هل الممل الدراسي طبيعي وهل له حل؟

[عبدالله بن عبدالرحمن]

اخوي مستر جون ^_^ قصدي محمد
اسعد الله صباحك طال عمرك بكل خير وسعاده
اخوي سبحان الله وكأن كلامك طالع مني انا ومن كل طالب بالقسم
اخوي والله اليوم فكرت بنفس كلامك وفكرت مو اترك الجامعه لا بس فكرت ع الاقل أأجل ترم
اخوي كل الناس زي كذا عشان ضغوطات الحياه وبيني وبينك لمن اتذكر السداد يجيني شد عضلي بأذني
بس هذى هي ولانك تشبعت مذاكرة واختبارات وسهر وتعب ولانه دوبنا خلصنا الترم الماضي ومازالت ذكريات الامتحانات قريبه لذاكرتك .. بس لا تفكر كذا دام لك زملاء يحبون لك الخير فماراح يخلوك تفكر كذا..
نزل جدولك طال عمرك وخذها تمضيه وقت لمن تفضا روح قلب بالكتب ولعلمك لمن تشتري الكتب بيجيك فضول غير طبيعي تطلع على محتويات الكتب وبعدها بيسير يتصلو عليك الزملاء لمناقشه المواضيع وشوي شوي الا وانت مخلص كل المنهج وانت مرتاح وبعدها ماتدري الا وانت تقدم ع اجازة لاداء الامتحان هذى هى الحياه اخ محمد
لا تفكر كذا ابدا وصدقني ماراح تدري الا وانت خرييييييييج
بما انك عشت بأمريكا بالله وش اللى متعبك طيب وش قولك باللي طول عمرة عايش بتبوك ^__^ ولا كلمه انجليزي وماشي حالي ولا ابو الاء طول عمرة عايش فى قلووووة وما اعرف الانجليزي الا هنا بالجامعه وشوفه ماشاء الله من الاوائل بسم الله عليه ولا سلطان شمر توه طلع الاسبوع الماضي من طعوس حفر الباطن ^_^ والحين بلبل ماشاء الله طيب انت متممكن مو مثلنا عينك 24ساعه بالكتاب .. اتمنا تكون فهمتني يا بطل
محمد انت من الطلاب اللى متأملين فى الله ثم فيه الخير لاتخلينا يابطل لا تخلينا يابطل


اسال الله لنا ولك التوفيق وبأذن الله نتجمع ونسهر يوم تخرجنا جميها في يوم واحد والجعه على حساب ابو ألاء ^_^

[ranas]

ومين سمعكم انا كمان بس مادري ليه حاطه حكمه بحياتي" دام اني بديت لازم انتهي "ولا ابغى اعتذر عشان حاسه بملل لا والله اصلا احس بهذا الاحساس يقتلني لكن ادعس عليه وانتصر واذاكر ولما يجيني مااستسلم له لانو اساسا كل مرحله احس فيه. بس والله اعتذرت سنه مو عشان شي بس لسواء الاحوال الماديه وماقدرت اسدد بس حسيت اني كل يوم يمر والبنات يداومو وانا لا كان قلبي يتقطع من الحزن على السنه اللي راحت هدر
وفي حاجه تانيه انا حاليا تخصص انجليزي لكن لما دخلت هذا القسم كنت منقطعه عن الدراسه 10سنوات يعني حتى اللغه نسيتها ويوم تقولنا الاستاذه الله يسامحها ليش داخلين وانتو منتو قد الانجليزي طيب انا ليش داخله عشان اطل بوجهك لا ياقلبي انا مو قدو يمكن تكوني صادقه بس انا داخله ا ت ع ل م وماحد يولد عالم وسنه بعد سنه الحمد لله تحسنت كتير باللغه وعلفكره والله العظيم كلام الاستاذه ماهزتني ولا اثرت فيا شعره ليش لاني واثقه بأذن الله من قدراتي واني بيوم من الايام راح اكون مثلها ويمكن افضل كمان ولا الحمدلله خرجت ابكي زي ماكثير من البنات سو وغيرو قسم وكلو من كلام الاستاذه اللي كان كم دقيقه بس

