والله في جائزة حلوة الي يساعدني في سهام فطاني 447

abeer2009 · #1 04-02-2010, 11:12 AM

بسم الله الرحمن الرحيم

ايوه في جائزة ومره طعمة الجائزة والله العظيم نقرتين لعرض الصورة في صفحة مستقلة

انا احكيلكم وضعي :
هادا الترم تخرجي باذن الله
باقي لي poetry 447 مع سهام فطاني و 424 Seminar in Linguistics مع خولة زهران

المهم السيمينار هين وضعه
الشقا والبقا على البوتري اللي ماحضرت اي محاضرة (على فكرة انا انتساب) وما عندي اي صاحبة او احد اعرفه في الجامعة ولا اعرف ايش المقرر او اسم الكتاب ايش المفروض يندرس فيه , هو عبارة عن ايه ....... الخلاصة (ابيض في المادة) واختباري يوم الربوع الي يجي يعني بعد اقل اسبوع , (وازيدكم من البوتري بيت) عندي السبت سيمينار ..... وفوق هادا كله ابغى انجح فيها باذن الله

طبعا عشان ابدأ لازم كتاب او ملزمه (اللي هو المفروض ..الله اعلم) والمقرر و و و و

ما اقدر الا بمساعدتكم بعد الله
تكفا بنات بجد لازم اتخرج هالسنة الله يسعدكم يارب

طبعا الي يساعدني راح ياخد الاجر من ربنا اكيد وانا راح ادعيله واهلي وقبيلتي كلها ليل ونهار

وفوقها في هدية حلووووووووووووووووووووووووووووووووووو
وووووووووووووووووووووووووووووووه وطعمممممممممممممممممممممممممممممممممممممممممه
يوم ما تستلموا الهديه راح اخليه يوم سعادة لكم
ترى ما باستهبل ولا باخرف والله على ما اقوله شهيد

وتعرفوا مافي وقت لازم اشتري العدة اليوم بليز لاتفقدوا الامل فية وتراني اقدر اجيبها لو ساعدتوني

وبس

ااااااه ترا اختبرت هالترم 422 socio مع خوله
101 ادارة عامة مع .....الجهني
446 نقد مع سهام فطاني برضو

فالي يحتاج حاجه يخبرني

والله الهدية مره حلوة نقرتين لعرض الصورة في صفحة مستقلة

اتحمست اجاوب على نفسي عشان اخد الهدية نقرتين لعرض الصورة في صفحة مستقلة

بس للأسف ما اعرف الجواب

يالله بنات شدوا الهمه
والله ينجحني واياكم في الدراين باعلى الدرجات يارب ......

والله حبيتكم نقرتين لعرض الصورة في صفحة مستقلة

غلاالروح · 04-02-2010, 12:03 PM

البوووووووووويتري الله يعينك جاتنا الأسئله مره صعبه
طريقه الاسئله اشرحي بنقد واختاري
خدي الكتاب من مكتبه خوارزم و اذا تبغي يوم السبت اعطيكي اوراق ممكن تساعدك ليوم الاختبار
اهم شي ذاكري كل شي لأنها غيرت طريقتها في الاسئله

abeer2009 · 04-02-2010, 12:17 PM

المشاركة الأصلية كتبت بواسطة غلاالروح

البوووووووووويتري الله يعينك جاتنا الأسئله مره صعبه
طريقه الاسئله اشرحي بنقد واختاري
خدي الكتاب من مكتبه خوارزم و اذا تبغي يوم السبت اعطيكي اوراق ممكن تساعدك ليوم الاختبار
اهم شي ذاكري كل شي لأنها غيرت طريقتها في الاسئله

تسلميلي يا غلا الروح بس ايش اسم الكتاب ومن الجلده للجلدة ولا كيف
وانا حاكون يوم السبت في الجامعه عندي سمينار وراح اكون من الشاكرين اذا جبتيلي الاوراق

الله يسعدك ياشيخة ويكتبها في ميزان حسناتك

abeer2009 · 04-02-2010, 12:20 PM

بنات تكفا مساعدتكم
تراني بابكي واهستر في نفس الوقت

غلاالروح · 04-02-2010, 12:24 PM

الله يسلمك الكتاب ماله اسم
روحي خوارزم او الأمين قولي له ابغا بويتري سهام فطاني
حيصوره لك
معانا الجزء الأول ماعاد تقريبا 4 قصايد
وانا برضو عندي اختبار يوم السبت ان شاء الله اجيب لك الي اقدر عليه