استفسار عن ما بعد المقدمات الثلاث

[Banana|]

السلام عليكم ورحمة الله وبركاته ..
عندي مجموعة استفسارات الله لا يهينكم ..
- بالنسبة لما بعد المقدمات الثلاث، سمعت إنه ما أقدر أنزل مواد إلا لمن يتحدد المسار ، من وين أختاره ، وهل أختاره من دحين ولا في بداية الترم الجديد؟
-ايش الأفضل أمشي على الخطة وأخذ ( نحو وصرف وصوتيات ورواية ومسرحية و مناهج بحث ) ولا كيف؟
- بالنسبة للدراما مين أفضل ؛ مس إيمان بوترعة ولا مس إيمان حمزة؟
- والصوتيات مع مس ليلى هاشم كويس ولا لأ ؟
- آخر سؤال كيف الريسيرش مع مس إيمان بوترعة؟ لأن شايفة اسمها ..

آسفة جدًا جدًا على الإطالة، وبالتوفيق للجميع يارب ..

[nour al3mr]

و عليكم السلام و رحمة الله و بركـــآته

حيـآك أختِ

بعد انهائك لِـ مادة مقدمة في اللغويـآت Introduction to Linguistics
تراجعي السكرتارية و تطلبي منهم تحديد المسـآر
بعدها راح تفتح لك مواد الخطـة و تقدري تنزليها دون اشكـآليـة

الأفضل وفق الأستـآذات + مع أنك تنزلي 5 مواد
الصوتيات و الصرف و النحو مـرهـ تمام
الفكشن أو الدرامـآ أفضل الدرامـآ لأنها متطلب لشكسبيـــر
مناهج بحث كمان أفضل مع الدرامـآ لأنه تكوني اتوسعتي أكثـر في معرفة الأعمال الأدبية و العصور
سواء مس إيمان حمـزة أو إيمان باسـلآمة فإن شـآء الله أنهم تمام
أخذت مع مس إيمان باسلامة و كانت رائعـة يعجبني شرحهــآ ما شاء الله لأنها تسترسل فيه و تشدك لفهم المُهم أكتبي معاها أول بأول في الشرح و أرجعي أقرأي العمل الأدبي و من النت اتوسعي في قرائة التحليلات و راح تعدي على خير بإذن لله
المهم اجتهاد الطـآلبة

الصوتيـآت تمام مع مس ليلى ركزي معاها على اللي تشرحه وعلى كيفية عمل الوصف الصوتي للكلمات trans-crip-tion و التعاريف .

البحث ممكن معاها و ممكن مع د. نجوى أو ابتسام أو سوزان
لكن المـآدة تحتاج مجهـود و شغل و عطـآء و تفرغ :)

ربي يوفقك .

[Banana|]

الله يرفع قدرك ويوفقك يارب ..
جزاك الله كل خير نور ..