هل تكتب باليد اليسرى ام اليمنى؟؟؟؟

[dr_love]

المشاركة الأصلية كتبت بواسطة امونه المفروض يشغلون عقولهم ويسوون لنا طاولات مميزه مثلنا

في أمريكا مهتمين بالناحية دي وفي طاولات للي يكتبو باليسار وعددها مو هين يعني تلقو في الكلاس عالاقل 5 طاولات

[No CoMmEnT]

باليمينـــ :)
الفرق الوحيد ان الكتابهـ باليمين تكون افضل خطاً من اليسرى
لاني بصراحهـ مالقيتــ للحين خط باليسرى افضل من اليمنى
بس للتوضيح
اعشق الكتابهـ وطريقة الكتابهـ باليسرى والخط يكونــ له رونق خاصــــ
والشوتاتــــ لها قوة خاصهــ ماشاءالله :d
شكراً ليانــــ

[أميرة_الورد]

موضوع مررررررررره حلو ياليان يعطيكي العافية يارب :)

بالنسبة ليا انا استخدم اليمين في الكتابة وفي كل شي .. بس ساعات استخدم اليسار مضطرة بالذات لمن انجرح في يدي او ما ابغا احد يعرف خطي <<<<<<< لئيمة الأخت هههههههههههههه :)

وعلى العموم تسلمي على المعلومات المفيدة والحلوة :)

[ليان]

مرسي كتير لكم والموضوع احلو بردودكم الحلوة

يعني دحين في المنتدى مافي الا ثلاث بس يكتبون باليسار
1- امونة
2-ليان اللي هي انا اعوذ بالله من كلمة انا
3- يلدرم

انا بانتظار المزيد من الردود وخصوصا اللي يكتبون باليسار طبعا ماننسى اليمين اللهم اجعلنا من اصحاب اليمين

[سوسا]

امونه في طالولات للشول >>>>مجربتها

مره جلست على وحده في اختبار واتعزبة

ما كان في غيرها

[نسووومة]

احم

أنا أكتب باليسار أهو سرنا 4

وجهة نظري في الموضوع

انو ماأقدر أطلق كلمة ذكاء عامة على اللي يكتب باليسار او اليمين بس كمان مااقدر أنفي ذكاء اللي يكتب باليسار في حاجات معينة يكون ذكاءه فيها وااااضح ومتميز .. يعني يمكن اللي يقولوا انهم شافو ناس يكتبو باليسار لكن اغبياء(على حد قولهم) فـ دا إما انه قاس ذكاؤه في اشياء معينة وترك حاجات تانيه ممكن الانسان دا يكون متفوق فيها فوق الطبيعي .. بس الا مايكون متفوق في حاجه ... والذكاء طبعا انواع واشكال زي الذكاء اللفظي والاجتماعي والوجداني ووو....

يعني باختصار اللي يكتب بالشمال الا لما يكون متميز في شي او أشياء ...

وأنا الحمدلله متميزة.... متفوقة وزكية

وبعدين تعالى هنا يابو علي <<<فضحتو

أنا خطي حلوووووو مين قال ان خطوط اللي يكتبو بالشمال وحشه

حتى أيام المدرسه الأستازات دايما كانو يخلوني أكتبلهم اللوح وأكتب الدرس عالسبوره

ودام تعشق الخط اللي بالشمال أكتبلك واصورلك هوا ولا يهمك ... لاتخلي في نفسك شي


بس أنا شايلة هم شي في الموضوع دا .. انو وقت الأكل أنسى آكل باليمين لاااازم أحد ينبهني ... لأن عادة آكل بالشمال ماني عارفة ايش الحكم بس ان شاءالله ربنا يسامحني والشيطان ابن اللزينا ماياكل معايا :(


وترى فيه طاولات بس مررررررة قليل ومكانها دايما جنب الجدار يعني مكان وحش ...مو في البدايه ولا في النص ..

انا مرررررة اتعب بالزات لو كان فيه كتابة كتير يدي مرة توجعني ..أحيانا ازا كان الكرسي اللي عن يساري فاضي أحط دفتري عليه وأكتب

وفي ايام الاختبارات أختار دي الطاولات عشان ارتاح بالكتابه ...
اعملو زيي

مشكورة ياعسل عالموضوع ..

[فااارس]

ألاحظ على الذين يستخدمون أيديهم اليسرى في الكتابة بأن تكون هنالك صفة مميزة بهم و غالبا ما يمتازون بالأمور الفنية و الجمالية في العمل و لهم لمسة خاصة غالبا ما تميزهم عن أقرانهم

[GAME OVER]

المشاركة الأصلية كتبت بواسطة ليان ورغم ان مستعملي اليد اليسرى يشكلون اقلية في اي مجتمع (لاتتجاوز العشرة بالمائة) الا انهم يشكلون تقريباً 50% من عدد المشاهير والسياسيين (وهم غالباً الفئة الاكثر طلاقة في الحديث والخطابة منقول

يا الله الا الاحراجات يا شباب ،، يعني معقول باطلع مشهور مستقبلا

شعور جميل جدا يوم يرفع ضغطك واحد وتعطيه قرموع باليسار

كان ولد خالي لما يبغى يتشمت يقول لي شوت الكوره باليسار

اما اكثر واحد حقدت عليه مدرس العربي ايام الابتدائيه،، كل ما يمر من جنبي يقول: باليمين عساها الكسر

[نسووومة]

المشاركة الأصلية كتبت بواسطة game Over اما اكثر واحد حقدت عليه مدرس العربي ايام الابتدائيه،، كل ما يمر من جنبي يقول: باليمين عساها الكسر

ان شاءالله الكسر فيه هوا

هادي المشكلة انو يحسبونا نستهبل وحتى وقت الأكل يقولولي كلي باليمين لاتقلدي الكفار ولما اقولهم ماافتكر يقولولي حديث الرسول"اللهم صلي وسلم عليه" لما قال للرجال فيما معناه كل باليمين قال مااقدر او حاجه كده بس بعدين قاله (لااستطعت) ..

شايفين كيف الناس ظالميننا

هيا أنا أطالب بعمل جمعية للحفاظ على حقوق الفئة المنسية المظلومة المتهمه بالاستهبال دايما .... الا وهي فئة (اليساريين)

وهذه ايضا من ضمن حقوق المراة المسلوبة


سوري عالاضافة مرة تانيه حبيت انورلك الموضوع تاني

[فااارس]

ههه :)

أصبح هناك اليساريين

و نحن هنا اليمين

أين الوسطيون ؟

:)