فيا اخي الكريم كلامي هذا مو قصدي منو شي بس ابغى اعطيك نصيحه "ارسم قدامك حلم واسعى الي تحقيقه "صدقني بأذن الله العظيم راح يروح منك هلملل اللي انتي حاسه
فهيا بنا الى تحقيق مانريد الوصول اليه
اتمنى اني اكون افدتك بكلامي

[mmss2012]

اخى محمد نفس المشكلة ويمكن اكثر منك قل الحمد لله ملل من المذاكرة ومن التعب انا عندى نفس المشكلة ولا موكذا من الاهل ومن الاقارب واسمحو بهالكلمة (ام تحسد ابنها) لاحول ولا قوة الابالله وعلشان ايش دنيا او نعمة انعم الله بها عليه او رزقه الله بزوجة طيبة تخيلو اذا جبت اغراض للبيت احس بحاجة مو طبيعية يعنى اذا اشتريت من السوبرماركة حاجات للبيت احس بنضرات مو طبيعية او اى شى حتى تخيلوا فى الاكل اسمع كلام موطبيعيى مثل اللى يقول لاتاكل معنا ياخوان افكر اطلع من البيت لا مو كذا حتى من خوالى احس منهم بالحسد اذا رجعت من الاختبارات وبعد مادخلت بهالتخصص انا لله وان اليه راجعون تخيلوا حصلت واحد منهم بعد مارجعت تدرون شو يقول وبعدين (رائد ) يعنى رتبه لها احترمها يقول انت عرفت لمستقبلك اما احنا لا يعنى على لسانه ضيعنا مستقبلنا وانا رح اتقاعد حاولت اصرف الموضوع لكن دون فائدة يزود ما صدقت انى بس امشى ياخوان هل عندكم نفس الحالة لا واخوانه الاخرين وراى وراى شو يبغون تتوقعون والله انى اتحاشاهم حتى اتهرب من مجالسهم يعنى مو مشكلة بس امك تحسدك هذى غير والدنيا غير ياخوان الحقونى افكر مثل ماقلت انى اطلع من البيت ابى افتكت من وجع الراس تعرف الواحد موفاضى وبعدين ما بقالى اللا هاترمين اترم القادم واللى بعده نقول ان شاء الله ارجوكم الحقونى اقسم لكم بالله انه شى واقعى اتوقع ان ماحد عنده نفس المشكلة مثلى يعنى شى فضيع يعنى لو مانتوحسبة اخوانى ما كان فرفشت لكم بعض من مشاكلى اللى اواجه مادرى من افرفش له الا انتو سكت تجاهلت ماكانه يصير شى ولازالت المشاكل تلحقنى من كل حدب وصوب ولااقول اللا كلمة الصابرين انا لله وانا اليه راجعون قولو كلام يبرد القلب والله ان الدنيا احسه مسكرة بوجهى يمكن تتضايقو لما تسمعو هالكلام بس و ش اسوى احكى لمن واتكلم مع من حسد * حسد والله انى اتمنى بعض الاوقات ان ربى ماخلقنى وشفت هالحاجات قدامى والله ان قلبى يتقطع الما وحسرة

[منتسـب]

