مادة ابلايد( مآثر الراوي ام منال التاودي ؟)

[Mayzee]

شكرا لك white rose
الاسئله رح استفيد منها ان شاء الله بما انه الماده غثيثه p;
وان شاء الله اقدر احذفها و اضيفها مع مآثر
بس الاودس يطفش مو راضي يفتح ابدا

[جيجي21]

د مناااااااااااال لااااااااااااااااااا هتندمي


انا نجحت ب سي مع اني كنت بذاكر واخدت درجات ممتاز وجيد جدا مرتفع في الدوريات لكن النهائي هي ركزت بالاسئله على شبترين و2 ولا جابت سيرتهم تقريبا ماتنوع اسئله وكله عددي

وجابت 9 اسئله بالفاينل عددي

لخبطت بسؤال تعداد نقصت 6 درجاااااااااااات لان كل تعداده عليها درجه وطبعا غير الاغلاط بالاسئله التانيه حاجه ناقصه شي

وحده اعرفها سقطت اصلا

[Mayzee]

شكرا جيجي ايوا بإذن الله مارح اخذ الماده معاها


بس عموما نزل خبر ان المواد اللي نزلناها للترم الجاي كلها اتمسحت وبيرجعوا يفتحوا الاودس مرا ثانيه عشان نرجع نضيف المواد من اول وجديد
عشان الامر الملكي اللي نزل بتغيير اجازة الاسبوع
فعشان كذا قفلوا الاودس
موفقين جميعا وشكرا لكم

[Jazz63]

أنا اتخرجت بمعدل 4.29 والسبب الوحيد في خسارتي للإمتياز هوه اني أخدت 3 مواد مع منال التاودي.
شيء محزن انها لسا بتدرس. الحل الوحيد عشان يرتاحوا منها بنات الانتساب انو ما تسجلوا عندها لحد ما يغيروها لأنو الإدارة ما يهتموا رغم ترسيبها لمجموعات كبيرة. افتكر اني نجحت عنها في الأبلايد بفرق 12 درجة بس ومعايا يمكن 3 بنات. أسئلتها ياريت كانت مقاليه لأن اللي فاهمة حتكتب بس الأسئلة كانت فراغات كثير وتعداد محدد عشان يسهل عليها التصحيح.
من الآخر ما في حد من الأستاذات مر عليا بقلة الأمانه اللي عندها. جميع الأستاذات كانوا بيحاولوا يوصلوا قد ما يقدروا معلومات خلال المحاضرات وهيا كانت بتدخل وكأنها قررت انو الانتساب درجة ثايه أو ميؤوس منهم وتقرأ من الكتاب وكأننا ما نعرف نقرأ لوحدنا والبنات يا حرام يأشروا!!
اللي تبغى تجرب حظها معاها بكيفها. أنا نجحت صح في المواد التلاته معاها بس على الحافة وندمانه إني ضيعت درجاتي معاها.

[nour al3mr]

الله يسعدكم شوفزا هي متعبه للأمانة لكن ماهو مستحيل تآخذوا معاها الـ a و الـ a+
درست معاها شخصيًا و عديت بامتيـآز الحمد لله بس المهم قطعوا الكتـآب لأنه لو أعتمدتوا على شرحها ما بتقدروا تلموا المنهج لأنه قرآءة

الله يوفقكم

[Jazz63]

معلش انتي احضري معاها انتساب واختبري كمان انتساب وبعدين قرري. إحنا ما بنتكلم ع الانتظام. أنا جبت ال a وال a+ في مواد أصعب من موادها. وحتى هيه جبت معاها 94 في الترجمة مثلاً. فبلاش تيجي وتقللي من قيمة التجربة اللي مرينا فيها مع هادي (الأستاذة). أنا سمعت كلام كتير غلط عن أستاذات تانين وأعرف اش يعني مبالغة الطلاب اللي يبغوا كل شي بالتأشير والتخليص.
التعب مش هوا المشكلة. مافي قسم مش متعب سواءً كان انتظام أو انتساب ولا أنا اعتمدت على شرحها فقط أو شرح غيرها. أنا ممكن أكون استمتعت بشرح غيرها بس ما عمري اعتمدت عليه خلال الأربع سنين كلها. ولا اشتريت أسئلة ولا بحوث ولا أي نيله من الأشياء مضيعه الطلاب.

