طالبات المستوى الثالث والرابع سابقاً شاركونا خبراتكم

[ام حمدان]

المشاركة الأصلية كتبت بواسطة nour al3mr السلام عليكم ورحمة الله .. وكل عام وانتم في اتم صحه وخير وسعاده وراحة بال .. مشكورين يا حبايب والله خجلتوني بكلامكم .. جزاكم ربي جنه الفردوس الاعلى واثابكم و جزاكم بمثل مادعوتم لي واكثر .. boshra .. وام حمدان لكم جزيل الشكر .. والجميع .. وان شاء الله اي استفسار انا حاضرة وربي يقدرني على المساعده .. بس يا حبايب ما شفتكم بدئتوا تساعدوا بعض في حفظ مجموعه كلمات ؟!!<<سامحوني على اللقافه بس عن تجربه راح تحتاجوا لكميه من الكلمات بشكل كبير .. واذا حابين ابدا معاكم بمجموعه كلمات ماعندي مانع .. اترككم في حفظ الرحمن ورعايته..

كل عام انتي وجميع الاعضاء بصحه وسلامه يارب
الله يسلمك ويحفظك من كل شر
انا سبق وقلتلك نورينا بأي وقت انتي واي شخص حاب يساعد ويفيد نفسه وغيره
ومشكوره عالاقتراح وانا والعضوات المتابعين للموضوع إن شاء الله مابنقصر
وعن نفسي قلتلكم انا ايش ناويه اسوي بالنسبه للاجازه انا صراحه مافضيت اني اقعد احفظ كلمات جديده وكذا بس كنت من فتره لفتره اقرأ قصص قصيره حملتها من المنتدى بس عشان احاول اعود نفسي على القراءه بالانجليزي واقوي نفسي فيها وطبعاً مع رمضان صعب الواحد يفضى ويقعد يحفظ ويكتب وكذا مع انه النيه طلب العلم وطلب العلم عباده بس انا لو فضيت اروح اقرى قرآن ولا اصلي وادعي لكن حاطه لنفسي برنامج من تاريخ 7شوال تقريبا ببدا احفظ كل يوم 5 كلمات لغاية ماتبدأ الدوره والدوره اذا مره بدري بدأت بتكون بعد ثلاث اسابيع من الدراسه يعني يمديني احفظ عدد معقول من الكلمات الي مااعرفها لان اكيد في كلمات كثيره موجوده في الملف المرفق غالبيتنا يعرفها
اعتذر عالاطاله بس حبيت اكون واضحه معاكم واشارككم ببرنامجي وكل وحده تعرف البرنامج الي يناسبها
موفقين جميعاً إن شاء الله