المشاركة الأصلية كتبت بواسطة mmss2012 اخى محمد نفس المشكلة ويمكن اكثر منك قل الحمد لله ملل من المذاكرة ومن التعب انا عندى نفس المشكلة ولا موكذا من الاهل ومن الاقارب واسمحو بهالكلمة (ام تحسد ابنها) لاحول ولا قوة الابالله وعلشان ايش دنيا او نعمة انعم الله بها عليه او رزقه الله بزوجة طيبة تخيلو اذا جبت اغراض للبيت احس بحاجة مو طبيعية يعنى اذا اشتريت من السوبرماركة حاجات للبيت احس بنضرات مو طبيعية او اى شى حتى تخيلوا فى الاكل اسمع كلام موطبيعيى مثل اللى يقول لاتاكل معنا ياخوان افكر اطلع من البيت لا مو كذا حتى من خوالى احس منهم بالحسد اذا رجعت من الاختبارات وبعد مادخلت بهالتخصص انا لله وان اليه راجعون تخيلوا حصلت واحد منهم بعد مارجعت تدرون شو يقول وبعدين (رائد ) يعنى رتبه لها احترمها يقول انت عرفت لمستقبلك اما احنا لا يعنى على لسانه ضيعنا مستقبلنا وانا رح اتقاعد حاولت اصرف الموضوع لكن دون فائدة يزود ما صدقت انى بس امشى ياخوان هل عندكم نفس الحالة لا واخوانه الاخرين وراى وراى شو يبغون تتوقعون والله انى اتحاشاهم حتى اتهرب من مجالسهم يعنى مو مشكلة بس امك تحسدك هذى غير والدنيا غير ياخوان الحقونى افكر مثل ماقلت انى اطلع من البيت ابى افتكت من وجع الراس تعرف الواحد موفاضى وبعدين ما بقالى اللا هاترمين اترم القادم واللى بعده نقول ان شاء الله ارجوكم الحقونى اقسم لكم بالله انه شى واقعى اتوقع ان ماحد عنده نفس المشكلة مثلى يعنى شى فضيع يعنى لو مانتوحسبة اخوانى ما كان فرفشت لكم بعض من مشاكلى اللى اواجه مادرى من افرفش له الا انتو سكت تجاهلت ماكانه يصير شى ولازالت المشاكل تلحقنى من كل حدب وصوب ولااقول اللا كلمة الصابرين انا لله وانا اليه راجعون قولو كلام يبرد القلب والله ان الدنيا احسه مسكرة بوجهى يمكن تتضايقو لما تسمعو هالكلام بس و ش اسوى احكى لمن واتكلم مع من حسد * حسد والله انى اتمنى بعض الاوقات ان ربى ماخلقنى وشفت هالحاجات قدامى والله ان قلبى يتقطع الما وحسرة

الله يكون بعونك ياخوي ان شاء الله تتحسن ظروفك وتطلع ببيت مستقل

بس حاول عالاقل تأخذ اغراض لبيت الوالده معك او حاول تأخذها هي او تعطيها شي

ادري يمكن انت مو مقصر معاها بس زيدها شوي لين ترضى وحاول تعرف ايش بنفسها

يمكن تحس بالغيره من زوجتك لانها اخذتك منها وماعاد تشوفك كثير

وبالنسبة لأغراض البيت حاول تشتري على اخر الليل تتفادى عالاقل النظرات

والحمدلله اغلب السوبر ماركات مفتوحه بالليل او حاول تروح بوقت ميت الظهر او الصباح

وربي يكون بعونك وحاول تقرأ اذكارك ووردك اليومي

وعذرا لصاحب الموضوع طلعنا عن اللب الأصلي للنقاش لكن اثرت الا ان ارد على اخي الغالي

[little Angel]

