إختبار قياس الإستثنائي

[إحساس رسام]

المشاركة الأصلية كتبت بواسطة hamad2oo8 انصحكم جميعاً التسجيل بالاختبار انا قبل سنة اختبرت هذا الاختبار ولم اكن خريج والحمد لله تم احتسابه لي ونجحت فيه لايفوتكم التسجيل وفقكم الله .. والاختبار لايريد مذاكرة او ملخصات فقط عليك التوكل علي الله وان تحضر للاختبار وانت مرتاااااح

السلام عليكم .. ارسلة تغريده لحساب قياس على التويتر ورد علي بانه لايمكن دخول الاختبار ويجب احضار وثيقة التخرج قبل الدخول للاختبار ..
علماً بانه باقي لي ترم واحد فقط ..
ماذا تقترح علي يالحبيب

[off-on]

اما عاد لازم وثيقه .
واللي باقي ما استلم الوثيقه وش يسوي طيب !!
ياكرهي للأنظمه اللي ماتعرف لها سنع . موقع قياس يقول جيب مايثبت تخرجك . والحين يا احساس يقولون لك على تويتر لازم الوثيقه . اوم الحاله ياشيخ .

[HaMaD2oO8]

والله ما ادري لكن اللي صار معاي العام الاختبار الاستثنائي كان بالرياض وسجلت وضربت مشوار وانا لا خريج ولا متوقع تخرجي ودخلت اختبرت وطلعت لي نتيجة
انا اشوف من واقع تجربة بهالبلد بالذات لا تسأل عن اي شي انت ادخل وخل الاجابة منهم

انا اتوقع لو سألتوا راح تفتحون ابواب علي انفسكم لكن انتم سجلوا وادخلوا

[ابـ ريان ــو]

يا اخوان هذا الاختبار استثنائي بكل ماتعني الكلمة من معنى لعدة اسباب:
1- أن العام الدراسي قد بدأ فعلاً وهناك وظائف تعليمية شاغرة والوقت قد ضاق ولا مجال لاستقبال أعداد كبيرة من غير المتخرجين وبالتالي التسبب في تأخير اعلان نتائج قياس.
2- لذلك هم يريدون المتخرجين فعليا لكي يكون العدد قليل قدر الامكان ليتم تصحيح الاختبار بأسرع وقت ومن ثم ارسالها للخدمة المدنية ومن ثم اعلان المفاضلة على الوظائف المتبقية.
3- أما من يقول أن العام دخل الاختبار الاستثنائي وهو غير خريج, أقول لك نعم وأنا واحد ممن اختبر ذلك الاختبار, ولكن عليك أن لا تنسى أن ذلك الاختبار كان في شهر سبعة في بداية العطلة يعني لم يكونوا مستعجلين والوقت كان في سعة وما عندهم مشكلة في استقبال غير المتخرجين.
أما الآن الوضع غير هم يخططون للاختبار واعلان النتائج في يومين تقريباً وبأسرع وقت ممكن, أرجو أن تكون وضحت الفكرة. هم يبحثون عن مصلحتهم وانت ابحث عن مصلحتك وحاول تدخل الاختبار ولا تفكر في تعب السفر أو دفع الرسوم.

[ShoOoma]

يا شباب قبل قليل كلمت واحد من المسوولين عن الاختبار على اساس متخرج الترم الاول ان شاء الله وقال لي الاختبار فقط للمتخرجين يعني اللي معاه الوثيقة فقط

[thyab]

والله انكم دوختوني معكم يأخوان أي واحد منكم يعرف اي موضف في الوزارة يكلمه ويجيب الخبر الأكيد . أو فضلا وليس أمرا زملائنا أهل الرياض واحد منهم يراجع الوزارة بكره ويعطينا الخبر الأكيد الله يرحم والديه . وبكذا نعرف الموضوع كاملا

[المعتصم بالله]

السلام عليكم ورحمة الله وبركاته

ها قد عدتُ والعود أحمدُ وحشتوني يالغالين والله بجعلني افرح بكم كلكم معلمين في المدارس والجامعات واقول :

1 + 1 = 2

الهوية الوطنية الاصل + وثيقة التخرج الاصل = دخول اختبار قياس

وكلام اخونا ابو ريان وجيه جداً ومقنع

العام الماضي في الاختبار الاستثنائي بالرياض دخلت الاختبار (بتكفى وبحب الخشوم) والسبب اني يوم رحت للبنك حتى اسدد رسوم (قياس) نسيت الهوية في البنك فبحثت عنها في البيت وفي السيارة فلم اجدها وتوكلت على الله وتوجهت من مكة إلى الرياض لاجل اداء الاختبار وكان معاية الصك اللي هو (دفتر العائلة القديم) ويوم جيت ادخل قال المسؤول فين الهوية الاصل قلت والله فقدتها قبل يوم او يومين ولكن هذا كرت العائلة قال معليش ما نقدر ندخلك الاختبار الامر واضح وصريح ومبين لك في الموقع (لابد من اصطحاب الهوية الوطنية الاصل) وبالقوة بالقوة دخلوني الاختبار ودخلت الاختبار واعصابي تلفانة بدل ما يقدمون لي عصير ليمون ويهدؤني ويسون لي عملية تهيئة قبل الاختبار، غيروا لي سفت وير وطيروا المعلومات من راسي وبعض الناس يجيهم ضيق في التنفس، انا جاني ضيق في التفكير ههههه ولا حول ولا قوة الا بالله ولم يكتب لي فيه النجاح لكن لعله خير والله ييسر لنا هذا الاختبار على خير ونجتازه جميعاً

لذلك قلت مع قياس 1 + 1 = قياس

وفق الله الجميع لما يحبه ويرضاه

[off-on]

ياجماعة الربع .. آخر كلام !!
. نروح ولا لا ..

اخونا العزيز المعتصم زي حالتي خريج بس الوثيقه ما استلمتها . لو طبعت كشف الدرجات وختمته زي ماسوي الاخ ابو خالد .. تمشي الامور ولا مشوار للرياض على الفاضي .

افيدونا مأجورين .
بعدين كلامك الهويه الوطنيه + الوثيقه = قياس . المصدر الله يسلمك . حنا ترى باقي متمسكين بقشة امل .

[asim]

يا شباب من يشرح لي ما كُتب بالأحمر في الصورة التالية:

[المعتصم بالله]

المشاركة الأصلية كتبت بواسطة asim يا شباب من يشرح لي ما كُتب بالأحمر في الصورة التالية:

حياك الله حبيبنا عاصم والله اني فرحت بتواجدك وارتاح لتعليقاتك المتفائلة وان شاء الله انك كذلك ويا رب نجتاز هذا الاختبار جميعاً يا رب

هذا الكلام ينطبق على من كان متخرج رسمي وقد حصل على وثيقة التخرج ومسنتره عنده في البيت يعني هذا هو الروتين السائد للمتخرج والمتوقع تخرجه في كل مرحلة من مراحل عقد هذا الاختبار

لكن

في هذا الاختبار الاستثنائي الامر واضح وضوح الشمس في رابعة النهار لمن يحملون وثيقة التخرج وذلك يعني انه لا يوجد نصيب لمن هم متوقع تخرجهم وخلافه لذلك لا تنظر لهذه الرسالة لانها لا تخص الاختبار الاستثنائي بل هي للروتين السائد في كل عام اتمنى ان تكون الفكرة قد وصلت على طبق من ذهب