استفسارات عن استاذات الطفوله (مهم)

[εïз shosho εïз]

المشاركة الأصلية كتبت بواسطة شموخ أنثى اتوقع هيه تحطها ونحنا نختار

إن شاء الله

[أرووش]

مرحبتين

أنا درسوني ساما وزين ورندا مغربي ونادية طيبة ولينه منصوري وأماني البساط.

ساما: درستني برامج رياض أطفال ودحين آخد معاها مفاهيم رياضية (لسا ما اختبرت النهائي s: )
اسئلتها بصراحه صعبه صعبه صعبه, والصح والغلط مره دقيق وممكن تجيب من بين السطور وتحب اسئلة العللي مرررررره ومو اي تعليل لازم تجيب تعاليل عليها القيمة. وهيا انسانه مره دقيقه في المواعيد لو اتأخرتي يوم واحد على تسليم الواجب ما تقبلو الا بعذر مره قوي, ومحاضراتها مرررررره تقيلة وما تسكت ابدا (bla bla bla...)

زين: درستني مهارات بصراحة الله يسعدها اسئلتها تجنننن ومررررره سهله تخيلو اني جبت في دي المادة 97 وانا والله العظيم ما زاكرت كويس. وازا على الشرح ما يحتاجلها الماده شرح ابدا لانها ماده سهله والمعلومات اللي فيها قد اخدناها في مادة مراحل نمو الطفل.

رندا مغربي: درستني مفاهيم علمية.. دي الانسانه لا تفوتي ولا ماده معاها ومن جد لو تقدري تاخدي كل المواد معاها حتعيشي حياتك مبسوطه,, يعني لا تفكري تسألي عنها ولا عن اسئلتها بس خدي الماده معاها وصدقيني راح تعجبك.

نادية طيبه:دا الترم اول مره تدرسني واخد معاها صعوبات تعلم, واستعداد للقراءة والكتابة.. طيوبه وحبوبة ومره حلو شرحها بس اسئلتها صعبه يعني لما تاخدي مواد معاها لا تفكري تلعبي ابدا. اختبرت استعداد لسا باقي صعوبات بعد بكره(الأحد) بليز ادعيلي.

لينه منصوري: ادرس معاها دا الترم مفاهيم رياضية واستعداد (الجزء العملي) ما قد شوفت اسئلتها حقت الاختبار بس في الجزء العملي مره متفاهمه وتحب تساعد البنات بس مو مره تعرف تشرح. مره نقصتني على استمارة كنت كاتبه فيها معلومه صح وعدلتلي غلط, لما سألت د.ناديه (دكتورة الجزء النظري) قالتلي انو اللي كتبتو انا هوا الصح.

أماني بساط: درست معاها طرق تدريس 1.. الله يسعدها يارب الانسانه دي جدا راقيه, انا ناسيه اسئلتها حقت الاختبار بس افتكر انو يحتاجلها فهم وبس

:)

[أرووش]

يابنات المصطلحات في اختبار مهارات فنية وحركية النهائي مع د. زين احنا نكتبها ولا هي تجي واحنا نختار ؟

انا على زماني جابتها توصيل مش احنا نكتبها << على زماني << يعني قبل سنه بس هع

[εïз shosho εïз]

مرحبتين

أهلن وسهلن

أنا درسوني ساما وزين ورندا مغربي ونادية طيبة ولينه منصوري وأماني البساط.

ساما: درستني برامج رياض أطفال ودحين آخد معاها مفاهيم رياضية (لسا ما اختبرت النهائي s: )
اسئلتها بصراحه صعبه صعبه صعبه, والصح والغلط مره دقيق وممكن تجيب من بين السطور وتحب اسئلة العللي مرررررره ومو اي تعليل لازم تجيب تعاليل عليها القيمة. وهيا انسانه مره دقيقه في المواعيد لو اتأخرتي يوم واحد على تسليم الواجب ما تقبلو الا بعذر مره قوي, ومحاضراتها مرررررره تقيلة وما تسكت ابدا (bla bla bla...)

مدري صح أسئلتها صعبه بس ماشاء الله انسانه فاهمة أنا عن نفسي أحبها جدا جدا : )
بما إنك أخذتِ مادة برامج معاها كيف الأسئلة في الاختبار النهائي في مقالي غير التعليل ؟!

زين: درستني مهارات بصراحة الله يسعدها اسئلتها تجنننن ومررررره سهله تخيلو اني جبت في دي المادة 97 وانا والله العظيم ما زاكرت كويس. وازا على الشرح ما يحتاجلها الماده شرح ابدا لانها ماده سهله والمعلومات اللي فيها قد اخدناها في مادة مراحل نمو الطفل.

