محتار وش اختار من المواد الحرة ارجوكم ساعدوني .

[الفتى]

السلام عليكم ورحمة الله وبركاته

جدولي واضح تحت

بس محتار اخذ الثقافة الأسلامية والا اختار بدالها مادة ثانية

لأن ولد عمي حمل الثقافة الاسلامية ثلاث مرات وخوفني منها

مع العلم بأن فيه مواد حرة ثانية اقدر اختار منها بس اتمنى تساعدوني

بإختيار اسهل مادة لأني محتاج رفع المعدل ..

الشي الثاني والله اني خايف من مادة lan 213

لأن كثير طلاب اعرفهم حملو المادة السمستر الماضي :(

الرجاء المساعدة ..

[فتى الغربه]

والله بالنسبة للمادة الحرة حتى انا محتار مثلك
اما بالنسبة لمادة 213 lane فانا واحد من الي حملها السمستر الي مضى مع انني كنت متوقع اني راح انجح فيها ولاكن اذا السبب من الي صحح الاسئلة فالله لايسامحه دنيا واخره وان كنت انا السبب فرايح اتحمل خطأي
المهم انا حضرت الدورة مع الاستاذ على الأهدل الله يكثر من امثاله -طيب واخلاق ومعنويه- وقال لنا انا الاسئلة راح تكون مثل السمستر الي راح يعني اخيارات واكتب موضوع على براقراف واخيرا اختر قطعة وعبر عنها أو اكتب عن رساله
اتمنى اكون افدتك ولك دوام التوفيق

[مضاد حيوي]

الله يوفقكم يارب

كل المواد ما تختلف بصعوبتها عن اختها لكن أذكر اني اخذت مادهـ وكرهتها احس انها مرررره معقده بس الحمدلله نجعت منها بتفوق..
Arab 345


اما المواد الثانيه من جد ليت احد يعطينى نبذهـ بسيطه علشان نعرف الماده الللي راح نضيفها
Com 204
Com 205

Hist 221
Hist 334
Hist 335

Is 221

Isls 212
Isls 213
Isls 221

Psy 211
Psy 231
Psy 242
Psy 452

[][_ غــــــيــــــر _ ][]

الثقافة الاسلامية جدأً سهله

أنهيت الثقافة الاسلامية بجميع مستوياتها

رقم 101 و 201 و 301 و401 وبدرجات عالية ولله الحمد

بس يبيلك تروق اذا جيت تذاكر أي مادة وتكفي قراءة متأنية

مرة واحدة ليلة الامتحان مع الرجوع لاسألة الأعوام الماضية وقرائتها .

.. وبالتوفيق للجميع وعقبال التخرج ..

[الفتى]

اخوي فتى الغربة

شاكر لك ردك اللي من جد استفدت منه الله يكثر من امثالك ويوفقك يارب

بس ياليت لو تفسر لي كلامك الأخير عن التعبير عن قطعة بالأخير , وش يقصد فيها الدكتور ؟

شاكر لك اخوي فتى الغربة على حرصك على الرد .


أخوك / الفتى

[الفتى]

اخوي مضاد حيوي

شاكر لك الرد يا الغالي

عااااد العربي انا حامل مادة عرب 2 سمسترين ورا بعض

يعني اكرهـ مواد العربي خلقه بدون توصية هههههههه

واذا عن المواد الحرة اللي انت نزلتها وتستفسر عنها

انا فقط اقدر افيدك بمادة com205

اللي هي مادة "الإقناع"

انا عندي ملخص بسيط عن مادة الإقناع يعطيك فكرة موجزة عن هذه المادة ..

اللي اشوفه ان المادة سهله مع العلم بأني حملتها السمستر الماضي والسبب غيابي

عن الأختبار لأني لخبطت بين مادة com205 & com204

وجبت العيد هههههههه

المووووووووووهم هذا الملخص لك يا الغالي ..

[الفتى]

اخوي غير

بيض الله وجهك ووفقك الله , شجعتني على اختيار مادة الثقافة الاسلامية ..

[ممدوح القفيعى]

وشوووو تخصصك

[مضاد حيوي]

المشاركة الأصلية كتبت بواسطة الفتى اخوي مضاد حيوي شاكر لك الرد يا الغالي عااااد العربي انا حامل مادة عرب 2 سمسترين ورا بعض يعني اكرهـ مواد العربي خلقه بدون توصية هههههههه واذا عن المواد الحرة اللي انت نزلتها وتستفسر عنها انا فقط اقدر افيدك بمادة com205 اللي هي مادة "الإقناع" انا عندي ملخص بسيط عن مادة الإقناع يعطيك فكرة موجزة عن هذه المادة .. اللي اشوفه ان المادة سهله مع العلم بأني حملتها السمستر الماضي والسبب غيابي عن الأختبار لأني لخبطت بين مادة com205 & com204 وجبت العيد هههههههه المووووووووووهم هذا الملخص لك يا الغالي ..

مشكوووووووور اخوي وما قصرت
بالفعل كنت محتاج لفكرة مبسطه عن مادة الاقناع
الله يوفقك ان شاء الله

[فتى الغربه]

اعتذر عن الرد اخوي الفتى
بالنسبة للبرقراف يعطيك فقرتين أ - ب
مثال:
اختر قطعة واكتب عنها
أ- 1.عن الاجازة
2. عن صديق بيزورك
3. عن جامعة الملك عبدالعزيز
ب- اكتب رسالة
اكيد لخبطة ولا فهمت انا اوضح لك
اختر موضوع واكتب عنه موضوع من مواضيع (أ) أو عن موضوع (ب) فقط

[الفتى]

الف شكررر أخوي فتى الغربة

لا خلا ولا عدم



تحياااااااتي

[Fahad77]

هناك مادة حرة ثقافة إسلامية مقررها كتاب الرحيق المختوم عن سيرة الرسول صلى الله عليه وسلم . أخذتها الفصل الماضي . ليس هناك أفضل من سيرة الرسول العطرة خصوصا
في وقتنا هذا الذي اصبحنا في امس الحاجة لمعرفة تفاصيل حياته حتى نستطيع ان ندافع عنه
ونبين صورته العالمية المشرقه التي لا تحمل في ثناياها إلا رحمة للعالمين .

