][!][ رد على قصيدة [عاشق الماضي] ... بقلمي ][!][

[سكون الورد k.a.u]

السلام عليكم ورحمة الله وبركاته ..
تحيه طيبه لرواد نبض الحروف من متابعين وكُتاب وشُعار ....

طبعاً الكل يدري بالمشادهـ اللي صارت مابين ...
الاخت : هدوء الاحساس ، والأخ : عاشق الماضي

وانا كنت من المُطلعات على هالموضوع وسوء الفهم اللي حاصل .. لكن حزني على الامير سلطان رحمة الله عليه كفاني اني اشارك بالمنتدى ماعدا اكاديمياً من لحظة سماعي بخبر وفاته رحمة الله عليه إلى لحظة قريت قصيدة عاشق الماضي ..

اللي يقول فيها :

المشاركة الأصلية كتبت بواسطة عاشق الماضي وداعــــــة الله ياغـــــــدير ٍ جيـــتك بــــشــــــوق ٍ كبير وداعـــــــة الله ياغـــــدير ٍ ردنـــــي بأول ســـــــــــلام جيتك ضمى عطشان من شمس الصحاري والـــهجير كنت احْســِـبك تروي ضمى العطشان من بعْد الصيام لقيت فيك الآنسه سلت لي الســـــــيف الشــــــــــطير وارهت لي القوس المحشى في رديات الـــــــــسهام ثم صوبتني في حشاش الجوف من قـــــبل الـزفير حتى شهيقي ماكمل يالله عسى حسن الخـــــــــتام مات الطموح اللي نشلته من سراديب الضمــير مات وتركته فوق جاله بين كرهه والظـــــــلام ماكنت اظن الناس تكره قولة الــــــــــحق المنير كنت اعتقد نبض الحروف اسمى من اسفاف الكلام قالت لي (اخرج) قلت في نفسي عسى الاسباب خير واليوم انا خارج معي حرفي بطيبه واحــــــــــــترام عذري لـ عالي والسفيره والامــــــيره والامـــــــير ثم اعتذاري للـرغد بنت الحـــــــشيــــــــمين الكرام وابعتذر للنــــقد والاقلام وحــــــــروف الاثــــــير وابعـــــــتذر للكل من قلــــــب ٍ تغشـــــاه الهيام آسف على كل الحروف اللي كــــــتبته من عبير فوق الورود اللي زهاها ديم غربيَّ الغــــــــمام واختمها نفسي ابـيّه ما رضــــت باللي يصير عودتها تنطق بقول الحق لو جــــــــاها ملام ارضى بعدل ٍ حطني بين المنـــاسم والذرير وارفض قرار الظلم لو هو حطني فوق السنام وسلامتكم ..

وقصيده حرك احساسي وتعاطفت معه .. وبلياااا مااشعر طلع معي رد على قصيدهـ ..

طبعاً بقانون الرد على القصيد :
على الشاعر/هـ اللي يرد على قصيدة معينه لابد يلتزم بالوزن والقافيه وعدد الأبيات ..
وانا كنت ابي اكتب اكثر مما كتبت لكن لابد ألتزم بعدد الأبيات ..

وعلى عُجاله قلت :

هاللي تقوله ياعاشق الماضي خطير
..................... كنت احسب انك ترد ضربات السهام

كيف تسلم وكيف تودع ؟! لامايصير
..................... أنت شاعر ولك تقدير(ن) واحترام

إن كانك هجيت وتركت الغدير
..................... عز الله على الشجاعه نقرا السلام !

وين معارك الأدباء فرزدق وجرير
..................... وين اللي مايردهم نقد وملام ؟؟؟؟

اذا كل شاعر تَحَطَم وصار أسير
..................... لسفاسف القول واقسى الكلام !!!

