InstagramTwitterSnapChat


 
وصف

العودة   منتديات سكاو > الملتقيات الجامعية > ملتقى المنتظمين
   
   


ملتقى المنتظمين كل ما يخص طلاب وطالبات الانتظام تجدونه هنا

نصائحة سحرية لعمل الجداول الدراسية

ملتقى المنتظمين

 
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 01-10-2010, 04:09 PM
الصورة الرمزية واحد هادي

واحد هادي واحد هادي غير متواجد حالياً

مهندس أبو الجود

 
تاريخ التسجيل: May 2009
الكلية: كلية الهندسة
التخصص: هندسة حاسبات
نوع الدراسة: ماجستير
المستوى: الثاني
البلد: جــــدة
الجنس: ذكر
المشاركات: 403
افتراضي نصائحة سحرية لعمل الجداول الدراسية



السلام عليكم ورحمة الله وبركاته

كيف الحال جميعا؟؟ أتمنى إنكم تكونو بأفضل صحة وعافية يارب
مثل ماهو باين من إسم الموضوع راح أعطيكم شوي نصائح عشان تتعلمو تعملو الجداول بنفسكم بدون الحاجة لأحد


يمكن الكثير منكم وخاصة اللي توهم داخلين الجامعه ماعندهم أي فكرة عن طريقة عمل الجداول وخاصة انه شي عمرهم ما أتعودو عليه وهذا بسبب إن مدارسنا للأسف ما بتجهز الطالب للمرحلة الجامعة ولا حتى في الجامعات أي مجال عشان يتعلم الطالب هذي الأشياء وممكن يغلط مره واثنين وعشره الين يتعلم.. بل في طلبة الين يتخرج مايعرف هذي النقطة ولا يقدر يتقنها.

يمكن البعض يقول انت جاي تتفلس ولكن عشان تطئمنو اني ان شاء الله راح أعطيكم نصائح عن واقع تجربه أحب أقلكم اني والحمدلله عندي دبلوم عالي كلية تقنية من جده + اثنين دبلوم عالي من امريكا + بكالوريس تقنية معلومات وحاسب الي من الجامعة العربية المفتوحة.... وكل هذي الاشياء أعطتني خبرة طويلة في طريقة عمل الجداول الى أن وصلت والحمدلله اني سويت وعلمت كثير طلبة في الجامعة المفتوحة طريقة عمل الجداول.

الان مع الخطوات...

أولا... معرفة المواد والمتطلبات:

في البداية لازم نعمل حصر لجميع المواد اللي المفروض ندرسها وراح تكون غالبا كالتالي:
1-مواد جامعة (عامة) اختيارية.
2-مواد جامعة (عامة) اجبارية.
3-مواد كلية (تخصص) اختيارية.
4-مواد كلية (تخصص) اجبارية.

طبعا المواد الاجبارية مافيها أي كلام وكلها لازم ندرسها سواء مواد الجامعة أو الكلية.

بخصوص المواد الاختيارية العامة ممكن أي طالب أو طالبة ولو مش من نفس التخصص يقدر يعطينا نصائح.. مثل هذي المادة أسهل من هذي أو ممتعه أكثر.. هذا الدكتور متعاون ويشرح أفضل من هذا... لكن المشكلة هي في المواد الاختيارية للتخصص.

في المواد الاختيارية للتخصص لازم نحاول نعرف كل المواد الاختيارية ونشوف شوي معلومات عنها ونحاول نسأل زملاء سابقين لنا أو ادارة الكلية أو حتى نحاول نقرأ عن المادة بأي طريقة.

بعد مانجمع المواد كلها اللي نحتاجها عشان نقدر نوصل لعدد الساعات المطلوبة للتخرج ونقدر نحدد ايش هي المواد اللي نبغاها وأكيد نحاول نعمل بديل لانه مثلا أنا حددت أبغى المادة (ألف) ولما جيت أسجلها لقيت انها موموجودة معناه لازم يكون في بالي ماده بديله وهي (باء).

الان نجي نشوف حكاية المتطلبات وهي هذي النقطة الأهم.

لو فرضنا انه عندي مادتين لغة عربية 1 + 2.... في بعض الأوقات ما أقدر أخذ عربي 2 الين انتهي من مادة عربي 1.... وهذا معناه ان عربي 1 هي متطلب لمادة عربي 2

هذا يعني اني احط في بالي هذي النقطة.. يعني ماينفع أقول أنا راح أدرس الترم الأول عربي 2 والترم الثاني عربي 1

في الأخير نعمل جدول بأي طريقة تناسبنا ويفضل اننا نقسمه مثل ماذكرنا فوق حسي المتطلبات العامة والتخصص الاجبارية والاختيارية وكمان نحط في بالنا ان المواد اللي تعتبر متطلبات لمواد اخرى تكوت في بداية الجدول.

الان صار عندنا جدول يحتوي على المواد اللي راح ندرسها كلها وواضح عندنا المتطلبات وكل شي نحتاجه بخصوص هذا الجدول.

مثال لجدول مقترح

 


توقيع واحد هادي  

اعقُل بعزمكَ واعتصم وتوكـل : واسلك سبيلك فالظلام سينجلي
إن كنت بالله المدبّر موقنــــــاً : فالله خير ميسّر ومــــــــــــذلّل

شكرا للأخت الكريمة (meme_3223) على هذه الأبيات الرائعة
---------------------
مواضيعي

 


التعديل الأخير تم بواسطة واحد هادي ; 01-10-2010 الساعة 04:13 PM. سبب التعديل: تعديل اسم الموضوع

 

 

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 11:57 AM


Powered by vBulletin® Version 3.8.9 Beta 3
Copyright ©2000 - 2024, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2023