تحويل من جامعة لجامعة ....

[strawberry18]

السلام عليكم كيف الحال
حابه اسأل ....
انا اتعينت الترم اللي راح معيده بجامعة الطائف ودرست الترم الاول فقط من السنه اللي فاتت بجامعة الملك عبد العزيز
ابغى احول الماجستير حقي لجامعة الطائف عشان يكون بنفس العمل غير انه زوجي رافض اروح جده
فمضطره مع علمي يقين العلم ان شهاده جامعتنا افضل بس الظروف
المهم كيف احول عن طريق الاودس ولا لازم اروح بنفسي وايش الاوراق المطلوبه وشكرا

[ولد بريطاني]

وعليكم السلام اختي وصباح الخير عليكي وعلى جميع افراد الاسره الكريمه

اكثر من يفيدك بهذا الموضوع هي جامعة الطائف اذا كان موجود نفس التخصص عندهم اقصد نفس المسار اللي مطلوب تكمليه

جامعة الملك عبدالعزيز مالها علاقه بموضوع تحويلك

الشي الثاني وبحكم انك معيده فقد يكون هناك تعامل خاص من قبل جامعة الطايف فالافضل تنسقي مع رئيسة القسم وعمادة البحث العلمي فقد يرفضوا دراستك في نفس جامعتهم جامعة الطايف لاسباب من وجهة نظرهم

[strawberry18]

لا هما كمان احد الاسباب اللي خلوني احول لانهم يبغوني ارس بجامعتهم عشان اخذ تفرع جزئي اشتغل وادرس بنفس الوقت )عشان يستفيدو مني ) ولكن لو رحت لجامعة الملك عبد العزيز حيصير تفرع كامل
راح اكلم رئيسه القسم مشكور

[غيم تايه]

المشاركة الأصلية كتبت بواسطة ولد بريطاني وعليكم السلام اختي وصباح الخير عليكي وعلى جميع افراد الاسره الكريمه اكثر من يفيدك بهذا الموضوع هي جامعة الطائف اذا كان موجود نفس التخصص عندهم اقصد نفس المسار اللي مطلوب تكمليه جامعة الملك عبدالعزيز مالها علاقه بموضوع تحويلك الشي الثاني وبحكم انك معيده فقد يكون هناك تعامل خاص من قبل جامعة الطايف فالافضل تنسقي مع رئيسة القسم وعمادة البحث العلمي فقد يرفضوا دراستك في نفس جامعتهم جامعة الطايف لاسباب من وجهة نظرهم

بالفعل الكلام هذا صحيح .. لأني اعرف احد الزملاء رفضت نفس الجامعة انه يدرس عندهم .. والآن تطالبه بدكتوراه من سعود او اي جامعة وترفض عبدالعزيز ..
واغلب الجامعة تنص على هذا عند التقديم على البرامج .. للتنويه.

[غيم تايه]

المشاركة الأصلية كتبت بواسطة strawberry18 لا هما كمان احد الاسباب اللي خلوني احول لانهم يبغوني ارس بجامعتهم عشان اخذ تفرع جزئي اشتغل وادرس بنفس الوقت )عشان يستفيدو مني ) ولكن لو رحت لجامعة الملك عبد العزيز حيصير تفرع كامل راح اكلم رئيسه القسم مشكور

طالما انهم في حاجتك، وما عندهم اشكالية فوالله فرصتك ولا تفوتيها طالما تواجهي مشكلة من مسألة الدراسة في مدينة ثانية والزوج عنده رفض نسبي في هذه المسألة، بالرغم ان التفرغ الكامل جميل لكن ما باليد حيله .. سددي وقاربي.

ومبروك ألف مبروك التعيين ، ومنها للأعلى .. والله يوفقك""

[ولد بريطاني]

شي جميل اختي على بركة الله . انتظري فترة التحويل في جامعة الطايف وقدمي وغالبا حيكون لكي تعامل خاص بحكم انك معيده

[strawberry18]

مشكورين جزاكم الله خير
لم تتح الفرصه للتحدث اليها لكن خلال هذه اليومين راح اتحدث معها

[A2Z]

نظاما يحق لك التحويل حسب لائحة الدراسات العليا وأنظمة الابتعاث ..
التحويل لا يكون من الاودس ،، اولاً راجعي قسمك و عمادة الدراسات العليا في جامعة الطائف و استفسري عن الشروط المطلوبة
و طالما القسم هو من عرض عليك الانتقال فهذه نقطة ايجابية لصالحك / أقلها ضمان القبول و توفر المشرفين ..
انا معك من ناحية قوة الجامعة و خلافه ولكن لا تفكري في هذا الأمر الآن اقصد ان قوة الجامعة ستتلاشى مستقبلا اذا اكملتي الدكتوراه سواء هنا او في الخارج
و اعتقد أن جامعة الطائف جيدة حسب ما اطلعت عليه في ترتيبها للنشر العلمي حصلت على مرتبة متقدمة و هذا يحسب لها كجامعة ناشئة فلا تقلقي من هذه الناحية
وازني الأمور و فكري جيدا وانظري للجوانب الايجابية و خاصة انك ما زلت في مرحلة الماجستير و خاصة أكثر لرفض زوجك
و حتي لا تدخلين لا سمح الله في دوامة من المشاكل الأسرية انتي في غنى عنها - والتي ستؤثر على دراستك
و بالتوفيق

[Lemo2]

السلام عليكم

انا في مكة وابغا احول الى جامعة الطائف

متى يفك التحويل الخارجي في جامعة الطايف