عز الله نَكسِر أقلامنا ونَكتم الأثير
..................... ونترك الحب والشوق يغشاه الظلام

ليامنك انهزمت من سيف(ن) صغير
..................... وتعذرت للأخوه .. الأعزاء الكرام

لاتلوم الأسد لاسمعت له صفير ...!
..................... ولاتعجب من عصفور(ن) له سنام !

تَقَوى بالصبر وعالحزن سيف(ن) شطير
..................... ولاتسمح لشِعرِك يندفن و يضــــــــــام

وانثر أبياتك وخل اللي يصير .. يصير
..................... ولاتحجج بسهمن(ن)عَوَفك الهيام ؟؟!!

وســـــامح الهاديـــه راعيــة الحس المثير
..................... ولاتخيب رجا سفيره .... وابو غرام

ودي انثر ابيات أكثر ...... مير
..................... اثـناعشـــر بيت لابد قــدك بالتمــــــام

وسلامتكم ..

[سكون الورد k.a.u]

اشكر الأخ : عاشق الماضي ..

اللي بقصيدته رجعني لنبــــض من بعــد حزنـــــي ..

وفي شي حلووو للأخت سفيرهـ

انها انذكرت بقصيد الاخ عاشق وبقصيدي ..

شفتي ياسفيرهـ وش كبر قَدرِك عندناااا ؟؟

وابو غرام ذكرته لاني شفته هو وسفيره يحاولون يردون عاشق عن الخروج ..

وهالشي حتى انا ابيه ، وهذا انا شاركت بقصيدي لرد عاشق عن الخروج ..

بالرغم من اننا مانعرفه لكن قصيده وحده له أثرت فينا ، وعيب علينا نرد من لفانا عااااني ..

وبالنسبه لأجمل احساس وارق شعور الغاليه على قلبي (هدوء الاحساس) انا ادري انها عصبت وزعلت وردت من جنب وطرف ..

لكن قلبهاااا ابيض وحنونه ، وسيد الموقف كان (سوء الفهم) علشان كذا صار اللي صار ..

وان شاء الله كلنا اخوان ومابينا الا كل خير ومحبه ..

ودمتم بود

[اللولو]

ماشاء الله فجرتي الحروف انتي وعاشق

الله يهدي سرهم يااارب

[Aishah AL-farhah]

لاإله إلا الله الواحد الأحد ماشاء الله لاقوة إلا بالله
سبحان الذي ألهمكما نظم القصيد ، وأيضا بنفس الوزن والقافيّة وعدد الأبيات!

حقيقة نعجز أمام هذه القصائد البديعة "بدع ورد" حريّ بعاشق الماضي ألا يردك بعد هذه القصيدة البديعة ياشاعرة النبض

والشرف بل كل الشرف لي بأني ذكرت في هاتين القصيدتين الفاتنتين الجزلتان

[عـالي مستواه]

كلكم شعّار ما شاء الله تبارك الرحمن ،،،، مافيكم حيلة ،،، خصوصا وأنا في حالتي

صح لسانك ،،،،

وأمتنع عن الرد على موضوع عاشق الماضي ،،، مثل ما قالوا الأخوان ما فيه سبب يدفعك لترك القسم
أستغرب إعتذاره لي وللأخوان وأرى أنه الأولى أن يعتذر لصاحبة الشأن التي أخطأ بحقها ،،،
رغم أنها لم تُخطأ أبداً على شخصه ،،،، ومضمون كلامها كله صحيح ،،،،

شعرياً إسمتعت ،،، شكراً سكون وشكراً عاشق ،،،،
..
..
مبدعي النبض :
أعتذر عن عدم الردود على إبداعاتكم حالياً لضروف مرضي ،،،،

[ابو غرام]

وســـــامح الهاديـــه راعيــة الحس المثير
..................... ولاتخيب رجا سفيره .... وابو غرام




أشكرك على أخلاقك العاليه حيث اني ألتمس في معنى القصيد منهج للتسامح وهاكذا عهدناكم ,,,,,,,,,,,



تحياتي لك .

