خايفه من مادة الرايتنق..و محتاجه ارائكم ..!

[جوري الغربيه]

السلام عليكم ورحمة الله وبركاته ,,,

انا مستوى ثالث وخايفه كثير من مادة الرايتنق ..

يقولو انو الاختبار راح يكون كتابة مقال ومدري ايه!! ..ومشكلتي اني مستواي في الانقلش مو مره كويس
يعني ماعندي خلفيه كبيره في الانقلش يادوب اللي درستو وبس.!

خايفه من الماده هذي ..بليز ابغى اللي درسها من قبل يقولي صعبه او سهله وعن ايش مواضيعها وهل ممكن اني انجح فيها وانا مستواي في الانقلش متوسط!

قاعده افكر احذفها هالترم وانزل بدالها اي ماده عامه ..

والله محتاره كثير ماادري اتوكل على الله واخليها والا احذفها وادرسهاالترم الجاي

تكفون اللي درس هالماده من قبل لايبخل علي بـ رأيه ,.

[akwas bint]

وياليت كمان تقولولنا كيف اختبار الاستماع يكون والقراءه

[Om Yousef]

وعليكم السلام ورحمة الله وبركاته.....
عزيزتي جوري...أنصحك بأنك ما تأخري مواد التخصص حقتك عشان ما تنزنقي بعدين وكمان المواد العامة لا تأخريها خذيها كلها أول بأول في المستويات المحطوطة لها!
المهم يا قلبي..بالنسبة للرايتنج...أحسن شي تسويه هو بأنك بعد ما تعرفي كيف ينكتب الباراجراف تقومي من بعد كل شابتر تكتبي باراجراف فيما يختص بموضوع اليونيت نفسه! أنا ما أدري كيف شكل منهجكم الآن لأني أخذته من زمان! المهم...طريقتي كانت من بعد ما عرفت كيف شكل الباراجراف المفروض يكون ,وكان كل شابتر يغطي موضوع معين...أقوم على طول أتمرن على المواضيع المقترح الكتابة عنها في نفس الشابتر! نصيحتي لك في الرايتنج إنك على طوووول تتدربي كتاااابة وهذا الشي راح يساعدك كثير بإذن الله تعالى إنه الإجلش حقك يتقدم بإذن الله تعالى وما تخلي الأمور تتراكم عليكي وتحوسي نفسك بنفسك! إنتي أشتغلي أول بأول وكله راح يتسهل بإذن الله تعالى...
عموما يا ستي, أتمنى إني أكون قدرت أفيدك بشي معين....والله يسهلك يارب..

[Om Yousef]

أول مستوى رايتنج كان " قطعة" والمستوى الثاني منه كان " مقالة" وكل وحدة فيهم طبعا لها طريقتها الخاصة في الكتابة....

[جوري الغربيه]

ام يوسف الله يجزااااااااااااااااااااك خيييير ..
افدتيني والله بطريقة التدرب ع البراجرافات.. مشكووره حبيبتي ..

[akwas bint]

والاستماع والقراءه =( !!

[Om Yousef]

يا أكوس بنت يا لزيزة إنتي! شوفي يا ستي بالنسبة لطريقة الأسئلة حقت المواد ممكن والله أعلم تلقيها في الرابط هذا أو على الأقل ممكن هذا الرابط يفيدك بطريقة أو ما ! ممكن إن شاء الله أم حمدان تفيدك بطريقة الأسئلة حقت المواد بحيث تدلك على رابط يجاوب على أسئلتك إن شاء الله
http://www.skaau.com/vb/showthread.php?t=457988

[جوري الغربيه]

]اكوس بنت .. شوفي حبيبتي هذا الرابط راح يفيدك ان شاءالله

http://www.skaau.com/vb/showthread.php?t=457588

[akwas bint]

وه فديتكم مشكورين حبيباتي الحين بشوفها =*

[جوري الغربيه]

عندي سؤال بخصوص شرح الاستاذات الاء المحمدي . ريم سائحي .حنان الطرازي
شرحهم في المحاضرات كلللللللله بالإنقلش!! والا يشرحون بالعربي ويفهموون كويس!؟