مشكور ياصاحب الموضوع وربي يفرجها علينا كلنا...
طبعآ الموضوع يطول فية الكلام وجاء بوقتة لأن والله كذا مرة أفكر أاسحب ...وأترك الجامعة باللي فيها من الغبن اللي نشوفة والله العظيم لولا أن أهلي وراي ويهونوا علي الموضوع ويشدوا من عزيمتي كان من زمان قاعدة بالبيت..القهر أني درست دبلوم بكلية المجتمع وكنت الأولى علي الدفعة يعني فاهمة القسم وعارفتة قبل ماأتخصص فية ...وأعطي المادة حقها وربي أختم المادة ممكن
3-4 مرات وأنصدم ب 60 ولمن أراجع الأستاذة أكتشف أن أجاباتي مو علي مزاجها...وتحس أنة جهدك كلة هباء منثورآ ...ولا أستاذة تفهمك طريقة الأمتحان وتحددلك وبلأخر الأسئلة من المريخ جايتنا... قسم بالله قهر قهر قهر ليش كل هالتعقيد وربي كانت عندنا دكتورة مصرية درستنا صوتيات وقسم بالله ماأنساها المادة صارت شربة ماء معاها وكلل الدفعة درجاتنا 90 وفوووووق ....والله العظيم الترم اللي فات بكيت لمن جاني صداع وفكرت أسحب لأن لنا مسؤوليات غير الدراسة .وبلأخر درجاتتنا مو علي قد التعب اللي تعبناة لكن أتراجع لأن مابقي شي علي التخرج ....
وأخوي mmss2012
أحب أقولك أنت مو لوحدك عندنا وعندك خير..اللي يقولي مالة داعي تدرسي أقعدي ببيتك أبرك لك...واللي يقول الأنجليزي صعب صعب صعب أنتي كيف دخلتية تري محد ينجح فية وعيونة كأنها فناجيل.....هذا غير اللي يسألوا أمي متي تتخرج بنتك والله بناتنا قاعدين...يعني أنا بأتخرج ووظيفتي بيدي مثلآ... واللي يقول أتمني أتكلم انجليزي قبل ماأمووووت طيب أحد ماسكك ماتروح تتعلم...ولا لمن تكون بمكان وأحد يسألك تخصصك ويعرف أنة أنجلش يقلب الوجة علي طول والرد طبعآ: وجع قلت التخصصات حتي تدخلي هالقسم؟؟؟؟؟ مايفهمو أنها أرزاق بيد الله ....تكفي هالنماذج ماأبغي أغثكم بس حبيت أوضح لكم أنة الشخص المميز بيلاقي أعداء النجاح بكل مكان وهم هدفهم أنهم يتعبوك بكلامهم اللي مالة داعي ويحبطوا عزيمتك وفي ناس تكرهك وببساطة لأنة ماقدر يكون مثلك...فأستعينوا بالله وفوضوا أمركم إلية وتحصنوا بذكر الله ...والله يبعد عنكم كل شر ويحفظكم لعين ترجيكم...

[little Angel]

[COLOR="DarkSlateGray"]قولو كلام يبرد القلب والله ان الدنيا احسه مسكرة بوجهى يمكن تتضايقو لما تسمعو هالكلام بس و ش اسوى احكى لمن واتكلم مع من حسد * حسد والله انى اتمنى بعض الاوقات ان ربى ماخلقنى وشفت هالحاجات قدامى والله ان قلبى يتقطع الما وحسرة [

سمي بالله وصلي علي رسولنا محمد علية أفضل الصلاة والسلام..لاتقهر نفسك عشان ناس مايدرون عنك...هالدنيا فيها نماذج سيئة ونماذج حسنة ...في ناس كبار وتعرف الأنسان الكبير بعضهم طبعآ يرمي كلام بدون مايفكر فية ..فلا ترد أتركة خلية يتكلم مثل مايبغي ,,,أو رد علية بأدب يلزمة حدة ..وصدقني ممكن يبطل يرمي كلام ...أنا جربت الاثنين لأن في ناس من كثر الجرأة اللي عندة أفضل علاج لة الصمت لأنة بينحرق زيادة ...يستناك تتكلم عشان يزيد قلة أدب فلمن تسكت هو مو عارف ردة فعلك ....والنوع الثاني لمن ترد علية حيبطل يرمي كلام ويتأدب وطبعآ هذا يعتمد علي معرفتك باللي حولك..وأنا صراحة صرت ماأروح كثير للتجمعات اللي يحضروا فيها لأن الجلسة ماتكون وناسة بتكون تحقيق ..نجحت؟؟؟ كم معدلك؟؟؟كم باقي لك؟؟؟ كم تدفع رسوم؟؟؟الدوام يعطوك أجازة ولا لا؟؟؟؟
فأريح رأسي ولا أروح ولو أضطريت ورحت ماأطول عندهم وبكذا أتجنب الصداع والمشاكل..أتوقع أنك ساكن مع أهلك ...لو كنت متزوج وماديآ تقدر علي أيجار البيت أنصحك تطلع تستأجر بيت لوحدك..عشان ترتاح بحياتك وتقدر تجتهد بدراستك..بدل ماتشغل نفسك باللي حولك ..ولا تتحسر ولا غيرة ولمن تتضايق صلي ركعتين وأدعي الله وربي مابيخيبك..
وربي يوفقك ويعينك...

