سؤال عن كلية الحاسب

[زهرة البنفسج]

السلام عليكم ورحمة الله وبركاته:
أما بعد:
أنا طالبة في السنة التحضيرية وأفكر اتخصص حاسب بس بصراحة خايفة فعشان كده أبغى أسأل اللي هم متخصصين حاسب هل هو تخصص حلو؟؟؟؟؟!!!!!
وهل هو سهل ولا صعب ؟؟؟؟؟ وعلى إيش يعتمد على الفهم أو الحفظ ؟؟؟؟؟
وشكرا على المساعدة والمرورلكل من حيقدم معلومة

[صٍعٍـ آلمٍـزآٍجٍ ـٍب]

وعليكم السلام

بالنسبه لتخصص الحاسب هو حلو اذا كنتي حابه التخصص وداخله عن رغبهـ

واذا كان معدلك يسمح انك تدخلي فأنصحك تدخلي لأنه يعتبر أفضل تخصص بعد التخصصات الطبيه <<-- وجهة نظر

وهو يعتمد على الفهم اكثر .. وفي مواد تعتمد على الفهم وفي مواد تعتمد على الحفظ على حسب المادهـ

حقين الخطه الجديده يفيدوك اكثر مني :)

الله يوفقك ان شاء الله

[IT dancing doll]

اهلا زه,رة.....
والله صراحه كل سؤال من اسئلتك مالقيت له اجابه محدده ...
حلو?? والله هوا مره ممتع لو حبيتيه بس يبغى له طولة بال ومن دون تذمر اند ليف ات(live it)...
سهل او صعب ؟؟ دا الشي كمانا حيعتمد عليكي انتي اول ماتحبيه حتكوني انتريستيد فيه وحتحبي تتعلمي كل شي جديد بس هوا حبتين ضغط ودا كمانا بيعتمد على التيتشرات واسلوبهم في تيتشرات تتخرجي معاهم وانتي حيلك انهد وفيه البعض ولا يكلفوا بشي اكزام وبس ...
فهم اوحفظ؟؟؟ يمكن دا السؤال اقدر اقول لك انه مافي شي حفظ من دون فهم ولو فهمتي تحتاجي تحفظي <<قالوا اذنك من فين ياجحا ...
الاساس الفهم وبعدها حفظ
مواد البرمجه فهم 99% ولو حفظ اشياء بسيطه واحيا ن مايطالبوكي تحفظي
اما مواد الهاردوير والكومبونينت والتكوين الفيزكلي للكمبيوتر هنا عاد لازم تشغلي مخك التخيلي وتبداي ياستي تتخيلي التخاريف والاشياء اللي بيقولوها ولو ربطتي الحاسب بالحياة حتلقي اشياء كتير جوة الحاسب بتقدري تتخيليها كاشياء حقيقه انتي بتحسيها .......وبعد التخيل يجيك كرف الحفظ
سوري طولت عليك وربنا يوفقك بالنهايه انا اقولك على قد منه انا تعبانه من القسم على قد ماوصلت لدرجه اني عاشقته...
ودمتم سالمين IT GIRL

[زهرة البنفسج]

يجزاكم الله ألف خير ياصعب المزاج وIT dancing dollعلى المساعدة الطيبة بصراحة كلامكم حيفيدني مرررررررة

[mind glance]

محا ازيد عن كلام الاخوان
انا معاهم بالضبط
وممكن تشوفي هذا الموضوع تستفيدي منه وتلاحظي اختلاف الآراء

http://www.skaau.com/vb/showthread.php?t=61107