أفيدووني في مادة رعاية ~

[روح الربيع]

السلام عليكم
مساء الأنوار :)
كيفكم ؟؟ وكيف استعدادكم للدراسة ؟؟ ان شاء الله تكونوا على أتم استعداد
بنات أبغى أسأل كيف مادة رعاية مع دكتورة حنان باقبص ؟ وكيف التكاليف ؟ والأسئلة ؟ أفيدوني بأي معلومة تعرفوها عن المادة وجزاكم الله خير ..

[فَرَح]

ياليت والله احد يفيدنا
انا مره متخوووفه بصراحه

[ريم17]

انااخذتها مع د. حنان لاتخافي منها بس يبغالك تشدي حيلك وتحضري معاها وتشاركي لانها تختبر اختبارات مفاجئة في نفس الدرس يعني شوفي الخطه والشي اللي حتاخذيه بكره ابحثي عنه في النت واقري وشااركي معااها لانها مررا تحب البنت النشيطة معاها بالنسبة للتكاليف ادتنا تكليف نلخص دراستين وادتنا تكليف بور بوينت عن موضوع في مجال ذوي الاحتياجات الخاصة وتكليف نعمل ركن في اليوم العالمي للاعاقة بس كاان مرره رووعه انبسطنا وتكليف نبتكر شي لذوي الاحتياجات الخاصة ..
وحبيت انبهك انه لمن تعملي لها بور بوينت حاولي ماتنقلي اشيااء كثيرة من النت لانها تعرف وكمان لاتقري من الشرايح كثير لانها تحب البنت اللي ماتقرى كتير من السلايدات وتفلسفي شويه وانتي تشرحي وجيبي فيديوهات وحركاات لانها تحب الاشياء هدي ...
واهم شي الحضور والله يوفقك يااااااااااااارب ... دعواتك

[روح الربيع]

شكرآ ريم الله يسعدك ويوفقك ، شكله المادة يبغالها شدة حيييل

[بنت السعيد]

تسلمي ياريم مرررة أفدتينا
الله ييسر لنا يارب