تنصحوني امشي ع الخطه ولا لا ؟؟

[عندي اراده]

صباح الخير يا حلوين انا نفسي احول من الكليه و سمعت انو محد يقدر يحول الا بواسطه ...

و انا الجدول حقي حطيت فيه مواد حره .. لانو الكل قال ماده اقتصاد جزيي و احصاء اعمال صعبه يمكن تخسف المعدل ....و انا خايفه انو ما اتحول و تبقا لي المواد الصعبه و ما اقدر اتصرف.. و الدكاتره الكويسين في ذي المواد تسكرت شعبهم ..وش رايكم بدكتوره مريم خان و الدكتوره ناديه يوسف .. افيدوني الله يجزاكم خيرر ..

[عندي اراده]

فيه دكتوره / حاجه الامام ... هي اللي بقت هي ناديه يوسف مين الافضل في الشرح و الدرجات و الاختبارات ..

[اوراق ملونة]

شوفي ماقدر اقلك امشي ع الخطه او لا غيري يفيدك ان شاء الله

اما بالنسبة للاقتصاد الجزئي
انصحك تاخذي عند حاجه الامام دكتورة سودانية انا درست عندها متفاهمة وتشرح بالعربي وبامانة ماشاء الله عليها انا اتمنى تدرسني في اقتصاد كلي صراحة اما نادية هي تمام بس عيبها هندية ماتعرف تتكلم عربي شرحها بالانجلش هدا على كلام البنات اللي درسو عندها وعاد طبعا عارفة ايش محاضرة كلها انجلش في مادة مو سهلة مرة يعني مامدحوها كثير

والاقتصاد ترى مو صعبة كثير خاصه الاختبار يكون موضوعي الا سؤال واحد مقالي وبرضو ما تعتبر سهلة بس يبغالها شدة حيل بالمذاكرة انا اشوفها اسهل بكثير من المحاسبة والله يوفقك

[Frish flower]

امشي على الخطة أفضل ومافي شي سهل بس انتي تقدري بالمذاكرة والاجتهاد والتوكل على الله تخليه سهل .

والاقتصاد مو ذيك الصعوبة الي تخسف المعدل ذاكري تمام وربي مايضيع تعب احد.
والاحصاء صح صعب واسالتهم صعبة بس بيعطوا بونس اخر السنة وفي مشروع تسوية وعليه بونس كثييير يعني بيراعوا البنات .

وبالنسبة للتحويل عادي في بنات حولوا لا واسطة ولا شي اهم شي معدلك يكون نفس المعدل المطلوب للكلية الي تبي تحوليلها وكمان لازم يكون في مقاعد شاغرة .

ويمكن بعد ماتدرسي تغيري رأيك وتحبي الكلية ,, اعرف كثييير دخلوا وهم ناوين ينقلوا بس بعدين انبسطوا ولغوا فكرة التحويل من راسهم .

افضل لك تمشي على الخطة عشان اذا ماحولتي ماتتلخبط المواد عليكي وتطري تضغطي نفسك .
واستخيري ربنا وادعيه يحقق لك الي في الصلاح لك .

الله يوفقك ويسر لك الخير يارب .

[عندي اراده]

مشكورين الله يعطيكم العافيه .. طيب لو سمحتو ابغا نصايح لمذاكره هاذي المواد ... ننفسي اجيب درجات عاليه .. ما ابغا اعيد تجربه التحضيري المريره .. و هل الاسئله موحده و لا كل دكتوره لها اسئله خاصه فيها ... و شكرا

[عندي اراده]

يا بنات ماده احصاء اعمال مين الافضل فيها .. مريم خان او عبير الثبيتي ؟؟؟ احس المنتدى رح يوقف عضويتي من كثر اسئلتي ...

[Frish flower]

المشاركة الأصلية كتبت بواسطة عندي اراده مشكورين الله يعطيكم العافيه .. طيب لو سمحتو ابغا نصايح لمذاكره هاذي المواد ... ننفسي اجيب درجات عاليه .. ما ابغا اعيد تجربه التحضيري المريره .. و هل الاسئله موحده و لا كل دكتوره لها اسئله خاصه فيها ... و شكرا

عموما حيكون اسهل من مواد التحضيري باذن الله .
بالنسبة للاقتصاد المذاكرة من السلايد + التست بانك.
اول ماترجعي البيت اقرأي المحاضرة الي اخدتيها بكدا رح يسهل عليكي كثيييير وذا حابة بعد ماتخلصي تطلعي على التست وتحاولي تحليه وتفهميه لا تحفظيه لانه ممكن يجيبوا نفس الاسئلة بس يغيروا كلمة فيها فاذا كنت حافظه مو فاهمه رح تجاوبي خطأ.
بالنسبة لاختباراته مرات كانت الدوريات مو موحدة كل استاذة لحال بس النهائي كان موحد من قسم البنين ومرات كان النهائي + الدوري موحد من قسم البنين .


بالنسبة لاحصاء الأعمال المذاكرة من الكتاب اهم شي وممكن اذا لقيتي نماذج اختبارات لانه مافي تست بانك لهذه المادة وضروري والاستاذة تشرح تركزي معاها وتكتبي الاشياء المهمة والي منتي فاهماه اسأليها اول بأول والاختبارات دايما موحدة في قسم الاحصاء الدوري والنهائي كانت من قسم الحريم .
بعد المحاضرة لمن ترجعي البيت برضوا اقري المحاضرة وطبقي الكلام الي شرحته على الكمبيوتر ضروري تشوفي الطريقة وتكتبيها والاستاذة بتشرح عشان ماتحوسي
وكمان الاسايمنت حاولي تحليه بنفسك ذاكري بعدين حليه عشان تتاكدي انك فاهمه او لا بس لا تنقشيه على الجاهز لانه انتي الي مارح تستفيدي .

واهم شي تتوكلي على ربنا وربي يسرلك كل شي .

[Frish flower]

المشاركة الأصلية كتبت بواسطة عندي اراده يا بنات ماده احصاء اعمال مين الافضل فيها .. مريم خان او عبير الثبيتي ؟؟؟ احس المنتدى رح يوقف عضويتي من كثر اسئلتي ...

ياعسل اول مرة اسمع فيهم يمكن الافضل تسألي عنهم في قسم الاحصاء.

بالتوفيق يارب ^_*

[عندي اراده]

Frish flower
مراااااااااااااااا شوكررررررراااااااا الله يعطيكي الف الف عافيه و في موازين حسناتك ان شاء الله ... و بالتوفيق للجميع ..

[livelove]

المشاركة الأصلية كتبت بواسطة عندي اراده يا بنات ماده احصاء اعمال مين الافضل فيها .. مريم خان او عبير الثبيتي ؟؟؟ احس المنتدى رح يوقف عضويتي من كثر اسئلتي ...

عبير انا كنت عند مريم وغيرت سوي بحث في قوقل راح تلاقي مدح عنها اما مريم ما لقيت