خبرهام:أختبار شامل exit testلكل طلاب انتظام الدفعة الجديدة ؟؟؟

[لوريت]

كل اقسام بكالريوس اعمال دفعات 2010 وما بعد
يعني حتي المحاسبة بس من دفعه 2010 وبعد

[girl.k.s.a]

امممممممممم

أتوقع زي ما قالوا سبب الاختبار هوا الاعتماد الأكاديمي أولا وأخيراً
لأنو الكلية لها 4 سنوات تقريبا من وقت ما بدأنا الخطة الجديدة وهيا تحاول تآخد الاعتماد الأكاديمي
لكن للأسف لسا ما اخدوهـ ، والسبب هوا انو كل ما يجي وفد للكلية ما يعجبهم وضعنا !!

وفعلا القرار مرررررا مو وقتو لكن نقول الله يسهلها ودامهم كتبوا الأسئلة واتحمسوا
أتوقع ما راح يرجعوا في قرارهم لو إيش عملنا ،،
لأنو هما يبغو مصلحة الكلية إنها تآخد الاعتماد الأكاديمي ، وعادي التجربة على أول دفعة (مع نفسهم) .....!!

[لوريت]

ايش اسم الاعتماد الي بناخذو ومن أي جامعه

[ضياءالروح]

انا ما اشوف انو في القرار اي ضرر للطلاب والطالبات
اتعودتو على رفض اي قرار من غير تفكير اذا هوا من الاساس مضر ولا لا (قالولكم مو داخل في المعدل )
مواد كلية الاداره معتمده كل ماده على التانيه
يعني مستحيل اننا نعدي ماده واحنا مو فاهمينم هدفها الاساسي
هذا غير انو الاختبار (شامل ) يعني ماحيجيبو من بين السطور
انا محايده لقرار الاختبار
الا اذا كان هذا الاختبار بيجبلهم الاعتماد فاانا اول وحده معاهم لاننا نبغى نتخرج من كليه معتمده اكاديميا

[coOola]

,’


فيه ناس جديا ما أدري ليش داخلين الكلية ._.


.


الاختبار أولا وأخيرا ما يدخل بالمعدل

وبعدين اللي ما يعدي من أول مرة فيه له فرصة ثانيةة

ما جابوا لكمم شيء تعجيزي !!

حتّى لو القرار طلع فجأة وبدون تخطيط

وبالرغم من إني أعترض على بعض الأشياء في هالقرار

مثلا : إذا كانوا يبون معايير عالمية المفروض يتبعون استراتيجيات وآليات عالمية مع قراراتهم موب فقطط القرارات تكون عالمية..

بس بالأخير .. هالشيء جميل ومفيد وما فيها شيء الواحد يراجع اللي أخذه من البداية للنهاية

يعني لو ما عديت المرة الأولى إن شاء الله أعدي المرة الثانية

والفاشل اللي يوقف محل ما طاح !!


والعلم طلبه صعب !! وبالأخير هالاختبار يبي يبان بعده الإنسان اللي فاهم وعارف وش يدرس

من الإنسان اللي داخل كمكينة حشو وتفريغ !!!!

[باور هورس]

كما قلت سابقا
اذا هذا الاختبار رح يضيف لنا ميزة ورح يكون مفيد لنا وغير مؤثرفي المعدل وما رح يضرنا أنا معاه واذا كان العكس ف لا

واللي يقدر يطلع بمعلومة كاملة من مسئول عن ( كل ما يخص هذا الاختبار ) يقلنا

وبعدها نقرر
---------

طبعا اذا كان الاختبار مو في صالحنا ف التجمع هو الحل
باذن الله نحدد الوقت والتاريخ والمكان مع تقديم دعوة لوسائل الاعلام لتغطية التجمع ونشر مطالبنا ورح نستغل فرصة التغطية الاعلامية ونطلع كل تخبطات الكلية ومشاكل الطلاب

مو صعب ابدا مو صعب اهم شي العدد وتوحيد المطالب وانا اضمن لكم انه كل مطالبنا رح تتحقق

[MohPro]

الأختبار يمديك تاخذه مره ثانية وثالثة ورابعة ....الخ

وتعديه وقت ماتبغى

وماله بالمعدل اي دخل

وبس جيب درجة النجاح وخذ الشهادة وامشي

والأختبار كله اختياري

وكل تخصص له اسئلة مخصصة له

[لوريت]

اصلا نص اختبارتنا كانت تست بانك ولا دكاتره سيىئن مهم كوفؤ انهم يدرسو نحنا ايش ذنبنا

[battota]

MohPro

عفوا بس أنا أبغا أتخرج ما ابغا انتظر الين اعدي :/ على قولتك ثانيه وثالثه ورابعه

فيه ناس عادي عندهم ينتظروا بس أناااااااااا لا :)

....................................
ههههههههه باور اهم شي التغطيه

[لوريت]

الاختبار شامل في المواد العامه والتخصص