الموضوع محرج لكن الاغلبيه يعنون من هالمشكله ؟!!!

[بيييسان]

مساءكم ورد وفل ويآسمين

ادري الموضوع محرج ويخجل بس كلنا بنوتات مثل بعض انا حبايبي عندي مشكله سواد المنطقه الحساسه والفخذين وفي بنات كثير يعنون من هالشي وكمان مستحيا لم اتزوج انشاءالله لان شي محرج لم يكون عندك سواد ومايكون مثل اللون جسمك طبيعي بنسبه لي اخاف من الحلاوه وبصراحه اشيل بالموس لكن الموس متعب مايمر اسبوع الا وطلع الشعر فكرت اشيل بالليزر لكن حرام ومايجوز واخاف ربي يبلني بمرض موعرافه ايش اسوي اتمنى كل وحده تعاني من نفس المشكله وجربت طريقه وراح سواد منها تفيدنا والي عندها غسولات حلوه تكتب هنا يعني معليش ليش دايما الا مريكيات واللبنانيات والخ..... ماعندهم حسب ماسمعت ايش معنا احنا

[جنون الطفولة]

هلا حبيبتي , اممممْ شوفي أقولك حاجة
النت مليان وصفات بالهبللل , ماعليك الا تبدأي البحث والعمل بجديَّة ,
والان جايَّك الصيف يعني اشتغلي على نفسك , بدون كسل (ركزي على كلمة بدون كسل)

ولازم تتعلمي ع الحلاوة , دآ الأفضل
مع انه في السنة (حلق العانة)
بس فعلا الحلاوة أريح ,,

(بالنسبة لليزر)
انا عرفت مؤخرآ من زميلاتي انه صار في العيادات يعلموكي على منطقة من ذراعك مثلا ,
وتعمليه بنفسك للمنطقة الحساسة ,
وسمعت كمان من زميلتين ليا (ووروني كمان) صورة الجهاز على اساس نزل وتقدري تستخدميه في البيت وبنفسك ,
بس سعره على3 اتوقع وفوق ,

^^
متابعة للموضوع

[gzl GZLAN]

صح كلام جنون الطفوله فيه في عيادة عيد كلينك ليزر ذاتي تعمليه بنفسك

والافضل سؤال زي كده مو علنا .......

[حفيده الرسول]

احسك تتكلمي عني يا عسل لا و كمان انا ما اعرف استخدم الحلاوة لايديني و جسمي و لا عمري اشتريتها
فلو تفيدوني حبيباتي من وين اشتريها و كيف استخدمها اكون من الشاكرين

[Patricia]

أهلا عزيزتي..

بدااية أحب أعلق على كم شغلة:-
الأولى، مين قال لك إن الليزر حرام حبيبتي، الليزر حلال مافيه شي ترااه كله حف لا تغيير في خلق الله ولاشي، ما أدري يمكن انتي تقصدي انه حرام تكشفي عورتك للدوك، عموما في عيادات عندهم خدمة ذااتية إذا ماتحبي أحد يعملك..

ثانيا، الأجنبيات ميين قالك هالمعلومة عنهم أبدا مو صحيحة وبالأخيير تراهم مو حوريات نازلات من الجنة للأرض.. الفرق بينك وبينهم العناااية وبعدين انتي ما بتشوفي غييير ميريام ونانسي وهيفا وطقتهم هاذي مسوووية النون ومايعلمون قبل ماتطل علييينا بهالطلة الحلوة..

ثالثا، بالنسبة للغسولات كثيييييييييييرة رووحي الصيدلية وزي مايقولوا طبي وتخيري كير فري، فيم فريش، سيباميد.. والكثيير..

وحفيدة الرسول حبووبة الحلاوة موجودة في الصيدلية، فيه شركة جواهر الريم بشمع العسل طيبة ومافيها شي..

أعذروني م أقددر أدخل في تفاصييل أكثر المنتدى مليان شباب وعييب علي م أقدر أخذ رااحتي، عموما حبيبتي المنتديات النسائية هالموضوع أخذ حقه وزيادة من النقاش اعملي سيرش ورااح تلاقي الكثير..