[د.مشاعل]

المشاركة الأصلية كتبت بواسطة سفيرة اللغة العربية لاإله إلا الله الواحد الأحد ماشاء الله لاقوة إلا بالله سبحان الذي ألهمكما نظم القصيد ، وأيضا بنفس الوزن والقافيّة وعدد الأبيات! حقيقة نعجز أمام هذه القصائد البديعة "بدع ورد" حريّ بعاشق الماضي ألا يردك بعد هذه القصيدة البديعة ياشاعرة النبض والشرف بل كل الشرف لي بأني ذكرت في هاتين القصيدتين الفاتنتين الجزلتان

+1
نفس الرد كنت بأقوله
سبحان الله
موهبة بكل ما تحمله الكملة من معنى تبارك الله

[Joda Majed]

ماشاءلله تبارك الله .، ماشاءلله تبارك الله .،

ابدعتو يآ سكون وعآشق .. فجرتو قصآئد جزآت لي حيل

والله لايجيب الزعل والخصام يارب =)

وصح لسآنك يآ سكون آنتِ و عآشق

وتسلم يدينكم يآرب

[Bandar Abdulaziz]

المشاركة الأصلية كتبت بواسطة سكون الورد k.a.u وعلى عُجاله قلت : هاللي تقوله ياعاشق الماضي خطير ..................... كنت احسب انك ترد ضربات السهام كيف تسلم وكيف تودع ؟! لامايصير ..................... أنت شاعر ولك تقدير(ن) واحترام إن كانك هجيت وتركت الغدير ..................... عز الله على الشجاعه نقرا السلام ! وين معارك الأدباء فرزدق وجرير ..................... وين اللي مايردهم نقد وملام ؟؟؟؟ اذا كل شاعر تَحَطَم وصار أسير ..................... لسفاسف القول واقسى الكلام !!! عز الله نَكسِر أقلامنا ونَكتم الأثير ..................... ونترك الحب والشوق يغشاه الظلام ليامنك انهزمت من سيف(ن) صغير ..................... وتعذرت للأخوه .. الأعزاء الكرام لاتلوم الأسد لاسمعت له صفير ...! ..................... ولاتعجب من عصفور(ن) له سنام ! تَقَوى بالصبر وعالحزن سيف(ن) شطير ..................... ولاتسمح لشِعرِك يندفن و يضــــــــــام وانثر أبياتك وخل اللي يصير .. يصير ..................... ولاتحجج بسهمن(ن)عَوَفك الهيام ؟؟!! وســـــامح الهاديـــه راعيــة الحس المثير ..................... ولاتخيب رجا سفيره .... وابو غرام ودي انثر ابيات أكثر ...... مير ..................... اثـناعشـــر بيت لابد قــدك بالتمــــــام وسلامتكم ..

محاولة جيده شعرياً منك بالرغم من إدخال بعض الأشطر ليس لها معنى مثل

عز الله على الشجاعه نقرا السلام


وأيضاً نادراً ماتستخدم كلمه سفاسف بالأشعار الشعبيه التي ذكرت بالشطر
لسفاسف القول واقسى الكلام


وأيضاً مامعنى هذا الشطر

لاتلوم الأسد لاسمعت له صفير ...!


أعتقد كتبتي هذا الشطر لأجل القافيه فقط ولا ماله معنى


تراني محب للشعر فقط

[أنآ مآني حلم عآبر]

وآلله القصيدتين رآآآئعتييين جدآ

تقيمي لهآ شعريآ فقط ,,

آمآ مآهو حآصل ليس لي الحق في الحكم فيه ^^

ولكن لي آن آقوول لاتحل المشآكل بترك القسم بل بالتفاهم مهما كآن الامر

سسلمت يمينك وصصح لسآنك عالقصيده يالغلا ^^

لاهنتِ ^.^