بنات الإنتظام إدارة اعمال أعطوني رأيكم ..

[نغم الحياه]

بنات إدارة أعمال شوفوا جدولي


وقولولي هل أحذف ماده كمان
لأنو الساعات 17 ساعه
وفي بنات قالوا أنها كثير ومح أقدر أجيب نسبه حلوه
........
أبغى بنات إنتظام يردو عشان هما عارفين قد إيش تعبوا
في هذي الخطه
..........
وكمان قولولي إش هيا المواد الحفظ وإش المواد الفهم اللي في الجدول
........
ولو أحذف قولولي بسرعه قبل يروح الحذف والإضافه بعدين أتورط

..............
ومشكوريـــــــــــــن وجزاكم الله ألف خير

[Visions]

حبيبتي مو طالع عندي الجدول
.
.
=(

[نغم الحياه]

طيب أنا رفعت الصوره من مركز تحميل
وجربت كمان كم موقع للتحميل
وش هو الحل ؟

[Visions]

حطيها في المرفقات احسن

[نغم الحياه]

وكيف أعرضها في المرفقات ؟
ترا ماأعرف لدي الحاجات
ماعندي علامة التحميل في المرفقات

[Visions]

دقيقه اسوي لك شرح بالصور =)

[Visions]

باك

شوفي الشرح في الصور

1-سوي تعديل للموضوع و بعدين لما تفتح لك صفحة التعديل انزلي شوي لما تلاقي نفس الكلام اللي في الصورة الاولى

2-راح يفتح لك اطار جديد زي الصوره الثانيه ..
اضغطي ع كلمة Browse و راح يفتح لك اطار يدخلك ع ملفاتك اللي في جهازك اختاري الملف اللي تبغيه ..

3- بعد ما تختاري الملف اضغطي ع كلمة رفع و استني الى ان يتحمل اقفلي الصفحه حقت تحميل الصوره
و ارجعي لصفحة الموضوع و احفظيه

ان شاء الله يكون شرحي واضح ..

دعواتك يا عسسل

[الايطاليهـ]

اكتبي جدولك كتاب
مو لازم ترفعين الصوره

[نغم الحياه]

Visions

شكرا ..
الله يعطيكي العافيه
شرحك ماشاء الله حلو

..................
أنا سويت برنت سكرين للصوره على الوورد
لإني ماأعرف أقص الصوره وأعرضها
مشي حالك ياشيخه

............. هيا قولوا وش رايكم
أحس الجدول مخوفني مرره
ومواده كثيره
واللي يقول ساعات قليله واللي يقول ساعات كثيره

وأنا مدري محتاااره

[susu MIS]

انا زي كدا اخد مواد

لكن قانون تجاري مو سهل وخدي مع أمل شلبي لو موجوده

مبآدئ الإداره مررره كتير وانصحك مع سمر عناني

محاسبه سهل شوفي ساره بكر ولا ريم صقر

اقتصاد جزئي سهل خدي مع فيفيان ولا ايمان السليمان كويسين

انا شايفه انو لو تبغي تجيبي معدل لازم تنقصي منها يا انو تحذفي مبادئ اداره يا قانون تجاري اختاري وحده منهم

واهم شي شوفي الاستاذات كيف

اللغه العربيه تافه ثقافه اسلامييه 2 هيا اغلس ثقافه لكن تمشي سهله حبتين

والله يوفقك