الدراسة في دولة نيوزلاندا

[live is live]

بسم الله الرحمن الرحيم

السلام عليكم ورحمة الله وبركاته

لقد كتبت هذا الموضوع بناء على طلب بعض الأعضاء واللذين يريدون الاستفادة من الدراسة في الخارج

وهنا سأتكلم عن الدراسة في نيوزلاندا

طبعا النيوزلنديين يتكلمون اللغه الانجليزيه وأصلهم مهاجرين من بريطانيا و اوروبا والاغلبيه منهم من اتوا من بريطانيا يعني تقدر تقول ان دولة نيوزلاندا مستعمره بريطانيه بس ليس بالمعنى الحرفي ولكن هناك علاقة قويه بين الدولتين . والشعب هناك ينقسم الى اقسام عديده وهم الكيويين (كيوي) وهم اللذين هاجروا وقدموا من بريطانيا و اوروبا ويمثلون نصف الشعب او أكثر من النصف وقد سموا أنفسهم بهذا الاسم نسبة الى طائر نادر جدا لايوجد الا في نيوزلاندا وهو يشبه ثمرة الكيوي لذلك لقب هذا الطائر بالكيوي واصبح الشعب ينسب نفسه الى هذا الطائر وهم يتكلمون اللغة الانجليزيه فقط
القسم الآخر من الشعب فهم الموريين (موري) وهم السكان الاصليين للدولة قبل مجيئ الكيويين . وهم يتكلمون لغة خاصه بهم وهذه اللغه لايوجد لها احرف مكتوبه أو كلمات ولا احد يعرف عنها اي شي
ويتكلمون أيضا اللغة الانجليزيه بشكل مكسر فهم لايتقنون التحدث باللغه الانجليزيه جيدا لأن اختلاطهم بالشعب والاجانب قليل
ويوجد أقسام اخرى من الشعب وهم قله قليله جدا بالنسبه للكيويين والموريين وهم السمويين نسبة الى جزيرة ساماوا اللتي هاجروا منها وهي تقع مابين نيوزلاند واستراليا . وغيرهم كذالك من المهاجرين ولكنهم قليل جدا . وبصفه عامه الكيويين طيبين ويحبون يساعدون الناس ومتواضعين
اماعدد السكان فهم ما يقارب 5 مليون نسمه . ومن اراد معرفة المزيد عن نيوزلاندا فليبحث في الوكيبيديا او المواقع الاخرى لأن اللي قلته لكم كله من عندي وبناء على المدة اللي قضيتها عندهم

واللي يهمنا الحين هو الدراسه

فبالنسبة لي فقد درست في اوكلاند وهي العاصمه التجاريه في نيوزلاند وليست العاصمه السياسية وهي مدينة تقع على البحر وهي من اجمل المدن في نيوزلاند
طبعا يوجد في وسط المدينه ما يسمى بــ اوكلاند ستي وهي مدينه مزدحمه وبها برج يسمى سكاي تاور والعديد من المباني المرتفعه والشوارع المزدحمه خاصة شارع (كوين ستريت)
وينتشر حول هذه المدينة باقي المحافظات اللتي تنتمي لمدينة اوكلاند

اما المعهد اللذي درست فيه فيقع في محافظة نورث شور واسمه مدرسة نورث شور للغة الانجليزية

واول ما درست فيه كنت ادفع 350 دولار للاسبوع الواحد وهذي اكبر غلطه سويتها والسبب اني كنت مقرر اني ادرس ثلاثة شهور وبعدها لقيت اني ما استفدت الاستفادة المرجوه فقررت اني أمدد الدراسة لمدة اربعة شهور اضافيه لتصبح مدة الدراسة كامله سبعة شهور
طبعا لو كنت متفق مع المعهد من البدايه على سبعة شهور ماكان دفعت 350 دولار لكل اسبوع بالعكس كان دفعت 200 دولار لكل اسبوع وممكن انهم يعطوني في النهايه اسبوعين مجانية
وهذي غلطتي اللي خسرتني كثير صراحة لكن صاحب المعهد ما قصر ساعدني في النهاية