[~*~ ملكة الليل ~*~]

وانا انصحك بدل دا كلو كريم امبيلكا مرا معروف

من صيدلية المجتمع ومهو موضر ابدااا

[solaaa]

المشاركة الأصلية كتبت بواسطة patricia ثانيا، الأجنبيات ميين قالك هالمعلومة عنهم أبدا مو صحيحة وبالأخيير تراهم مو حوريات نازلات من الجنة للأرض.. الفرق بينك وبينهم العناااية وبعدين انتي ما بتشوفي غييير ميريام ونانسي وهيفا وطقتهم هاذي مسوووية النون ومايعلمون قبل ماتطل علييينا بهالطلة الحلوة.. ..

صح كلامك باتريكا زينا زيهم مافي فرق بس احنا مشكلتنا ماعلمونا اهالينا نعتني بنفسنا

من يوم كنا صغار من باب العيب والحياء وبس نكبر نتبهدل :(

وكمان جونا حــااااااار موت فابيعدم المناطق اللينة واللي بتحتك مع الملابس


______

انا انصحك بالكركم والزبادي تحطيه على جسمك لمدة نص ساعة وبعدها افركي جسمك

بالجل المقشر والليفة <<روحي محلات بودي شوي تلقي عندهم الأشياء دي

واتروشي عايدي ومع الأيام بتشوفي الفرق بس اهم شي تداومي

عندي ملاحظة : الكركم يصفر البشرة انتبهي تحطيه ايام الدراسة

[الوردة الموفية]

ما عندي معلومات كثيرة عن هذا الموضوع .. بس دوري في النت بتحصلي كلام كثير عنه ..

بس أنصححك تبعدي عن الحلاااوة في المنطقة الحسآآسة .. لأنا تجيييب امرآآض و تأكدي بنفسك ..

[بنت العسكري]

أنصحك يا حبيبتي تبتعدي عن الخلطات!!!المنطقة هذي جدا خطيرة انو تحطي عليها حويس مثلا زيت زيتون مع ليمون مع بودرة جونسون و اللي تقول نشا مع زبادي مع مدري ايه!!!لا تسمعي كلام المنتديات..انا اول مرة كان رح يجيني هوس من كثر ما قرأت و قلت مو شغلي رح انفذ هالخلطات,لكن الحمدلله صادف و فتحت موضوع تحذير من هالخلطات و خطورتها لان المنطقة حساسة..الغسول ما في احلى و لا اظمن من الماء الدافي و الملح الخشن أو موية و مـُر..الغسول اللي من الصيدلية لازم تروحي لدكتورة تصرف لك..مو كلنا زي بعض..لانو مرة قرأت أن الرحم ممكن يكون حمضي أو قاعدي,يسير ما ينفع نستخدم اي شي
كلنا نعاني من هالمشكلة..أهم شي النظااافة,,مو اللون.صح اوحدة تتمنى لكن الحمدلله
احرصي على نظافة المنطقة و تجفيفها..و لا تغسليها بالصابون لانو يجففها و يسودها,,
اتمنى اني افدتك,,لا تنسيني من صالح دعاك الله يوفقك دنيا و اخره

[مملكة عمري]

المشاركة الأصلية كتبت بواسطة جنون الطفولة (بالنسبة لليزر) انا عرفت مؤخرآ من زميلاتي انه صار في العيادات يعلموكي على منطقة من ذراعك مثلا , وتعمليه بنفسك للمنطقة الحساسة , وسمعت كمان من زميلتين ليا (ووروني كمان) صورة الجهاز على اساس نزل وتقدري تستخدميه في البيت وبنفسك , بس سعره على3 اتوقع وفوق , ^^ متابعة للموضوع

صح في عيادات يعلموكي تسوي ذاتي
وانتي تسوي المنطقة بنفسك

وفي اجهزة تشتريها وتكون عندك في البيت
انا سألت وقالولي من افضل الانواع شركه Silk'n
ولقيتها في امريكا على قريب الف وستمية
المهم انا سألت استشاري قالي الاجهزة اللي في البيت كويسة بس احيانا مع قلة الخبرة بعض الناس يحرقوا نفسهم حروق طفيفة وتروح
مااعرف في منه في السعودية ولا لا
انا اهلي وصوني اجيبلهم دا الصيف وانا نازلة

المهم انا خرجت عن الموضوع
بالنسبة للسواد في كريم وصابونه تجي مع بعض
اسمها سينسي كلير وصفتها الدكتورة نوال الراجح اللي في ادمة لوحدة اعرفها
المهم انه زيه زي اي كريم باقيله صبر وماتبين النتيجه على طول
فاذا ماوراك شي قريب يصلح

حطيت صورته في المرفقات