تعالوا اشرح لكم الـ Syllables ونتناقش فيه

[ALQana9]

السلام عليكم


اشوف كثير من الاخوان متعقدين من شيء اسمه المقاطع الصوتية اللي هي Syllables

طبعاً مثلكم حاولت اقلب الكلمات اشوف عامل مشترك مااافيه امل احصل شيء
دخلت النت ادور احوس يمين يسار حصلت بعض الشغلات بس متعبه
لقيت كم موضوع اعجبوني وبصراحه جربت على امثله وظبطت معي
لاتواخذوني على الشرح اللي بشرحه بسوي اللي اقدر عليه
ماراح اشرح نفس اللي قالوه بالموقع يعني ماراح اترجم كذا عبط واقول افهمو
اقدر احط الموقع واقول يالله ادخلوا ودبرو اعماركم
لكن حبيت اشرح لكم عشان انا افهم معكم بعد

قبل ابداً احب اقولكم ان بالاول والاخير السلبص والاسترس تعتمد اعتماد كلي على اذن الشخص
يعني فتح مخك واذنك بنفس الوقت

بسم الله نبداً

اولاً : بعض الاسئلة من الاخوان يقولون وش الفايدة من المقاطع الصوتية ( Syllables )
طبعاً الفايدة العظمى من المقاطع الصوتية هذي هي لنطق الكلمة بشكل صحيح وتعرف متى يكون الحرف مرتفع ومتى يكون منخفض


ثانياً : لازم نعرف ثلاث كلمات مهمة
vowel وهي حروف العلة وهي
A, E, I, O, U واحيانا حرف الـ Y
consonant وهي الحروف الساكنة كل الحروف عدا حروف العلة طبعاً‬
diphthong وهي بشكل مبسط عبارة عن حرفين او ثلاث احرف من احرف العلة جت مع بعض لتكون لنا صوت واحد او حرف واحد
‎مثل
out , boy , deer , ‫…….‬etc


طيب بقسم لكم الشرح على مقطعين

1. كيف نعرف كم مقطع هذه الكلمة
2. كيف نقسم الكلمة او نوزع المقاطع

ـــــــــــــــــــــــــــــــــــــــــ

1. كيف نعرف كم مقطع هذه الكلمة

طبعاً راح اقولكم اللي فهمته
فيه طريقتين
الاولى بالحساب وهي اللي بشرحها والثانية يبي لها حفظ بحط لكم اللينك اخر الموضوع

بكل بساطة تعتمد على حساب حروف العلة
نجي للكلمة ونحسب كم حرف علة فيها !!؟
بعد ما نطلع العدد ، نبداً بعملية الطرح

• اي حرف ماله صوت او صوته غير ظاهر مثل حرف الـ E لما يجي اخر الكلمة هذا نطرحه من العدد
• تذكرون الكلمة diphthong ؟ اللي هي حرفين علة مع بعض ؟ هنا نعتبرهم حرف علة واحد فقط يعني لو كان عدد حروف العلة في الكلمة خمس حروف لكن حرفين علة جنب بعض نعتبرهم حرف واحد
• ‫:)‬ اخيراً الناتج النهائي

الحين العدد اللي طلع لك هو هذا العدد النهائي للمقاطع الصوتية بالكلمة
حلوووووووو الحين خلصنا نص الموضوع

باقي النصف الاخر

نبي نضع النقط على الحروف او بالاصح نبي نعرف المقطع وين بالضبط
ممكن تجينا كلمة ماحصلنا فيها الا حرف علة واحد بس
وهذي مانحط شيء
مثل
hap،pen, bas،ket, let،ter, sup،per, din،ner, and Den،ins

طيب لو كانت الكلمة فيها حرفين علة وين نحط النقطة الفاصلة حقت المقاطع ؟؟
نحط النقط او نفصل الكلمة تقريباً دائما بعد حرف العلة الاولي
مثال
"o.pen", "i.tem", "e.vil", and "re.port"