اما العايلة . سكنت عند عائلة (كيوية) في نفس المحافظة وقريبة من المعهد وعطوني غرفة خاصة لي وفيها سرير مزدوج وتلفزيون
(وأنا انصح بأن يكون أفراد العايلة كثير بقدر المستطاع حتى يستطيع الطالب التحدث مع أفراد العايلة بدون ملل لأن كل مازاد عدد افراد العايلة كل مازادت المواضيع اللي تقدر تتكلم فيها)
وكنت ادفع لهم أول ماوصلت 210 دولار لكل اسبوع شاملة الأكل والانترنت بس بعد ما ارتحت معهم وشفت ان الاجار قليل زودت المبلغ الى 220 دولار والسبب كان تعاملهم راقي وكنت استخدم الانترنت بشكل مستمر وبعض الاحيان انزل مقاطع يو تيوب وصور وافلام وهذي تكلفتها عاليه عندهم
وبقيت عندهم طول مدة الدراسة وكان عددهم شخصين رجل وزوجتة وعندهم ولد وبنتين الولد موضف في البنك في مدينة ثانية وما نشوفه الا في السالفات والبنات وحدة موضفة في مكتب محاماه في الستي ولا نشوفها الا في الشهر مرة والبنت الثانية تدرس في جامعة في مدينة ثانية وما نشوفها الا بعض الاحيان وكان اكثر وقتي مع الام نفسها لأن الشايب كان مشغول كثير .
وصراحة في نهاية الأيام كان الكلام بيني وبين الام قليل والسبب عدم وجود مواضيع نتكلم فيها بس كانت طيبه وحبوبه وتحب تساعدني بأي شي اطلبه منها

يتبع...........

[عبدالله بن عبدالرحمن]

ماشاء الله تبارك الله >>>> انسجمت مع القصه والله ^^

اسال الله يوفقنا واياك ويارب يتستفيد الاخوان مما تفضلت به

[live is live]

المشاركة الأصلية كتبت بواسطة عبدالله بن عبدالرحمن ماشاء الله تبارك الله >>>> انسجمت مع القصه والله ^^ اسال الله يوفقنا واياك ويارب يتستفيد الاخوان مما تفضلت به

والله الظاهر ان شكسبير اثر علينا في سرد القصص


تسلم ياغالي وانا في خدمتك

[عبدالله الAL-HARBIحربي]

بارك الله فيك

اوكلاند يقولون كانك بالرياض خصوصا اذا صادف عطله عندنا

عام كم طلعت لان على حسب ما اسمع الاسعار زايده حبتين الان

شاكر لك على المعلومات القيمه


تحياتي

[mmss2012]

اخوى live is live اول الف الف مبروك التخرج وعقبال الدرجات العليا ان شاء الله
ثانيا مشكور على المعلومات صراحة القيمة التى قدمتها ومثل هذه المواضيع حقيقه مهمه لى ولغيى من الاخوان
كنت ابا سئلك كيف لاسعار هناك لانى اريد اجيد اللغه لانى الان على وشك إن شاء الله تخرج وكنت اريد اواصل الدراسة فى دوله شهاده فيها معتمدة وقوية وفى نفس الوقت التطوير مطلوب فى كل شى
وسلامتك

[live is live]

نتابع الموضوع

والشباب اللي لهم استفسارات ولهم ردود ان شاء الله راح ارد عليهم بعد ما اختم الموضوع

تكلمنا عن المعهد والعايله والحين بأتكلم عن الفيزا وهي من أهم الامور

هناك ثلاث انواع تقريبا للفيزا عندهم وهي فيزة عمل و فيزة دراسة و فيزة سياحة


ونصيحتي لكم ياشباب وبنات لا تشغلون نفوسكم وتقلقون من شان الفيزا لأنك تقدر تحصل عليها من المطار في اوكلاند او كراسشيرج حسب المدينة اللي انت ناوي تروح لها ولا تنسى الصور الشخصية عدد 4 صور ويفضل انك تصور بدون الغتره والعقال لكي تكون ملامح الوجه والجبهه واضحة

يعني هم هناك في المطار راح يعطوك تأشيرة دخول لمدة ثلاث شهور وانت قبل ما تنتهي الثلاث شهور بــ 25 يوم لازم انك تجدد الفيزا والتجديد راح يكون عن طريق المعهد اللي بتدرس فيه والمطلوب منك انك تقدم جوازك والأوراق المطلوبة للمعهد وهو راح يتولا موضوع التجديد

