نسبة الرجال الذين يهوون الترقيم

ابو عريب · #1 23-11-2008, 01:27 AM

السلام عليكم ورحمة الله وبركاتة
اولا صباح الخير لجميع الاعضاء المحترمين في هذا المنتدى الرائع
وهذا اول موضوع اكتبه في هذا القسم منتدى له واتمنى مايضايق احد

ندخل بالموضوع
ظاهرة الترقيم بين الشباب من قديم الزمان ظاهرة موجودة وتطورت بالوقت الحالي
عن طريق البلوتوث والي دعاني لكتابة هذا الموضوع قصة واحد من زملائي رحت انا
وياه محل كمبيوترات داخل الرياض طريق العليا العام بيشتري كمبيوتر محمول المهم شرا
الجهاز وقالوا له تعال بعد ساعة ونص رحنا قال صديقي وشرايك نروح التحلية نشوف الاستهبال
وطبعا صديقي وزنه 140 يعني دب وخفيف ظل وواثق من نفسه قلت ياولد اشكالنا ماتصلح مو
قبيحين لكن مانصلح لهم نروح التحلية السيارة قديمة وانت دب ومشخص بنت البكار هذي تشخيصة خاصة بأهل شرق الرياض
المهم شفنا ثلاث بنات في جمس والسائق سواق اندونيسي والبنات يرقصن داخل الجمس والشباب
في كل الاتجاهات حول الجمس وكلا من جهة يبي يعطي الرقم المهم من سوء الحظ صرنا جنب الجمس الي فيه البنات وخويي طار عقله قام ينادي البنات على باله يبي يرقم فتحت البنت الجام وقامت تطالع صديقي من فوق لتحت وقالت حتى حسين الجسمي يبي يرقم
المهم دخل علينا واحد كشخة شكل وسيارة فخمة وطبعاا عطنه وجة انقهر خويي وقال للرجال ياخي سقطت علينا رد عليه الرزة يعني الكشخة شكلك غريب فالعليا وبعد الكلام هذا طبعاا رجعنا وخذينا المحمول ولا لنا نية نرجع المكان
طولت عليكم
من الموضوع هذا شد انتباهي حب الشباب للترقيم مع انها ظاهرة سيئة وشكل نسبتها عندنا كبيرة
السؤال هنا هل انت مع او ضد هذه الظاهرة
مع احترامي للشباب انا مااعمم جميع الشباب فيه شباب مايرضى مثل التصرفات
ومع احترامي للبنات كذالك انا مااعمم جميع الفتيات فية بنات كثير فيهم الخير والبركة
واتمنى مايكون موضوعي ثقيل عليكم
ودمتم

@ندى@ · 23-11-2008, 02:15 AM

والله ماايديها وابدا مافي احد يايد هذا الشي لو هو يسوي ولكن

نقول الله يصلح كل مسلم يارب واحسها فترة وتعدي

ولكن جد فترة مالها داعي بس تمر في حياة اي احد

الله يتوب علينا وعلى الجميع يارب

n_n · 24-11-2008, 02:33 AM

أكيد محد يأيد هذي الظاهره
لأن محد يرضى هالشي يصير لأخته أو أحد من أهله ..

وقول لحسين الجسمي خويك أنا سويت موضوع بالموقف اللي صار وعلمه أن محد يأيد سواته ..
بس بيني وبينك والله فيه بنات يجيبون هالشي لأنفسهم ... من منظرها تخرج بعبايه تقول عرس
كأنها تقول تعال رقمني !!!

الله يهدي شبابنا وبناتنا يارب

نايف ... · 24-11-2008, 04:32 AM

أكيد مافيه احد مؤيد ..

لكن البلاء والمصيبه تدري وين..

اذا صارت البنت هي اللي ترقمك ..

والشي هذا ما اقول لك صار مع غيري لا والله صار معاي انا ..

وفوق كذا ورب البيت اني رفضت الرقم وجلست تزن علي الين اخذت الرقم منها ..<<متعود هو اللي يرقم نقرتين لعرض الصورة في صفحة مستقلة

والمشكله انها احرجتني قدام العالم يعني كان فيه مجموعة عوايل عندنا طبعا الموقف هذا حصل لي بالسوق ..

وغيرها واجد..

<<للمعلوميه ترى ما اني حلو نقرتين لعرض الصورة في صفحة مستقلة