افيدوني يااهل التربيه ربي يريحكم

[ازهار]

سلام عليكم ورحمة الله وبركاته

كيفكم يابنات كليه التربيه


انا عندي استفسار ياليت القى الجواب الي يبرد قلبي عندكم

انا تحضيري ومحتاره جدا بين كليه التربيه وكليه العلوم

خايفه ماامشي بكليه العلوم لانه كله انقلش وانا تعبانه في التحضيري


بغيت اسالكم كليه التربيه أيش التخصصات المتاحه للعلمي فيها


كمان وين كليه التربيه هذي بالجامعه ولا الفيصيله ولا السلامه


الدراسه عندكم كيف بالنسبه للاحياء..؟؟ هل هوا احياء عام ام قسم حيوان ونبات مثل كليه العلوم.؟؟


...ياليت تفيدوني ربي يوفقكم ويريح بالكم

[MS.Fabulous]

مرحبا
كليه التربيه اقسام علميه تخصصاتها كالتالي:
احياء
كيمياء
رياضيات
فيزياء
علم نبات
علم حيوان
وموقعها في الفيصليه
موفقه ان شاء الله

[كاساديا]

مرحبا عزيزتي ازهار ..
هذا موقع كلية التربيه للبنات للأقسام العلمية,
في كل شي تحتاجي معرفته انشاءالله ,التخصصات ,طريقة الدراسه ,المواد , الاساتذه وكل شي
وموفقه بإذن الله,,
http://gce.kau.edu.sa/Default.aspx?site_id=363&lng=AR

[زينه العبدالله]

انا أعرف كلية العلوم فيها أحياء وكيمياء ودي المواد الغثييييثه...ولا كمان انجلش..
لكن كلية التربيه هادي لسه جديده وفيها قسم تربيه خاصه ومرره القسم مرغوب ..بس ماني عارفه هو متاحه للعلمي ولا لأ...على ما أظن انه للقسمين بس انتي تأكدي من الشؤون أحسن ..

[عزة نفسي_تكفيني]

هلا وغلا

حبيبتي اذا انتِ تقصدي مسمى كلية التربيه المسمى القديم حاليا ماعادها تربوي

جامعة الملك عبد العزيز فروعها هي السليمانيه الفيصليه والسلامه والرحاب << السلامه والرحاب بشكل مؤقت وحيتم نقلها للفيصليه

السليمانيه يوجد بها كليات الآداب والعلوم الإنسانيه- كلية العلوم - كلية الإقتصاد والإدارة- كلية الحاسبات وتقنية المعلومات - كلية الطب - كلية العلوم التطبيقية - كلية الصيدلة

الفيصليه ( كلية الآداب والعلوم الإنسانية "تاريخ -جغرافيا- دراسات إسلاميه - لغة عربية - لغات أوربيه "إنجليزي")
كلية العلوم ( فيزياء- كيمياء عامه - كيمياء حيوي - رياضيات - أحياء حيوان - أحياء نبات -أحياء دقيقه)

الرحاب ( كلية التصاميم والفنون كلية الإقتصاد المنزلي سابقا " تصميم أزياء -فنون " تصميم داخلي حيتم فتحه السنه القادمه لدفعة 10 ويوجد تصميم جرافيك لكن مدري متى حيتم إفتتاحه

كلية الإقتصاد المنزلي غذاء وتغذية آخر دفعة تم قبولها في فرع الرحاب دفعة 09 والسنه القادمه حتحول لعلوم طبيه تطبيقية للبنات قسم تغذية صحيه أول دفعة تقبل فيها هي دفعة 10

وتوجد كلية تربيه جديدهـ لتخصص التربيه الخاصه مقرها في الشرفيه حسب ماقيل

بالنسبه لنظام الدراسه والخطط موحدهـ في جميع الفروع على نفس الخطه والدراسه

واستخيري قبل كل شي

موفقه

[حكـــــــ قلب ـــــاية]

ويوجد في كليه الفيصليه تخصص كيمياء حيوي

تم افتتاح القسم هذا الترم

[جيجي 099]

السلام عليكم

عزيزتي انا من كلية التربية قسم علم الحيوان

بالنسبة للأحياء تخصص مرررة روعة اغلب المواد حفظ

انا مستوى سادس الدراسة بالعربي بس ما أعرف كيف الدفعات الجاية

والله يوفقك ويختار لك الي فيه الخير

[د. كنوز]

خلاص كلية التربية

صار اسمها الكلية العلمية تتبع جامعة الملك عبدالعزيز و نفس نظام الدراسة

و بالنسبة لدفعة 07 و 08 آخر دفعة يدرسوا عربي

كل اللي بعدهم نفس نظام الجامعة

ربي يوفقك و يسهلك مافيه الخير

[ازهار]

مشكورين ربي يوفقكم ويريحكم ويسر اموركم

يعني الحين كليه التربيه هي نفسها كليه العلوم <<<< قروووشونا معهم

وكلية التربيه هذي منها تخصص تربية خاصة

ياليت الي يعرف تخصصات كليه التربيه للعلمي يفيديني

[عزة نفسي_تكفيني]

المشاركة الأصلية كتبت بواسطة ازهار مشكورين ربي يوفقكم ويريحكم ويسر اموركم يعني الحين كليه التربيه هي نفسها كليه العلوم <<<< قروووشونا معهم وكلية التربيه هذي منها تخصص تربية خاصة ياليت الي يعرف تخصصات كليه التربيه للعلمي يفيديني

يالغلااا انا كتبت في ردي كل الأقسام اللي في فرع الفيصليه والرحاب

وهذي هي أقسام كلية العلوم بالفيصليه

( فيزياء- كيمياء عامه - كيمياء حيوي - رياضيات - أحياء حيوان -أحياء نبات -أحياء دقيقه)

موفقه