زي ما سويت أنا بالضبط

واللي يبي وجع الراس يروح للمكاتب أو انه يروح هو بنفسه للسفاره في الرياض ويسلمهم الاوراق المطلوبه واللي يبي معلومات عن الفيزا وطرق الحصول عليها راح تلاقون مواضيع كثير عنها في موقع البحث قوقل وانت وكيفك

وتروا مايحتاج انكم تروح مكاتب ولاشي وحتى المعاهد اذا تبي تتعاقد معهم وتراسلهم قبل ما تطلع او تحجز موعد للدراسة فتقدر بسهوله والأفضل انك تراسلهم وتحجز موعد قبل ماتطلع وتشوف وين المعهد المناسب والمعاهد هناك كثير وبالهبل طب وتخير والمعهد نفسه راح يحجز لك عايله
طبعا وانت تراسل المعهد وضح لهم انك تبي سكن عند عايله من الكيويين وقول لهم وش اللي تحبه واللي ما تحبه على اساس انهم يرتبون لك كل شي قبل ماتجيهم يعني مثلا انا ما أحب الدخان _ ما أحب يكون فيه كلب (عزكم الله ) في البيت _ ما أحب لحم الخنزير ومنتجاته وهكذا .


اما بالنسبة للخطوط الجوية المناسبة

اللي طلعت عليها أنا هي الكاثي باسيفك وممكن انك تروح لأي مكتب خطوط وهو راح يدلك على الأفضل في السعر وفي خط السير

اماالسعر فكان قبل سنتين ونص 7500 ريال ذهاب وعودة والعودة كانت مفتوحة لمدة سنة وأنصح انكم تاخذو تذاكر مفتوحة العودة للي بيطول أكثر من ستة شهور

أما الآن فأكيد ان السعر تغير وزاد كثير

جميع الاخوان والأخوات اللي يبي يسأل لا يردة الا لسانة وأنا جاهز في خدمتكم

وأنا عارف ان امور كثير ماتكلمت عنها بس اللي عنده استفسار حياكم وراح أجاوب على كل سؤال

واللي يبيني أراسل له على معاهد هناك فأنا حاضر

وسلامتكم جميع

[live is live]

المشاركة الأصلية كتبت بواسطة mmss2012 اخوى live is live اول الف الف مبروك التخرج وعقبال الدرجات العليا ان شاء الله ثانيا مشكور على المعلومات صراحة القيمة التى قدمتها ومثل هذه المواضيع حقيقه مهمه لى ولغيى من الاخوان كنت ابا سئلك كيف لاسعار هناك لانى اريد اجيد اللغه لانى الان على وشك إن شاء الله تخرج وكنت اريد اواصل الدراسة فى دوله شهاده فيها معتمدة وقوية وفى نفس الوقت التطوير مطلوب فى كل شى وسلامتك

هلابك يالغالي

بالنسبه للأسعار بشكل عام أفضل من الدول الأوربيه والأمريكية

فالمعيشه هناك معقولة جدا

وأعتقد اللي بيجلس سبعة شهور ماراح يتعدى الــ 50 ألف وهذا الرقم تقريبي وممكن يزيد وممكن ينقص


بس اللي اشوفه أنا من وجهة نظري ان الاسعار هناك أفضل من غيرهم

حياك اخوي واي استفسار دحرجه هنا ولا يهمك

[live is live]

المشاركة الأصلية كتبت بواسطة عبدالله الal-harbiحربي بارك الله فيك اوكلاند يقولون كانك بالرياض خصوصا اذا صادف عطله عندنا عام كم طلعت لان على حسب ما اسمع الاسعار زايده حبتين الان شاكر لك على المعلومات القيمه تحياتي

حياك اخوي

بالنسبه للتشبيه بين الرياض واوكلاند أجزم بأنه غلطان اللي قالك كذا

يعني اوكيه الرياض عاصمتنا وعلى العين وعلى الراس بس مسألة اني أقارن بين الرياض وأوكلاند هذي كيف اسوي فيها وكيف اشرحها

لايوجد أي وجه مقارنه بينها نهائيا بس اللي قالك شكلة جالس في الستي ما يطلع يتمشى برى الستي .