[big heart]

لا تحتار وأنت تختار

الثقافة الإسلامية سهلة جداً وممتعه وراح تجيب فيها بإذن الله درجات حلوه

وبالتوفيق

[D7oom]

بالنسبه لـ 213
انا قبل العام حملتها والترم اللي راح مادري وشلون نجحت بمعجزه والله اعلم ..
وشكلي ابحط شباك عنكبوت على 216 لأن كثير حملوها ترمين وثلاثه ..

بالنسبه 213 .. مأودي تطيحون باللي طحت فيه انا ..

اشياء اساسيه ركز عليها هي ..
1- البراقراف اهم شششي يعطيك اربع قطع تختار منها ورساله ترسلها ..
تأكد تمام التأكد انه ماراح يجيب لك عبر عن الإجازه او عبر عن كذا .. هذي ايام الإبتدائي ..
جاب لنا العام .. ناديك المفضل تكلم عنه ، ومميزاته ..
اخوك بيجي لك من السفر اشكره قدم شكر يعني .. لاتفكر بيقول لك وصف البيت ههههههههههه لعب علينا الدكتور :( ..
الأكيد انك لو قال اكتب برقراف واحد لموضوع واحد من الأربعه انت اكتب برقراف لموضوعين اضمن لك لأنه العام كان على البرقراف 30 درجه واتوقع ان سبب نجاحي اني كتبت اثنين من كذا لأن الأسئله ولا شي صح يمكن عشره بس او اقلللل مررره
لأني نجحت خمسين ..

2- ركز على المستطيلات والقواعد هذا اهم شي ..
مثلاً من ضمن الأسئله المعقده اسألة ( ايهم اصح)
في مستطيل اخضر يقول ( يمكنك انك تحط بين الجملتين كوما ، وتقدر تحط but وتقدر تحط مادري ايش)
يجيب لك سؤال ويذكر الخيارات الثلاث هذي ويقول ايهم اصح ..
كلهم صح بس ايهم ادق ، اذا الكتاب ماذكر الأدق شلون بتذكر انت الأدق فيهم والأصح .. لكن الأصح هو الكوما لأنها ذكرت أول وحده ..
المستطيلات الخضر هي الأهم عليها ثلاث ارباع الأسئلة والتمارين عليها اقل من ربع ..
هذا ما صار لنا العام ونص الطلاب حملوها .. القواعد احفظها صصصصصم لأنه يجيب اسئله .. يمكن انك تضع اخر السؤال نقطه ( الخيارات : نعم يمكن ، لايمكن ، يمكن ولا يمكن ، لايمكن ويمكن) يعني اسم السؤال (ارسب بالغصب)
هذا سؤال زي كذا جانا بالإختبار يعني لاتلومون ليه الطلاب يرسبون :)

انت خلك ذكي واحفظ المستطيل الأخضر حفففظ اهم من التمارين لأن التمارين مايجي منها الا خمس اسئله او اقل بعد

بالنسبه للبرقرافات لاتفكر انه بيجيب لك نفس فكرة اللي بالكتاب ، بيغير بالاسلوب مرره يعني بدل اكتب عن الاجازه ،، يقول اكتب عن السفر إلى لندن مثلاً .. السؤال ماجابه هذا لكن نفس الفكره عرفت ؟ :$

اتمنى اني صححت اشياءكانت مهبله فينا الترم اللي راح

بالتوفيق لكم جميع

[الفتى]

Abdullah77
big heart

الف شكر لكم على ردودكم المطمئنة .. لا خلا ولا عدم

[الفتى]

D7oom

هلا اخوي دحووووووم

تكفى يا دحوووووم لا تخوفني من مادة 213

أنا خايف منها بدون تخويف , لأني بجيب العيد فيها هذا والله أعلم ..

بس أنا بركز على مذاكرتها وأنشألله إني بستفيد من الوصايا اللي أنت ذكرتها ..




شاكر لك كل الشكر أخوي ..

[D7oom]

الماده وربي انها سهله .. بالعكس اسهل ماده تعتبر لكن نفس الدكتور غثيث عله يجيب هم القلب
يعني حتى تمارين الانترنت لمؤسسين الكتاب كانت تختلف اختلاف كلي عن اسئلة الدكتور..

في مثل يقول أسأل عن الدكتور قبل الماده ..

دكتور مادة lane211 الله يوفقه ويجزاه الجنه ..
كثير من الطلاب جابو فيها 100% اذا مو اغلبهم .. وانا كنت متوقع اجيب 76 والحمد لله جبت ميه .. لأن الدكتور يحب الخير للطلاب اسئله سهله وفيه سؤال زايد كان سهل للي ماقدر يحل الأسئله .. يعني احلى من كذا ماكان فيه

لاتخاف بس اللي قلت لك ركز عيهم وان شاء الله تعين خير

واسف اني ذكرت التفاصيل كذا بس ابي تكون على درايه وعلم .. لا أكثر ولا اقل ..

بس اذا عرفت عن 214 شي ياليت تعلمني