وكيف راح يكون دوامها مسائى او صباحي وكيف اعرف توقيت المحاضرات وهل اختار دكتور معين مثلا ابي شوركم اسال الله لى ولكم وللجميع التوفيق


اية انت منتضر رأيك

ولو رحت فأوعدكم بكل يوم انزل لكم كلللللللللللل اللى درسناة بالدورة

[ابو وســــام]

هلااااا أخوي عبدالله
أنصحك لااااتفوت الدورة ((مهمة جداً جداً))

أبو عابد أرسلتلك ايميلي عن طريق أخونا بوليمر.... أنتظرك

[عبدالله بن عبدالرحمن]

هلا ابو وسام تصدق لو اقولك لى ستة شهور مافكيت الايميل انا دايم فقط على الهوت ميل لانة يبى لة تحديث وكل مايطلب تحديث اقفلة واوعدك راح احدثة ووصلتنى الرسالة واشكرك ياغالى

بس بخصوص الدورة مهمة من اى ناحية

[ابو وســــام]

العين ماتعلى على الحاجب يابو عابد ماشاء الله عليك ...الدورة مهمة من ناحية تحديد المطلوب والمحذوف اذا فيه تحديد وتعرف طريقة الأسئلة ويشرحوا فيها الدروس وطبعاً الدورة مدتها اسبوعين يعني أكيد بيكون شرح مختصر وسريع بس أكيد بتستفيد لأنك راح تفك رموز الدروس المستصعبة عليك ... وأي شي يصعب عليك تقدر تسأل الدكتور عنه..
وسلامااات ع الجوال خخخخ ... بس مدري غيرت الرقم والا باقي نفسه لأني ابي ادق عليك... رقمك عندي ولاتقول لي كيف جبته ((سررر ماراح أقوله)) هههههه

[خالد العجلان]

الدوره جدا مهمه ومن يرى فى نفسه الاستطاعه فلا يفوتها ومن الامور التى تساعد على الاستفاده منها هو قراءة ما سوف يشرحه الدكتور وانا اشوف كثير من الاخوه (يستحون) من السؤال ولا ادرى اين المشكله العلم لا يناله مستحى ولا متكبر كل سؤال يجول فى خاطرك انصحك بطرحه على الدكتور لانها فرصه قد لا تتكرر (حلل الدكتور) وليس من الشروط ان تسأل باللغه الانجليزيه اسال بلغتك اهم شى توصل اللى تبيه لان اللغه الانجليزيه بعض الاحيان ما تشفى الغليل واحب اذكرك اخيرا ان حضور الدوره يعتبر من افضل اوقات المذاكره يعنى اذا خرجت من المحاضره لا تضيع وقتك حاول تذاكر بقدر الاستطاعه نسأل الله لنا ولك التوفيق والنجاح

[عبدالله بن عبدالرحمن]

ابو وسام
خالد العجلان
شااااااااااااكر ومقدر وربي لايحرمنا منكم

[رغد محمد]

المشاركة الأصلية كتبت بواسطة عبدالله بن عبدالرحمن السلام عليكم ورحمة الله زملائي-تى الكرااااام الله يسعد صباحكم جميعا بالخير والمسرات بخصوص الدورة التأهيلية هل تنصحونى احضرها نفسي احضرها بس انا بأقصى السعودية على الحفة :) وابى اسألكم هل راح استفيد من الدورة ولا هى مجرد روتين ؟؟ هل لو اذاكر افضل من تعبي وسفرى ومصاريف والكل عارف هالاشياء ولا كل تعبي راح يثمر اتمنى من اللى سبق وحضرها او سمع احد زملائة يمدحها يتفضل علينا وقولنا ... وكيف راح يكون دوامها مسائى او صباحي وكيف اعرف توقيت المحاضرات وهل اختار دكتور معين مثلا ابي شوركم اسال الله لى ولكم وللجميع التوفيق اية انت منتضر رأيك ولو رحت فأوعدكم بكل يوم انزل لكم كلللللللللللل اللى درسناة بالدورة

وعليكم السلام ورحمة الله وبركاته ..

جمعة مباركة عليك أخوي عبدالله ...

طبعًا لو تقدر تحضرها ..رووووووووووووووووووووووح واحضرها ..

لا تفوتها أبدًا ..أبدًا .. فيها من الفائدة الكثير والكثير ...

وماشاء الله تبارك الله الأخوة إلي قبلي ماقصروا _الله يحفظهم _ وبينوا لك الفائدة منها ...

وبخصوص موعدها هي أكيد مسائية لأنك انتساب ...

وشوف هذا الرابط تبع حبيب قلبك (الإكسبرت ) ..

موضح فيه كل شي تحتاجه من موعد المحاضرات , مبانيها , غرفها و...............إلخ ...

جدول مواعيد الدوره التأهيليه الثانيه لطلاب الأنتساب للمستوى 3 - 5


وفيها كمان أسامي الأساتذة إلي راح يدرسونك ...

أما بخصوص إنك تختار أستاذ ..!!

إلي أعرفه أنا ..

إنو المفروض لما ينزل جدولك إنت تختار أستاذك عن طريق الشعبة إلى هو موجود فيها ...

فإنت ألحين شوف جدولك وشوف شعبك وإعرف موادك نازلة مع مين ..........؟؟؟

وبكذا بإمكانك تحضر محاضراتهم وسؤالهم لا ..بل قتلهم من كثر الأسئلة ..

وياليت فعلاً ياليت لو تقدر تفيد أخواياك الموجودين في المنتدى تكسب فيهم ثواب والله ...

أتمنى أني أكون أفدتك ولو بالقليل ...

تقبل مروري ..

رغد محمد..

[عبدالله بن عبدالرحمن]

اهلا بالاستاذة رغـــــــــــــــــد
شاكر لك ردك المفصل الوافي
بس نازل لى جدولى ومافية اسماء اساتذة
هههههه خلينى اتأكد وارجع
:)

[رغد محمد]

^^^^^^^^^

مساء الخير والسرور ...

عبدالله ....!!

الجدول ما ينزل فيه أسامي الأستاذة ...ولكن ينزل فيه الشعب الخاصة فيهم ...

يعني مثلاً في مادة القراءة 212 :

شعبتك فيها (aa ) ...

تروح لعند قائمــــــة الشعب الدراسية وتشوف عند رمز المادة 212 وشعبة aa وش اسم الأستاذ مين ..؟؟


وهكذا تروح لعند المادة كتابة و...............إلخ ..تعيد الحركة ألين تعرف أسماء أساتذك تبع موادك ...

فهمت علي .. ولاَّ ......؟؟


ربي يسهلك ويوفقك ويفرج همومك إن شاء الله في القريب العاااااااجل ...


رغد محمد..

[عبدالله بن عبدالرحمن]

الله يسعدك يارغد
بجد افادنى كثير الجدول حق اخونا وحبيبنا اكسبرت
لحد الان بحاول انى احضرها بس عندي دوااام لو اطلبهم سيئات ماعطونى
:)
بس لازم اروح بأذن الله واحضرها ولكم وعد انزل كل مايخص الانجلش بس باقى المواد لا مالة داعى لانها اسهل من اننا نركز عليها

اسال الله لى ولك وللجميع التوفيق يا ابلة رغد