[nour al3mr]

المشاركة الأصلية كتبت بواسطة jazz63 معلش انتي احضري معاها انتساب واختبري كمان انتساب وبعدين قرري. إحنا ما بنتكلم ع الانتظام. أنا جبت ال a وال a+ في مواد أصعب من موادها. وحتى هيه جبت معاها 94 في الترجمة مثلاً. فبلاش تيجي وتقللي من قيمة التجربة اللي مرينا فيها مع هادي (الأستاذة). أنا سمعت كلام كتير غلط عن أستاذات تانين وأعرف اش يعني مبالغة الطلاب اللي يبغوا كل شي بالتأشير والتخليص. التعب مش هوا المشكلة. مافي قسم مش متعب سواءً كان انتظام أو انتساب ولا أنا اعتمدت على شرحها فقط أو شرح غيرها. أنا ممكن أكون استمتعت بشرح غيرها بس ما عمري اعتمدت عليه خلال الأربع سنين كلها. ولا اشتريت أسئلة ولا بحوث ولا أي نيله من الأشياء مضيعه الطلاب.

الله يسعدك أختِ ما في أي تقليل لأي تجربة بالعكس سرد التجآرب بمختلف نطاقاتها و تنوعها بيفيد كثيـر الطـآلبـآت خاصة لو فصلنا لهم السبب من المرور بها
د. منـآل معاها الإنتظـآم و الإنتسـآب وآحد [ كَـ آلية شرح فجميعه قرآءة ] الفرق أن الإنتظـآم يمروآ باختباراتها على 4 مرآحل و الإنتسـآب على مرحلة
فالشرح نفسه و طريقة الأسئلة نفسها و أعرف طريقة تدريسها للإنتسـآب و أسئلتها على إطلاع تآم بها الله يوفق الجميع

مقصدي أختِ الكريمة أنه لا تحطوا ببالكم أنه مستحيل معاها الدرجآت العاليـة لأنه أعرف انتسـآب و اللي جآبوا درجآت عالية معاها خليك مني لو السبب كآن نظـآم دراستي
العبـرة في اختلاف الملكآت و القُدرآت بشكل عام مع أغلب دكتورآتنا ..
إن الطالبة يناسبها نمط الأستاذة و كآن عندها ملكة حفظ قوية ماشاء الله تقدر تصم الكتاب وتروح تفرغ لها المعلومات على الورقة خآصة إن الأسئلة أغلبها مقالي و بتآخذ الدرجة
و لو كانت تميل للفهم بتتعب جدًا و قد ما تبذل مجهود عالي بيكون الأمر شآق بسبب نمط الدكتورة في تدريس المادة

و ما جبت سيرة أي أسئلة و بحوث الله يحفظك الهدف فقط التوضيح بشكل عـآم أنه كل شيء موجود و لا يوجد شيء مُحآل
و دراستي معاها كانت بمادة فهم بحت فالتعب و الضغط كآن كبيــر لأنه لا اتمكنا معاها على الحفظ و لا الفهم لكن لكل دكتورة مفتاح و نحاول نوصل له :)

أعلى الله منزلتك في الدآريــن و بارك بك

[white rose]

