سؤال لكل من كان/ومازال لدية مادة الفكشن....

[little Angel]

السلام عليكم ورحمة الله وبركاتة...


سؤال محيرني صراحة بما أنة عندي فكشن هذا الترم ...
هل من المعقول أنة لابد من أني أقرء النصوص كااااااااااااااااااااملة ...؟؟؟؟؟؟
عجزت والله ....لي شهر وأنا بأوليفر تويست وماخلصتها للأن...وغيرها أيما ورووم وذ فيووو وهذا غير الكتاب الثالث اللي أضافتة مس شادن...يعني معقول مابأنجح ألا لمن اقرء النص الأصلي ؟؟؟؟
وكمان النص فية كلمات غامضة و يبغالها ترجمة وبكذا ضاع الوقت...
طيب لو بأذاكر من التحاليل والثيمات وباقي الأشياء من سبارك نوت وإي نوت والملفات اللي بالمنتدي مايكفي؟؟؟

سؤالي هو الأسئلة بتكون من تفاصيل التفاصيل عشان كذا الاستاذة تلزمنا بقرأة النص؟؟؟
ولا أقرء السمري وخلاص.....مع أني فهمت من التحاليل الرواية كاملة بدون ماأقرء النص الأصلي؟؟؟
تكفون أبغي أفهم والله لأن الوقت قصير ومايكفي لبقية المواد اللي لسة مافتحتها,,,,,

جزاكم الله كل خييييير

[white rose]

وعليكم السلام ورحمة الله وبركاته
هلا ليتل بالنسبة للفكشن وقراية القصص لازم تقريها بس مو قراية فهم لا قراية سريعة بس عشان تعرفي الاحداث والتفاصيل بشكل عام يعني تصفح وفهم مو شرط تترجمي حرفيا كل كلمة لا بالفهم حاولي تعرفي معناها زي قراءة قطع الريدنغ علشان لمن تجاوبي تعرفي كيف كانت كل شخصية وكيف اتطورت خلال الرواية من اولها لاخرها وكمان عشان اسماء الاماكن والاحداث الاساسية وين كانت لكن اذا حسيتي حالك مو قادرة تلحقي والوقت بدا يضيع عليك يصير اطلعي على محاضراتها هيا بتقول البلوت بشكل عام وسبارك نوت بالنسبة للشروحات والاناليز حسيتو افضل من الاي نوت لكن من الاي نوت عندك الهيستوريكال كونتكست وبعض الثيمات كانت تقراها منو زي تبعت اوليفر لكن زي تبعت ايما كانت من سبارك نوت يصير انتي امشي على اللي كانت تقوله وقت الدورة من خلال اطلاعك على رابط الدورة التاهيلية وحملي الملفات وكمان اطلعي على الكلاسات تبعتها على موقع العمادة جدا مفيدة وربنا يفتح عليك يا قمر :)

[Brilliant Shores]

وعليكِ السلام ورحمة الله وبركاته..~

ماشاالله ماقصرت وايت روز الله يجزاها خير اعطتك المفيد

حاولي تركزي أكثر شي على تحليل الرواية وتعرفي كل تفاصيلها وبالنسبة للثيمز احفظي على كل واحد مثال

حتى تكون إجاباتك واضحة و قوية .. وطبعا لاتهملي الشخصيات وإلا ماتلاقي لكل شخصية شي يميزها
زي شخصية البطل ممكن لو مثلا إنه كان حكيم اكتبي موقف يدل على حكمته ..~

شي ثاني بعض الروايات تلاقي لها افلام تفرجيها حتى تفهيمها أكثر وترسخ في بالك ..~

.
.
الله يوفقك ويفتح عليكِ ..~

[little Angel]

والله الشكر مايوفيك حقك ياوايت روز..
خف هم هالمادة حاليآ...
الله يوفقك ويحقق جميع أمانيك يارب...


Brilliant Shores
نبهتيني لأشياء كنت غافلة عنها صراحة..
الله يسعدك ويوفقك..
جزاكم الله كل خير ..

[لولو الحلوة]

بصرررررررررررررررراحة انا نفس المعاناة

جالسة اقرأ النص الأصلي لرواية أ روم وماني فاهمة منها شي

حاسة وقتي يضيع ع الفاضي

أنقذووووووووووووووني
:1 1:

[Brilliant Shores]

لولو تفرجيها فيلم تفهيمها بششكل أفضل وأسرع ..~

ربي يوفقكم و ييسر لكم ويفتح عليكم يارب ..~

.
.

[white rose]

^ ^
بريلنت ما ينفع تشوف الفيلم لانو خارج عن الاداب العامة وما اشجعها تشوفه يصير لو تقراي الاناليز والسمري من السبارك نوت افضل اذا حاسة انو وقتك يضيع راح تفهمي على الاقل الفكرة العامة والاناليز + افتحي المحاضرات اللي على موقع العمادة واسمعيها المس تقرا البلوت بشكل عام وراح يفيدك كمان من ناحية الثيمز والاستايلز كمان ملفات الاي نوت اطلعي عليها وحمليها من الردود #17 و #18
وبالتوفيق :)

[white rose]

المشاركة الأصلية كتبت بواسطة little angel والله الشكر مايوفيك حقك ياوايت روز.. خف هم هالمادة حاليآ... الله يوفقك ويحقق جميع أمانيك يارب...

العفو يا جميلة
وربي يكتب لك بكل دعوة مثلها وزيادة
حفظك الرحمن :)

[عبير العسيري]

انا عني شخصيا قرات ملخصات القصص من الاي نوت والسبارك نوت ولما انتهيت شفت افلامها على اليوتيوب فهمت الاحداث مزبوط والشخصيات رسخت في ذهني الحمدلله
واستمعت لمحاضراتها وفهمت منها طريقة حل الاسئله .. الله يسهلها عليه وعليكم

اغلب شرحها تقراء من الاي نوت والسبارك نوت فركزت عليهم
انا احس انه مافيه وقت لقرائة القصص نفسها احسه موووستحيييل

[LAURA H]

عن جد مستحيييييييييييييييييييييييييل نقرأها كلها!!!