استفسار واستشاره بخصوص التوصيات

[عبير العسيري]

السلام عليكم ورحمة الله وبركاته


وكالعاده لا غنى لي عنكم

وسأضل اعود اليكم حتى بعد التخرج


سؤالي هو

كيف استطيع اخذ التوصيات؟ ومتى؟ هل يوجد دوام حالياً؟

وهل يجب ان اتواصل مع الدكتوره قبل الذهاب؟

وكيف التنسيق معها؟

المهم اعطوني الزبده

لاني لازم آخذ التوصيات قريب


انا درست مع الاستاذه نجوى الغريبي وسوزان فكهاني

مع العلم اني نسيت اغلب الاستاذات اللي درست معاهم



اعطوني نصايحكم


وشكراً

[nour al3mr]

و عليكم السلام و رحمة الله و بركـآته
حيـآك أختي عبيــر و لا يستغنى عن وجودك الله يحفظك

التوصيـآت تآخذيها من الدكتورات اللي درسوك و الأفضل من اللي أخذتي عندهم درجآت عالية
البعض يعطي برحآبة صدر
البعض يدقق في كشف الدرجآت و ممكن تعطيك كلمتين على حسب ما تشوف بالكشف لو عندك سي أو دي أو إف
البعض ( عندنا بالإنتظـآم ) يطلب تكتبي برآقراف و بعدها تقرر تعطيك أو لا حتى لو كنت جآيبة عندها امتيآز
عندك دكتورات يقبلوا أنك تعطيهم الفورم الجاهز للتوصية و تعبيه لك و أنتِ وآقفة و انتهى الأمر
و البعض يرفض و يعتمدوا على كتآبة التوصية كتقرير وهذا يآخذ وقت لتسلمه لك

فاختلفت الأنوآع و ماهية إعطاء التوصية وفق الدكتورآت :)

شوفي ساعاتهم المكتبية متى و تروحي لهم قولي لها أنك درستي عندها المادة () و بتطلب منك صورة من الوثيقة + صورة من كشف الدرجآت ( الترآنسكربت ) و خلي الفورم حق التوصية مطبوع عدة نسخ و معبيه فيه بياناتك الشخصية

الله يوفقك

[white rose]

وعليكم السلام ورحمة الله وبركاته

أهلا بالمستشارة عبورة منورتنا وربي

التوصيات على حسب مين راح تاخذين منها اذا على مس نجوى فهي تعبي لك الفورم حق التوصية بمجرد ما تشوف كشف درجات وما يحتاج تاخذين منها موعد مجرد تروحين لها بساعاتها المكتبية وتعرفي مس نجوى ذوق ما تردك الله يحفظها ويسعدها

اما عن د. سوزان ما تعطي التوصيات بسرعة حتغلبك حبتين وتشوف كشف الدرجات وتدقق فيه كثير وعلى اساس تدقيقها تعطيك او لا يعني جربي معها وحطي ببالك احد بديل لها في حال ما وافقت

عندك د. منال التاودي تعطيك هيا بسرعة وما تغلبك بمجرد ما تشوف كشف الدرجات وتعرف درجتك تطبع لك الفورم

وفي النهاية المسالة مسالة توفيق من رب العباد

المواعيد حاولي تروحي الترم الاول افضل من الحين بعد بداية الترم بفترة عشان تكون خلصت فترة الجداول وانشغالهم فيها ويقدورا يساعدوك

وشيلي معك صور من الوثيقة اللي ختمتيها من وحدة الوثائق والمستندات مع الاصل في حالة طلبوه منك ولا تعبي اي شي في الفورم خليه فاضي المس تعبيه لك كامل بداية من اسمك الى النهاية ولا تنسين تختميه من السكرتارية بعد ما توقع لك المس على التوصية ..

ومس نجوى هيا تصور لك الوثيقة حسب ما قالو لي البنات يعني ما يحتاج تعطيها نسخة مصورة لكن شيليها احتياط معك

الله يوفقك وتتيسر لك التوصيات على خير :-)

[نجمal]

هذي التوصيات للماستر ... صح

[nour al3mr]

المشاركة الأصلية كتبت بواسطة نجمal هذي التوصيات للماستر ... صح

الماستـر في الجامعات هنـآ أو بالإبتعـآث الخارجي

الله يوفقك