والله أسئلتها مو مره سهلة >_<
أنا مره ماحبيت أسئلتها مع ذلك هي مو مره صعبة في بعضها يمشي حالو
وبرضو بما انك أخذتِ مهارات معاها كيف الأسئلة في النهائي ؟ في تعاليل ؟! والمصطلحات هي تكتبها ولا احنا ؟!


رندا مغربي: درستني مفاهيم علمية.. دي الانسانه لا تفوتي ولا ماده معاها ومن جد لو تقدري تاخدي كل المواد معاها حتعيشي حياتك مبسوطه,, يعني لا تفكري تسألي عنها ولا عن اسئلتها بس خدي الماده معاها وصدقيني راح تعجبك.

نادية طيبه:دا الترم اول مره تدرسني واخد معاها صعوبات تعلم, واستعداد للقراءة والكتابة.. طيوبه وحبوبة ومره حلو شرحها بس اسئلتها صعبه يعني لما تاخدي مواد معاها لا تفكري تلعبي ابدا. اختبرت استعداد لسا باقي صعوبات بعد بكره(الأحد) بليز ادعيلي.

الله يوفقك يارب ويفتح عليك :)

لينه منصوري: ادرس معاها دا الترم مفاهيم رياضية واستعداد (الجزء العملي) ما قد شوفت اسئلتها حقت الاختبار بس في الجزء العملي مره متفاهمه وتحب تساعد البنات بس مو مره تعرف تشرح. مره نقصتني على استمارة كنت كاتبه فيها معلومه صح وعدلتلي غلط, لما سألت د.ناديه (دكتورة الجزء النظري) قالتلي انو اللي كتبتو انا هوا الصح.

أماني بساط: درست معاها طرق تدريس 1.. الله يسعدها يارب الانسانه دي جدا راقيه, انا ناسيه اسئلتها حقت الاختبار بس افتكر انو يحتاجلها فهم وبس

:)

جزاك الله كل خير

[أرووش]

والله ناسية اسئلة برامج
صاحبتي برضو بتسألني نفس سؤالك, اختباركم بعد بكره الأحد
يمكن لو عندي الملازم والكتب اقدر اقولكم ايش الموهم فيها
بس للأسف انا ادي كتبي بعد كل ترم لصاحبتي
عموما هيا تجيب نص الأسئلة مقالية يعني تعليل وشرح بسيط وممكن تقولك اشرحي رأيك في البرنامج الفلاني..

ومهارات فنية وحركية ما افتكر جابتلي تعاليل بس جابت اختاري مره مره مره سهل والله راح تعرفي تحليها بدون ما تزاكري,, بس ركزي على النقاط الأساسية زي المراحل الحركية (المرحلة الانتقالية والمرحلة الأساسية وكل مرحلة في أي عمر تكون) دي المراحل أفتكر جابت عنها كتير.

[εïз shosho εïз]

المشاركة الأصلية كتبت بواسطة أرووش والله ناسية اسئلة برامج صاحبتي برضو بتسألني نفس سؤالك, اختباركم بعد بكره الأحد يمكن لو عندي الملازم والكتب اقدر اقولكم ايش الموهم فيها بس للأسف انا ادي كتبي بعد كل ترم لصاحبتي عموما هيا تجيب نص الأسئلة مقالية يعني تعليل وشرح بسيط وممكن تقولك اشرحي رأيك في البرنامج الفلاني.. ومهارات فنية وحركية ما افتكر جابتلي تعاليل بس جابت اختاري مره مره مره سهل والله راح تعرفي تحليها بدون ما تزاكري,, بس ركزي على النقاط الأساسية زي المراحل الحركية (المرحلة الانتقالية والمرحلة الأساسية وكل مرحلة في أي عمر تكون) دي المراحل أفتكر جابت عنها كتير.

الله يعطيك العافية
دعواتك

[εïз shosho εïз]

يابنآت مين درست مع د.آمال مسعود ؟!

[ريم17]

دكتورة نادية انا درست معاها بصراحه جدااااااااا ممتااازه ماشاء الله وشرحها حلوو بس يبغالك تركزي معاها اثناء المحاضرة لانه اسألتها دقيقة شويه وتكتبي معاها اللي تقولوا في المحاضرة لانه كلامها مهم وتجيب منه في الاختبار واحرصي ع الحضور لانه محاضراتها مهمة جداا.

[εïз shosho εïз]

شكرا ريم بس ما تعرفي وحده درست مع د. آمال مسعود ؟!.

[ريم17]

صحبتي درست معاها وسائل تعليمية تقول كويسة واختباراتها سهلهـ...
بالتوفيق