فيه بعد شغلة
اذا كانت الكلمة تنتهي بـ "-le"
ناخذ الحرف الساكن اللي قبل ال"-le" ونضع النقطة قبله مثال
"a.ble", "fum.ble", "rub.ble" "mum.ble"

اخر طريقة اي بريفكس او سففكس نضع بعده النقطة
"un.happy", "pre.paid", "re.write" , "farmer", "teacher", "hope.less" and "careful"

طبعاً فيه شغلة مهمة بالتقسيم هذا انوة الحروف اللي تتكون من حرفين بس بالنطق يطلع حرف مثل
"th", "sh", "ph", "th", "ch", and "wh"
هذي نعاملها على انها حرف واحد يعني مستحيل نضع التقسيم بينها اوكي !


هذا والله اعلم



بالاخير ارجوا من الجميع قبول اعتذاري لو ما فهمتوا علي
والله حاولت جاهد اني اشرح واكتب اللي فهمت
ثانياً ضيق الوقت يحكمنا للاسف
ثالثاً ان اصبت فمن الله وان اخطات فمني والشيطان
فسامحوني
وللاطلاع على المواقع او الريسورس
هذي هي عندكم اتمنى تستفيدون منها اكثر من شرحي

موفقين جميعاً
http://english.glendale.cc.ca.us/syllables.html
http://www.phonicsontheweb.com/syllables.php

طلب اخير لو سمحتوا
دعوة صادقه من القلب تكفون والله ثم والله مافتحت الكتاب حتى الان
جالس ادور على السلبص والاسترس من امس ويالله فهمت جزئيات معينة وقلت اساعد الاخوان فيها
راح ابداً بالمذاكرة باذن الله بس اصحى الساعه 2
الحين اي سوال باذن الله راح انام بعد العشاء وراح ارد على اي واحد منكم بعد ما اصحى باذن الله

[شـظايا الفكر]

الله يجزاك خير يالغالي ماقصرت ..
بصرررااااحه اانا مخي صار يحكني لاني مافهمت فيها ولا شيء والا الحين مابعد عرفت عنها شيء والاختبار بكرة :(
سؤال يالغالي ..
الحين كيف توزيع الارقام مثل ( 1 - 3 ) وغيرها هذي متى نكتبها ادري بغثك تحملني شوي :)

[ALQana9]

اهلين اخوي شـظايا الفكر
التوزيع سهل جداً
انت احسب كم حرف مثل ماشرحت فوق وشيل السايلنت منها واللي جاي مع بعض مثل ماشرحت فوق بالضبط
بعد ماتطلع كم مقطع اكتبة بالمربع الاول
مثل ما انت حاطه بمكان رقم 3
بعدين يجي دور رقم 1 بمثالك
وهذا يقصد فيه الاسترس او تشديد الكلمة يعني تشوف وين كان فيه تشديد للكلمة بوقت مانطقت الكلمة
مثل كلمة Maintain
هالكلمة ياخوي مكونة من مقطعين لو لاحظت فيها اربع حروف عله ai مرتين صح ؟
طيب شرحت لك فوق اذا حرفين علة جنب بعض نحسبهم حرف واحد
يعني بالاخير طلع ai ونعتبره حرف واحد لانهم جنب بعض و ai ثانية نعتبرهم حرف علة واحد لانهم جنب بعض
صار المجموع مقطعين الجواب بيكون
(2-2) طبعاً الـ 2 الثانية ليه ؟؟
لانه الكلمة لو سمعتها زين بتحصلها مقطعين خفيف وثقيل والخفيف هو الاول مين (خفيفه) المقطع الثاني (تين ) تحصلها زي التشديد على حرف الـ T اذا التشديد على المقطع الثاني مثل هالحالة نكتب 2 -2
لو التشديد على المقطع الاول مثل RANGING بتلقانا كاتبين الجواب (1-2)

[roqe]

How To Find Syllables:
• Count the number of vowels (a, e, i, o, u, and sometimes y) in the word.
• Subtract any silent vowels (like the silent 'e' at the end of a word).
• Subtract 1 vowel from every diphthong.
o A diphthong is when two volwels make only 1 sound (oi, oy, ou, ow, au, aw, oo, ...).
• The number you are left with should be the number of vowels in the word.

