بنات ادارة سكن ومؤسسات ... ساعدوني الله يسعدكم ..

[FA10]

السلام عليكم ورحمة الله وبركاته

انا خلصت التحضيري واتسكنت في كلية الاقتصاد المنزلي الحمدلله

لكن اللي محتارة فيه الجدول ماني عارفة ايش اختار مواد وايش احذف

وكمان ابغى اعرف مين الاستاذات اللي يشرحو كويس واخلاقهم كويسه اهم شي

يعني كمستوى ثالث ايش تنصحوني وايش المواد اللي لها متطلبات كثيرة عشان مااحطها مع بعض


الله يسعدكم افيدوني ب أي معلومة ..

ب الانتظار

[rano1]

وعليكم السلام ورحمة الله وبركاته
انتي اتخصصتي خلاص سكن ومؤسسات؟ عشان تسوي الجدول؟

[FA10]

لا ^^

بس بإذن الله انقبل فيه عشان كذه ابغى اعرف كل شي من بدري وارتب اموري :)

[نيكييتا]

رديت على سؤالك دا يا حلوة ^^"

[FA10]

يسعدك ربي

[batah]

احسن اول سمستر خدي المواد زي الخطة بالضبط لانو في مواد ماتنزل في قسمنا ترم تاني زي سكن وتاثيثة ومادة موارد لو ما اخدتيهم اول سمستر حتخبصي خطتك

[k0o0ky]

طيب انا تخصصت في القسم ولله الحممد


أفيدونا في الاستاذات مين احسن وحده في الموارد والادوات والاجهزة المنزلية وعلم النفس؟؟

وايش طبيعة مادة الموارد ؟؟ يعني دسمة !!

[نيكييتا]

موارد مادة لازم تتأسسي فيها صح لأنو مواد كثير تعتمد عليها أنا أخذتها مع هنادي حسوبة و مدري و الله مين يديها الان

ادوات اساسا دسمة مهما كانت الأستاذة كويسة و ربي يعينك على غثا دي المادة

علم نفس جداً سهل لا تخافي منو ابد

موفقة

[وجدان01]

ادوات واجهزة مع اكرام مررره كويسه الاستاذة
و اسئلتها من الشرح حقها

[نيكييتا]

مدري و الله بس استاذة اكرام مرررررة ماحبيتها مع انو كل استاذات القسم يحبوني الا هيا تكلش معايا دايما

بس للحق هي انسانة محترمة و باين انو مخها كبير اذا سمعتي عنها كلام حلو خذي معاها ^ ـ ^

و ربنا يوفقنا كلنا