تمويل صحي بنات..مع البنا

[تمتم2008]

اهلييييييين بنات كيفكم وكيف الاختبارات معاكم ...الله يوفقنا جميعاً يارب وتسخرلنا الدكتورات و الدكاترة ويسهلوا الاسئلة يارب العالمين
انا حليت الاسئلة وراح انزلها لكم بس استنوا ع الاربعاء او الخميس الجاي لانه الاسبوع هذا مشغوووله جداً وماني عارفه فين الورقة حقت الاسئلة واشوف حلي معاكم والله ييسر يارب ونجيب الفل مارك في كل المواد ...

[ام رفيف]

حل باقي الفقرات اللي مو متاكدة منها فياريت تعطوني رايكم

الفصل الرابع :
3) خطا، التمويل بالاسهم اكبر تكلفة من السندات.

الفصل الخامس:
6) خطا، يتشابهو انهم حصة في راس المال.
7) صح
9) خطا
10) خطا ، يمكن الاسترداد في السوق الثانوية ( البورصة)

الفصل السابع:
6) صح

[اموآج]

بنات الجزء النظري اللي من 60 صفحه
العملي والمسائل اللي نذاكرها وين مو لاقيتها

ممكن احد ينزلها هنا وـكون شاكره لكم ..

[ام رفيف]

المشاركة الأصلية كتبت بواسطة اموآج بنات الجزء النظري اللي من 60 صفحه العملي والمسائل اللي نذاكرها وين مو لاقيتها ممكن احد ينزلها هنا وـكون شاكره لكم ..

ياقلبي البنات الله يجزاهم خير كاتبينها هنا حتلاقيها في ص3 تبع الدخل والميزانية
وتبع النسب المالية ماعطانا عليها مسائل بس حتلاقي في الملخص ص53 بس هو حيجيب القوانيين
والنسب المالية اللي معانا نسب الربحية كلها
نسب السيولة ( التداول والتداول السريعة)
نسب ادارة الدين ( نسبة الدين ونسبة الدين الي حقوق الملكية)
نسب ادارة الاصول ( معدل دوران الاصول الثابتة ومعدل دوارن مجموع الاصول)
تبع موشرات التشغيل بس معانا( معدل الاشغال )والباقي محذوف
&&&&
حبايبي في الفصل الرابع فقرة 2 من الاختيارات
صافي الدخل = الايرادات - المصروفات

[marya m]

مرحبا

الله يديكم العافيه كلكم ويجعلها فموازين حسناتكم
انا دحين زاكرت الماده بس ماني عارفه كيف طريقة المسائل الحسابيه
واحس الدكتور مو موضح في المختصر كيف جاب النتائج
اعطانا بس ارقام زي صـ 25 احس مو مفهوم كيف طلعها
بلييز بنات ساعدوني احس اني حست

[e.s.k]

وانا مثلك ذاكرت لكن مش فاهمة كيف اعد قائمة مالية

[DANYH]

بناااات


لو جاتكم قائمة الدخل

اكتبوا دي البيانات



احفظوها صم بالإشارات


الإيرادات

- المصروفات

- الاهلاك

= الدخل قبل الفوائد والضرائب

- الفوائد

= الدخل قبل الضرائب

- الضرائب أن وجدت يعني لو كانت في نطرحها لو مافي خلاص

= صافي الدخل

- التوزيعات

= الأرباح المحتجزة




اول شي احفظوا دي البيانات بالترتيب واكتبوها. على طوووول بعدين حطوا كل رقم جنب المسمى وخلاص


طبعا الي جنبها يساوي أنتو حتجيبوها يعني متكون ناتج العملية

[DANYH]

أما لو طلب ميزانية


راح تعملو جدول من قسمين


أصول. وخصوم


الأصول الجارية
نقدية
مخزون
حسابات تحت التحصيل
وتحطي مجموعهم

أصول ثابته

مجموع الأصول



في الجهة التانية نكتب الخصوم


خصوم متداولة وهيا

تسهيلات موردين
تسهيلات مصرفية

ونجمعهم

ديون طويلة الأجل

ونحط كمان حقوق الملكية


لو كانت مهي موجودة راح نطرح مجموع الأصول. من مجموع الخصوم راح يدينا حقوق الملكية


في شي مرا مهم


لازم مجموع الأصول يكون مساوي لمجموع الخصوم بالضبط

[s.f]

المشاركة الأصلية كتبت بواسطة روحي تبيك 30 درجه مسالة علي النسب وهذي بتكون معطياتها انو يجيب قوائم الدخل والميزانية وقائمة بكل النسب سوا طلب مننا نطلعها أو لا

ممكن بس اعرف ايش تقصدي بمسالة على النسب قصدك الفصل السادس حق تحليل النسب
ومافهمت ايش يعني قائمه بكل النسب سواء طلب نطلعها او لا

وحبيت اسال عن كم حاجه وياريت تجاوبوني
في القوانين اللي فالباب السادس حق تحليل النسب المعطيات تكون من قوائم الميزانيه او الدخل صح ؟؟

[DANYH]

شيكي على صفحة 53 في الملزمة زي كدا حيجي الاختبار


بس حيجيب القوانين كمان كلها