[ranas]

من جد كلامك صح الواحد يبعد عن الناس يعيش بسلااااااام بس دحين صارو الاهل هما المشاكل انا ابويا الله يحفظو كل مااقولو المفروض والمفروض يقولي اهااااا عشان انتي جامعيه ههههههههههههههه بس والله ماارد عليه اقولو الشي الصح بأدب حبيبي بابا

[little Angel]

ranas الله يسعدك يارب...
حاولي تقنعي الوالد الله يحفظة بأسلوب حلو ...يعني الفكرة اللي ببالك صيغيها بأسلوب تفهمية أنة أيش رأيك؟؟؟؟
أنت لو مثلآ كذا وكذا وأنت تفهم بهالأمور أكثر مني وماشاء الله عليك خبرة,,,,وووو صدقيني بيقتنع برأيك... لأن الكبار بالسن مايحب أحد يفرض علية شئ حتي لو كان صحيح 100 %
أنا كذا مع أبويا أعطية الفكرة بلف ودوران وأسألة رأية وبعد مشاورة ومداولة يقتنع....شغلنا المخ مضبوووووط
الله يحفظ لكم أهلكم ويبعد عنكم كل شر..

[ميرال عسيري]

شكرا لصاحب الموضوع والحمدلله لم امر بهذه الحاله رغم الظروف الصعبه التي تواجه كل شخص من عمل واولاد وغربه ولكن ان شاء الله لن امرفي هذه الحاله ولكن تعجبت من بعض الامور وتفكير بعض الطلاب الاكاديمين وصلنا لمرحله الى درجة ضعف في كل شي
بالنسبه لاخوي mmss فانا اقول انت غلطان الضيق الي تمر فيه والحاله انا لااتفق معك فالام مهما كانت لا تحسد ابنها او ابنتها ولكن انت قد يكون اهتمامك بزوجتك او بنفسك اكثر من اهتمامك بها وهي تغار عليك منها نعم انها الغيره لانها تعبت وربت طول حياتها وفي الاخير تجد من ياخذ فلذة كبدها منها وانت تزيد جراحها بقلة اهتمامك فيها انا لا اقول انك غير مهتم ولكن عشان كلمة ان الام تحسدك
وفي الاخير التقرب من الله في جميع الاحوال ورضى الوالدين هما اكبر سعادة للانسان والله والله والله عن تجربتي الشخصيه التقرب من الله في كل وقت انا في كل ترم ازيد تقربي من الله ومن الوالدين وفي كل ترم اتحسن في مستواي وفي معدلي فالحمدلله فانا في تصاعد فالحمدلله ع كل حال

[mohshehri]

المشاركة الأصلية كتبت بواسطة mmss2012 نفس الحاله ويمكن اشد منك اخوى احمد نسال الله تفريج الهموم والغموم عنا وعنكم

الله يخليك يارب ويحفظك ,واللهم امين الله يفرج عننا وعنك وجميع المسلمين الهموم يارب