وحتى الستى نفسها ما فيه مقارنه بينها وبين الرياض . هناك فرق كبير

الرياض حلوه اوكيه بس اوكلاند تختلف تماما عنها وكل شخص وله وجهة نظر

وترى الدولة كاملة بشكل عام هاديه جدا وبسيطة جدا

ولايوجد فيها كثافه سكانيه بل بالعكس لايوجد نيوزلاند كاملة سوى 5 مليون أو اقل


أما بالنسبه للأسعار فكلامك صحيح أكيد انها تغيرت وزادة بس مو كثير . زادة الى حد ما

والأسعار اللي قلت لكم قبل سنتين ونص تقريبا


حياك اخوي وأشكرك على مشاركتك وافادتك الحلوه

وأي ملاحظات تبي تقولها فكلي أمل لسماعها لكي يستفيد الجميع


حياك ربي

[عبدالله الAL-HARBIحربي]

المشاركة الأصلية كتبت بواسطة live is live حياك اخوي بالنسبه للتشبيه بين الرياض واوكلاند أجزم بأنه غلطان اللي قالك كذا يعني اوكيه الرياض عاصمتنا وعلى العين وعلى الراس بس مسألة اني أقارن بين الرياض وأوكلاند هذي كيف اسوي فيها وكيف اشرحها لايوجد أي وجه مقارنه بينها نهائيا بس اللي قالك شكلة جالس في الستي ما يطلع يتمشى برى الستي . وحتى الستى نفسها ما فيه مقارنه بينها وبين الرياض . هناك فرق كبير الرياض حلوه اوكيه بس اوكلاند تختلف تماما عنها وكل شخص وله وجهة نظر وترى الدولة كاملة بشكل عام هاديه جدا وبسيطة جدا ولايوجد فيها كثافه سكانيه بل بالعكس لايوجد نيوزلاند كاملة سوى 5 مليون أو اقل أما بالنسبه للأسعار فكلامك صحيح أكيد انها تغيرت وزادة بس مو كثير . زادة الى حد ما والأسعار اللي قلت لكم قبل سنتين ونص تقريبا حياك اخوي وأشكرك على مشاركتك وافادتك الحلوه وأي ملاحظات تبي تقولها فكلي أمل لسماعها لكي يستفيد الجميع حياك ربي

حياك الله اخوي شاكر لك سرد المعلومات القيمه والمفيده بكل ماتحمله الكلمه من معنى

اخي العزيز واضح انك ماعرفت قصدي

القصد الله يعافيك من تشبيه اوكلاند بالرياض ليس الزحمه وليس شكل المدينه وانما كثرة السعوديين هناك خصوصا في الاوقات اللي تصادف العطله الرسميه عندنا يقول تحصل معاهد هذه المدينه الربع او الثلث من طلابه سعوديين

اكرر الشكر الجزيل لما تقوم به من مساعده فمن لديه تجربه ليس كمن سمع او بحث وقرا تحياتي لك

[live is live]

المشاركة الأصلية كتبت بواسطة عبدالله الal-harbiحربي حياك الله اخوي شاكر لك سرد المعلومات القيمه والمفيده بكل ماتحمله الكلمه من معنى اخي العزيز واضح انك ماعرفت قصدي القصد الله يعافيك من تشبيه اوكلاند بالرياض ليس الزحمه وليس شكل المدينه وانما كثرة السعوديين هناك خصوصا في الاوقات اللي تصادف العطله الرسميه عندنا يقول تحصل معاهد هذه المدينه الربع او الثلث من طلابه سعوديين اكرر الشكر الجزيل لما تقوم به من مساعده فمن لديه تجربه ليس كمن سمع او بحث وقرا تحياتي لك

هلابك اخ عبدالله فعلا فهمتك خطا واعذرني . مدري كيف جت معي كذا .

على العموم كلامك صحيح بالنسبة لبعض المعاهد . خصوصا المعاهد المعتمدة من الملحقية السعودية .

بس كمان الملحقية السعودية نفسها حريصة على عدم زيادة عدد السعوديين في المعهد الواحد

بس ترى فيه معاهد كثير ما فيها سعوديين

ومو شرط انك تدرس في معهد معتمد من الملحقية .