[شـظايا الفكر]

الله لايهينك يالغالي ..

انا طبقت على بعض الكلمات .. بعضها ركب وفيه كلمه ماجات معي ..
اللي هي period ولاعليك امر فصلها لي ..

والسؤال الأهم .. هل معانا في الإختبار بكرة ؟

[الالماسي]

افهم من كذا ان العدد الاول = عدد المقاطع
والعدد الثاني يكون الجزء الي يكون عليه تشديد
مثال
لو عندنا كلمة مكونة من 3 مقاطع
والتشديد على المقطع الثاني
تكون الحسبة
2-3
ولا انا غلطان

[شـظايا الفكر]

المشاركة الأصلية كتبت بواسطة الالماسي افهم من كذا ان العدد الاول = عدد المقاطع والعدد الثاني يكون الجزء الي يكون عليه تشديد مثال لو عندنا كلمة مكونة من 3 مقاطع والتشديد على المقطع الثاني تكون الحسبة 2-3 ولا انا غلطان

لا صحيح كلامك يالغالي ..
انا فهمت كذا برضو .. الإشكاليه مو بالتشديد لكن كيف مثل كلمة period حسبتها طلعت لي (1-2) الكتاب طالعه لي ( 1-3) ..

الله يستر لايجيبونها في الإختبار بكرة بس :(

[ALQana9]

شـظايا الفكر
صحيح وانا شفت مثلك بعض الكلمات ومو بس period حتى area
بس قلت لك انا فيه طريقة بالعد صح وفيه طريقة ثانية تقريباً بالحفظ
هي الفكرة بهالكلمتين اللي فوق بوجود حرف r على ما اعتقد واتى بعده وقبله حروف علة
لو جربت تدخل الموقع الثاني اللي فوق بالموضوع
تحصل شارح نقطه عن الطريقة بوجود حرف الـ R

Six Kinds of Syllables

There are six different kinds of syllables in English:

Closed Syllables: A closed syllable has one and only one vowel, and it ends in a consonant. Examples include in, ask, truck, sock, stretch, twelfth, and on.
Open Syllables: An open syllable has one and only one vowel, and that vowel occurs at the end of the syllable. Examples include no, she, I, a, and spry.
Silent-E Syllables: A silent-e syllable ends in an e, has one and only one consonant before that e, and has one and only one vowel before that consonant. Examples include ate, ice, tune, slope, strobe, and these.
Vowel Combination Syllables: A vowel combination syllable has a cluster of two or three vowels or a vowel-consonant unit with a sound or sounds particular to that unit. Examples include rain, day, see, veil, pie, piece, noise, toy, cue, and true.
Vowel-R Syllables: A vowel-r syllable is one which includes one and only one vowel followed by an r, or one vowel followed by an r which is followed by a silent e, or a vowel combination followed by an r. Examples include car, or, care, ire, air, and deer.
Consonant-L-E Syllables: In these syllables, a consonant is followed by le. The vowel sound in these syllables is the schwa sound that occurs before the l. Examples include -ble, -cle, -dle, -fle, and -gle.

راح ابحث فيها وارد عليك يالغالي باذن الله

[عبدالله بن عبدالرحمن]

الله يوفقك ياشيخ مشكور وبارك الله فيك
عمل كبييييييييييييير تشكر علية
:)

[ALQana9]

المشاركة الأصلية كتبت بواسطة عبدالله بن عبدالرحمن الله يوفقك ياشيخ مشكور وبارك الله فيك عمل كبييييييييييييير تشكر علية :)

العفو اخووي الله يجزاك خير على هالدعووه
والله المادة حلوه بس مرتبك من الدكتور
محد يمدحه ابد
الله يوفق الجميع