معتذر عن الدراسه -apw- " يا شباب مساعده " ..

[حسين القحطاني]

السلام عليكم ورحمة الله وبركاته


اسعد الله اوقاتكم بكل خير


أنا طالب في قسم إدارة الأعمال مسار موارد بشرية وقد قمت بحذف الترم الماضي نظراً لظروفي الخاصه..

وحبيت اني آخذ ترم صيفي ، لكن طلع لي في الحالة الدراسيه مثل ما انتو شايفين بعنوان الموضوع.. وش الحل علماً بأني اليوم حاولت اسدد عن طريق البنك مارضى لا الصراف ولا حتى من داخل البنك حاولت مع موظفين البنك قالوا لي شيك مع جامعتك علماً بأن اليوم الصباح في ناس سددو عن طريقهم.. ولا ادري وش المشكله ..؟ ووش الحل ..؟

اتصلت بالجامعه والسنترال بس اللي يرد ويحولني على تحويلات محد يرد .. أرجو منكم المساعده يا أخوان..



والله يجزاكم ألف خير يارب ..

[مساهم توب]

اتصل على عمادة القبول والتسجيل رقم 026952215 وانتظر لين يرد عليك السنترال واذ لم تسمع الرد الالي اتصل مرات لين يمسك معك

او اعمل معاملة الكترونية ووضح المطلوب منهم وراح يفيدوك

[حسين القحطاني]

الله لا يهينك أخوي مساهم توب


والمشكله أتصل على الجامعه محد يرد والله انقهرت والمشكله ماني من الغربيه أنا ساكن بالشرقيه ولا فيه فايده

أبيهم يردون حتى السنترال صاير يتغلى وما يرد وربي قهر..


انتظر المساعده من أخواني الباقيين


تحياتي ..

[ابو محمد 2009]

اعمل معاملة اليكترونية. لا تسدد مادامك معتذر الترم الماضي. فلوسك تترحل للترم الصيفي.

بالتوفيق

[حسين القحطاني]

المشاركة الأصلية كتبت بواسطة ابو محمد 2009 اعمل معاملة اليكترونية. لا تسدد مادامك معتذر الترم الماضي. فلوسك تترحل للترم الصيفي. بالتوفيق

أنا آجلت الترم الماضي وما سددت الرسوم .. يعني لازم اسدد الرسوم بس حالتي الدراسيه يبيلها تعديل بس كيف أوصل لهم والله تعبت محد يرد على تلفونه بالجامعه يا أخي من جد دوامهم دجه رفعو لي ضغطي ..

تسيب لأبعد درجه


ومشكور على طلتك .. إذا عندك أحد بالجامعه يتوسط لي في تعديل حالتي الدراسيه أكون لك شاكر

[ابو محمد 2009]

لا والله يالغالي ... الجامعة ماعندي فيها أحد... يعني لو عندي أحد كان هذا حالي

زي اللي طلع له الجني من الجحة قال أبي بيت
قال الجني لو عندي بيت قعدت في الجحة!!

سو عملية استفسار طالب و ترا الربع تقدموا شوي. يجيك رسالة على الجوال ورسالة لما يردون على موضوعك. بس اخلص سو الطلب.

بالتوفيق

[حسين القحطاني]

المشاركة الأصلية كتبت بواسطة ابو محمد 2009 لا والله يالغالي ... الجامعة ماعندي فيها أحد... يعني لو عندي أحد كان هذا حالي زي اللي طلع له الجني من الجحة قال أبي بيت قال الجني لو عندي بيت قعدت في الجحة!! سو عملية استفسار طالب و ترا الربع تقدموا شوي. يجيك رسالة على الجوال ورسالة لما يردون على موضوعك. بس اخلص سو الطلب. تقصد أسوي طلب عن طريق المعاملات الالكتروينه .. والا شلون ...؟ بالتوفيق

ولا هنت على كل حال أخوي أبو محمد

[Rasheed]

والله مشكلة

[حسين القحطاني]

إفيدوني الله يرضى عليكم


وكل ما اتصل على الجامعه ما اصدق على الله احد يرد على تحويلته وكل قسم يحذف الموضوع على قسم ثاني لو أنا بجده وربي ما ترجيتهم ..


شوفو لي حل الله يعافيكم ..