المشاركة الأصلية كتبت بواسطة jazz63 معلش انتي احضري معاها انتساب واختبري كمان انتساب وبعدين قرري. إحنا ما بنتكلم ع الانتظام. أنا جبت ال a وال a+ في مواد أصعب من موادها. وحتى هيه جبت معاها 94 في الترجمة مثلاً. فبلاش تيجي وتقللي من قيمة التجربة اللي مرينا فيها مع هادي (الأستاذة). أنا سمعت كلام كتير غلط عن أستاذات تانين وأعرف اش يعني مبالغة الطلاب اللي يبغوا كل شي بالتأشير والتخليص. التعب مش هوا المشكلة. مافي قسم مش متعب سواءً كان انتظام أو انتساب ولا أنا اعتمدت على شرحها فقط أو شرح غيرها. أنا ممكن أكون استمتعت بشرح غيرها بس ما عمري اعتمدت عليه خلال الأربع سنين كلها. ولا اشتريت أسئلة ولا بحوث ولا أي نيله من الأشياء مضيعه الطلاب.

الله يحييك اختي الفاضلة

والدكتورة منال معك حق جربناها بالانتساب وهيا فعلا طريقتها صعبة ومتعبة لانها تعتمد على الحفظ وبدون ما يكون فيه اي سلايدات لها مساعدة لو على النقاط الاساسية اللي هيا تبغاها واغلب الكورسات عندنا سلف استدي لكن هيا كان اختبارها غريب خاصة بالسيمانتك لمن صار على 50 للامانة انا لمن مسكت الورقة حسيت اني ما ذاكرت وكان اغلب وقتي احاول افهم واربط المعلومات براسي واجوبتي ما كانت من شرحها هيا تعتمد على انك انتي تربطين وتشتغلين بنفسك على مستوى عالي يعني اتذكر سؤال كان جوابه من كتاب مقدمة اللغويات عاد كنت وقتها درست اللغويات من قرن من الزمان لكن مع ذلك تحاولين وربك كريم قادر ما يضيع لك تعب هيا دراستنا جهاد واي جهاد والحمدلله ان منّ علينا وتخرجنا بسلامة ..

وبرضو فيه بنات اخذو معها ايه وايه بلس سواء بالترجمة او بغيرها من الاختبارات حقتها سبحان الله الناس قدرات وفيه الناس اللي عندها ملكة الربط والفهم والتذكر اكثر من البعض الاخر لكن بشكل عام حتى بالانتظام ما ينصحو بيها لانها تتعبك كطالبة وما تساعدك كثير وبالانتساب عشان التصحيح يعتبر متعب عليك خاصة لمن تركز على جزئيات معينة وتكون عليها درجات مضاعفة وهو مرة وحدة تختبري المادة يعني ما تلحقين تعرفين اش المهم من الدش لذلك يفضل انك تدرسين عند غيرها عشان تفهمين بشكل افضل وتخرجين بفائدة اكبر من المنهج اكثر من اعتمادك على نفسك وما تعرفي هل اللي اجتهدتي فيه صح او لا ..

الله يسعدك رايك فوق راسنا ونتشرف بوجودك وبخبرتك بيننا :-)

[Jazz63]

كلامك صح هيا تحتاج الحفظ وبس. في أجوبة ما تعجبها لأنو استخدمت فيها مرادفات الكلمات بس! يعني المحزن إنو جماعة حافظين مش فاهمين هما اللي مبسوطين معاها.
عشان ما يطول الكلام أنا ردي على أي وحده تسألني إنو ما تاخد أي ماده معاها إلا للضرورة. أنا أخدت معاها تلاته مواد كلو عشان ما أزيد عن الأربع سنين وفي الترم السابع شفت كيف زميلات ليا اتحطموا بسببها. ومش عشان أنا عديت أقول لغيري تجرب حظها. المسأله إنو مش حابه آخد ذنب أحد. ومتأكده إن اللي ما تلاقي غيرها راح تاخد الماده معاها بس يا حرام اللي بيسألوا وعندهم مجال ياخدوا مع غيرها بلاش أرسم ليهم صوره بمبي واسمعهم أغنية "بالجد والعمل".


وخبرة الجميع ليها أهميتها طبعاً وبالتوفيق يا Mayzee