يا بنات 204 cpcs

[loly]

يا بنات الحاسب مين أحسن استاذه تدرس هذه الماده

الله يخليكم

[pinkflawer]

الترم الليفات اخذتها مع د.زينب مرة كويسةوشرحها مرة رائع

[mind glance]

ايش اسم المادة؟ وعن ايش؟
واذا تحبي ممكن تقوليلنا مين بيدرسك ونقولك كيف اسلوبها

[red flower]

^
^

اسم الماده Data Structure
هياكل بيانات



غالبا ً حتدرسيها مع د. زينب ..
وبصراحه شرحها ممتاز .. واسئلتها حلوه
حتى تصحيحها حلو ودايما في كل اختبار تحط بونس ..

بس معمل الماده مو مره سهل
ويعتمد على الاستاذه اللي تدرسه
انا اخذته مع أ.امل المنصور
لو في احد غيرها خذيه مغ غيرها افضل

[Anemon]

انا اخدت الماده الترم اللي فات مع د. زينب
صراحه شرحها مرره حلو وتفهمي معاها في المحاضره
والماده حلوه وسهله ادا تحبي البرمجه
ودايما تحط بونس في الاختبارات
اختباراتها الدوريه بين السهل والوسط
اما النهائي كان في شوية صعوبه مو نفس الدوريات

اما المعمل انصحك ما تاخدي مع امل المنصور ابدا ماتفهم
نهاية الترم جابولنا استاذه ساره مع انها ماتعرف عربي بس والله شرحها كويس
وانجليزيتها سهله

[red flower]

هذا الترم الماده نازله لكم مع د. زينب .. و أ. هيلين

طبعا انصحك تاخذيها مع زينب

لأن هيلين بصراحه شرحها مو حلو

[Ro0oSa]

لا لا تقولوا

انا نزلتلي مع أ.هيلين

والمادة نحل معاملها بالسي ولا بالجافا؟؟

[eih]

المعمل يتحل بالجافا
بس لو تقدري خذي الماده مع الدكتورة زينب شرحها مره حلو

[mind glance]

زي ما قالو البنات كدة بالضبط
:d


انا اخذتها مع د.زينب
وانصحك تحضري المحاضرات واذا ممكن تشاركي كمان
لأنها تعطي بونس على المشاركة احياناً
وتقريبا تكتب كل شي عالسبورة وتعطي وقت للكتابة
لكن احياناً اشياء تقولها ما تكتبها وتجيبها في الاختبارات
والاختبارات منها السهل ومنها المتوسط... وفي بنات يشوفوا بعضها صعب
بس بالنسبة لي كانت متوسطة الصعوبة ماهي تعجيزية

وانا اخذت المعمل مع أ.هيلين
بس كان على ايامي بالسي++
الاستاذة طيبة وهادية
وبالنسبة لي حبيتها وكنت ماشية معاها كويس
وترى هي فاهمة المادة كويس وكانت تشرح المعمل كويس
وتحب تنتبه على البنات الشاطرين واللي يحلوا الواجبات بطريقة حلوة
:)

[Ro0oSa]

eih
مشكووره
جزاك الله الجنه

mind glance
الله يسعدك
ريحتيني من ناحية أ.هيلين لما قلتي إنها تشرح كويس
لأن المادة نازلتلي معاها وما اظن يسمحولي أغير الشعبة
وربنا يكتب إلي فيه الخيــر للــجــمـيـــع