- بخصوص موارد بشرية رجاءا الدخول ..

[آبو روآد]

السلام عليكم

ياجماعه انا طالب انتساب دفعة 09 وبما اني اجلت اول ترم لي بالدراسه فصرت الحين مع دفعه 10 < الاخ سوداني اول الدراسه تاجيل ^__^
المووهيم مالكم بالطويله انا اللحين بكلية الادارة والاقتصاد - قسم الموارد البشريه
وطلعت معايا هذي الموااااد :

مبادىء المحاسبة 101
القانون التجاري 211
مبادىء الاداره 101
مبادىء الاقتصاد الجزئي 101
تحليل كمي 2 204
لغة عربيه 201





وهي اول مواد التخصص بالنسبه لي
واكيد سمعتم ياجماعه عن الخطة الجديدة للسنه هذي ادارة واقتصاد ان دراستهم بالانجليزي - بس انا الحمدلله ماتشملني الخطة عشان انا انتساب
اللي بسأله لكم ياحلوووين وابيكم تساعدوني فيه
انا بالسنه التحضيريه كنت احمل من هذا الموقع ملخصات وكنت احمل اسئلة الاختبارات الماضيه
وكنت اذاكر من هذي الثنتين فقط لاغير
والحمدلله جبت درجااات كويسه

- اللحين الوضع من كثر القيل والقال خفت حيل ولاادري شسوي هل اشتري الكتب وضررروري عشان مواد التخصص او اشتري الملخصات لاني بحكم اني معتمد بالسابق على ملخصات المنتدى والاختبارات السابقه ونجحت والا التحصص يفرررررررق بكثير؟


بمعنى اخر تكفيني احمل من هالموقع اسئلة الاختبارات للسنوات والاترام الماضيه والملخصات ولا قديمة ؟
وياليت اذا في روابط تحطوها هنا لاني دخلت قسم الملخصات بس في بعضها قديمه ولا عادي ؟

- الشيء الثاني هل المواد هذي يحتاااااااج لها مدرررس خصوصي بحكم اني مشغول بعملي واحيانا صعب احضر الدورة التأهيليه


- وش المواااد اللي يحتاااااج اركز عليها وصعبه من هذي المواااااد ويبغالها مدرس ؟

- و كيف اعرف المحذوووف واللي مو محذوف -؟

- اخر شيءياحلووين انا والله محتار احمل من الموقع احس انها نسخ متاخره لاني ماادري عن الكتب فاللي مثلي ويعرف هالتخصص يفيدني لاني اختلف انا عن الانتظام

يعني افيدوني بملخصات لموادي اخر شيء او اخر نسخه يعني حقت الترم هذا عشان اعرف وش المفردات ( المحذوف وغيره ) وابدا اذاكر

- الله يسعدكم اللي بيجاوب علي يجاوب على كل اسئلتي ولو باختصار

وادري طفشتكم وتعبتكم بس ان شاء الله بموازين حسناتكم - لاني حيل تااايه

باالاخير نصيحة لهالمواد وهالترم للي مجرررب

وبالتوفيق وان شاء الله نتخرج سوى كلنا ^_^

[أبو رسيل]

هلا والله يالغالي

بخصوص المواد اللي ذكرتها

هاذي يدرها جميع طلاب ادارة الاعمال

ومواد التخصص الفعلية تبدأ من الترم الخامس ومع بعض المواد العامة لجميع التخصصات


وانا انصحك يالغالي انك تشتري الكتب لان الملخصات عادة لا تشمل جميع المعلومات

واجعل الملخصات مراجعة والاسئلة تكون هي النهاية

وقد تجد بعض المواد الملخصات قديمة جدا والكتاب تغير وهذا راح يأثر عليك يالغالي

ومن ناحية المدرسين انت ادرى بقدراتك اخوي

يعني فيه مواد نظرية لا تحتاج مدرسين ومواد عملية تحتاج مثلا

مبادىء المحاسبة 101 -- مادة ممتعه ولا تحتاج مدرس فقط تحتاج تركيز
القانون التجاري 211 -- مادة نظرية مجرد قراءة والتركيز على المهم
مبادىء الاداره 101 -- ايضا مادة نظرية
مبادىء الاقتصاد الجزئي 101 -- مادة ليست بالصعبة وفيها عدة مسائل وجداول ولكن مع التركيز والمراجعة راح تجيب درجة حلوة فيها
تحليل كمي 2 204 -- هاذي مادة يبي لها شغل بصراحه يعني لابد تتطلع عليها قبل ماتقرر تحتاج مدرس او لا .
لغة عربيه 201 -- سهله للغاية

ومن ناحية المحذوف راح تعرفه بعد الدورات التأهيلية ولا تعتمد على محذوفات السنوات الماضية لان الدكتور قد يكون تغير

وان شاء الله بالدورات التأهلية راح يفيدونك اكثر عن المهم والمحذوف والملخصات الحلوة والمفيدة

والله يوفقك يارب

من ناحيتي انا عديت هالمواد قبل فترة وبصراحه ماهي بالصعوبة اللي تخلي الواحد يخاف منها

ولكن كل ما شريت الكتب بدري كل ما استفدت من الوقت

الله يوفقك اخوي الكريم

اخوك
ابورسيل