المشاركة الأصلية كتبت بواسطة منتسـب هلا اخوي انا بالعكس ببداية كل ترم احرص واجمع الملخصات وكل شي ولكن اذا جاء وقت الجد افكر بالاعتذار والملل وتجي اصعب الظروف لي لكن خذها قاعده اخوي لك ولجميع الطلاب والطالبات اللي يقرأون كلامي الاعتذار بداية الفشل والتهاون خاصة اذا كان بدون عذر قاهر اخي انا وانت وكل الطلاب والطالبات يجدون صعوبه بالمذاكرة والملل بعد كل ترم دراسي فما بالك بعد كل ترمين دراسيين اقصد بعد الاعتذار اتمنى اكون افدتك اخوي وعقبال مانبارك لبعض بالتخرج واسف عالاطاله

فعلا اخوي منتسب كلامك عين الصواب الاعتذار بداية الفشل , الله يعلم بالحال ويفرج علينا , وعثبال مانبارك لبعض بالتخرج الله يوفقك يارب

المشاركة الأصلية كتبت بواسطة عبدالله بن عبدالرحمن اخوي مستر جون ^_^ قصدي محمد اسعد الله صباحك طال عمرك بكل خير وسعاده اخوي سبحان الله وكأن كلامك طالع مني انا ومن كل طالب بالقسم اخوي والله اليوم فكرت بنفس كلامك وفكرت مو اترك الجامعه لا بس فكرت ع الاقل أأجل ترم اخوي كل الناس زي كذا عشان ضغوطات الحياه وبيني وبينك لمن اتذكر السداد يجيني شد عضلي بأذني بس هذى هي ولانك تشبعت مذاكرة واختبارات وسهر وتعب ولانه دوبنا خلصنا الترم الماضي ومازالت ذكريات الامتحانات قريبه لذاكرتك .. بس لا تفكر كذا دام لك زملاء يحبون لك الخير فماراح يخلوك تفكر كذا.. نزل جدولك طال عمرك وخذها تمضيه وقت لمن تفضا روح قلب بالكتب ولعلمك لمن تشتري الكتب بيجيك فضول غير طبيعي تطلع على محتويات الكتب وبعدها بيسير يتصلو عليك الزملاء لمناقشه المواضيع وشوي شوي الا وانت مخلص كل المنهج وانت مرتاح وبعدها ماتدري الا وانت تقدم ع اجازة لاداء الامتحان هذى هى الحياه اخ محمد لا تفكر كذا ابدا وصدقني ماراح تدري الا وانت خرييييييييج بما انك عشت بأمريكا بالله وش اللى متعبك طيب وش قولك باللي طول عمرة عايش بتبوك ^__^ ولا كلمه انجليزي وماشي حالي ولا ابو الاء طول عمرة عايش فى قلووووة وما اعرف الانجليزي الا هنا بالجامعه وشوفه ماشاء الله من الاوائل بسم الله عليه ولا سلطان شمر توه طلع الاسبوع الماضي من طعوس حفر الباطن ^_^ والحين بلبل ماشاء الله طيب انت متممكن مو مثلنا عينك 24ساعه بالكتاب .. اتمنا تكون فهمتني يا بطل محمد انت من الطلاب اللى متأملين فى الله ثم فيه الخير لاتخلينا يابطل لا تخلينا يابطل اسال الله لنا ولك التوفيق وبأذن الله نتجمع ونسهر يوم تخرجنا جميها في يوم واحد والجعه على حساب ابو ألاء ^_^

الله يوفقك ياعبدالله ههههههه ضحكتني مستر جون , تذكرت واحد كان يدرسنا ساينس في امريكا شايب اسمه مستر ليسي جنناه وكره السعوديين بسببنا ههههههه , الله يذكر ذيك الايام بالخير كانت ايام حلوة ياليت ترجع بس تدري احلى حاجة استفدت منها هنا بالجامعه اني تعرفت عليكم جميعا طيبة ,اخلاق , احترام ومودة الله يديمها يارب , تبوك حلوة والله وودي ازورها يوم من الايام , تشجيعك لي انت والاخوان والاخوات صراحة يحمس الواحد ولعيونكم جميعا باذن الله تعالى نتابع المشوار مع بعض وعقبال نتخرج مع اني احس الشهادة راح اتصور جنبها