الحذف والإضافة ،، استفساار ، أرجو المساعدة :(

[NuranoO]

السلام عليكم

بخصوص الحذف والإضافة ، انا اول سنة في التخصص بعد التحضيري ( لغة انجليزية )
أضفت مادتين من المواد الأساسية اللي هي الكتابة والاستماع وبقي الثالثة اللي هي القراءة ما تظهر عندي عشان أضيفها أبداً ، جربت كذا مرة ألاقي المستوى الأول أما التاني لا !
مواد الخطة كلها 6 ماضفت غير 3 وكل الشعب مقفلة حق القراءة والمواد العامة حق الخطة برضو مقفلة مالحقت من المواد العامة الا العربي

ايش الحل الآن ؟
ما تنضاف المواد خلاص ولا كيف ؟
تقريباً ليا يومين وما فتح شي ، مع العلم صاحبتي لمن تفتح ملفها ع الأودس تلاقي مادة القراءة للمستوى التاني


أتمنى اللي عندو خلفية يساعدني رجاءً

[white rose]

وعليكم السلام ورحمة الله وبركاته

حياك الله اختي

كطالبة منتظمة يشترط أنك تختبري اختبار قبول عشان تنقبلي بالقسم بشكل رسمي وتكون درجات الالكا عندك اقل شيء 75 ومعدلك اقل شيء يكون 3

والمواد اللي تنزليها بجدولك راح تنحذف بعدين لانها مشروطة بالاختبار وبعد الاختبار راح يصلحو لكم جداولكم من عندهم بالجامعة فلا تقلقي من هالناحية حتى لو انقفل الحذف والاضافة من عندكم بالبيت راح يضيفو لكم من الجامعة من غرفة 119 بالجوهرة

المواد اللي تنزليها الان انتي او صحبتك مجرد لعمل جدول احتياط لكن الجدول الرسمي بعد ما تتجاوزو الاختبار بإذن الله وبعدها راح تنفتح لكم بقية المستويات ان شاء الله..

ربي يوفقكم :-)

[NuranoO]

المشاركة الأصلية كتبت بواسطة white rose وعليكم السلام ورحمة الله وبركاته حياك الله اختي كطالبة منتظمة يشترط أنك تختبري اختبار قبول عشان تنقبلي بالقسم بشكل رسمي وتكون درجات الالكا عندك اقل شيء 75 ومعدلك اقل شيء يكون 3 والمواد اللي تنزليها بجدولك راح تنحذف بعدين لانها مشروطة بالاختبار وبعد الاختبار راح يصلحو لكم جداولكم من عندهم بالجامعة فلا تقلقي من هالناحية حتى لو انقفل الحذف والاضافة من عندكم بالبيت راح يضيفو لكم من الجامعة من غرفة 119 بالجوهرة المواد اللي تنزليها الان انتي او صحبتك مجرد لعمل جدول احتياط لكن الجدول الرسمي بعد ما تتجاوزو الاختبار بإذن الله وبعدها راح تنفتح لكم بقية المستويات ان شاء الله.. ربي يوفقكم :-)

الله يسعدك شكرًا


لكن انا اتخصصت في القسم وانقبلت الحمدلله
لكن انا بتكلم عن إضافة المواد للترم التاني لأن إحنا بنفسنا نسوي الجداول أما الترم الأول هم سووه لنا
انضافت 2 من المواد الأساسية والثالثة لا
اللي هي مادة القراءة 2
شعبها كلها انقفلت وهي مادة أساسية ، رحت الشؤون 'النفوس خايسة ' قالت لي الشعب مقفلة وأعطتني الأرقام المرجعية قالت لي ممكن يوسعوها ( احتمال)


وفاتتني كمان المواد العامة


والآن مو عارفة ايش الحل اذا ما انضافت مادة القراءة ! هل ممكن أتأخر ترم عشان ادرسها لحالها أو ايش ؟ احترت وشلت همها :(

[white rose]

^

هلا اختي والعفو الله يبارك فيك

الحين فهمت عليك القراءة مهمة لكم لانها مفتاح للمقدمة في الادب والمواد الادبية بعدين و العادة يوسعون الشعب للبنات اذا شافو اقبال عليها كمان يفتحو شعب جديدة زيادة لو شافو عدد البنات كبير فلا تقلقي خاصة مواد التخصص كمان لو استمرت المشكلة وما وسعوها لكم روحي على غرفة 119 في بداية اول اسبوع من الترم الثاني يوم الاثنين لان اول يوم يقولو لكم السستم خربان كالعادة واكتبي ورقة طلب اضافة مادة وراح تنضاف لك بإذن الله يمكن شوية تتعبك بس تنضاف ..

المواد العامة اذا ما لقيتي شعب فيها راح تضطري تنزلي بديل لها المواد الحرة وتضيفيها لجدولك عشان ما يكون فاضي او تنزلي الفرنسي وتضيفيه لجدولك مع مادة حرة ..

المواد الحرة تعتمد على دفعتك لو انتي من دفعة 09 وما بعد حتكون عدد الساعات الحرة 6 ساعات واذا كنتي من دفعات قبل 09 فعدد الساعات الحرة حتكون 9 ساعات حرة

الله ييسر لك امرك ويوفقك :-)