افضل المواد الحره لطلاب كلية الاقتصاد

[توم الارسنالي]

كثرت المواضيع اللي تتكلم عن افضل المواد الحره لطلاب كلية الاقتصاد بمختلف الاقسام ..

ولكن أنا راح اتكلم من باب تجربة شخصية وتجارب ناس كثير اعرفهم وأيضاً اعتمدت على الدرجات النهائية في تقييمي . واتمنى أكون أفدت أو أجبت على سؤال اي طالب بخصوص هذا الموضوع .

أفضل المواد بالترتيب : .
1- فن الأقناع ( محتوى المادة العلمي ممتع والدكتور يكرر أسئلته بشكل كبير )
2- مدخل إلى وسائل الأعلام ( اتوقع ممكن تنجح فيها بدون مذاكره من كثر سهولتها )
3- مصادر المعلومات ( سهله والدكتور ينزل ملخص معتمد من عنده 30 ورقة )
4- مؤسسات المعلومات ( أيضاً سهله ونفس الدكتور ينزل ملخص معتمد من عنده )

وأتمنى للجميع التوفيق ..

[سفير الاشواق2010]

السلام عليكم ورحمة الله وبركاته
اخوي هذى المواد ماهى موجودة من ظمن الخطه الدراسيه عندي _ تخصصي ادارة عامه_ مسار تنظيمي
هل اقدر اضيفها
اجو اخوي تفيدنى لان عديت 114 ساعه باقى لى مادتين تخصص هي بحث وتدريب و مادة بحوث العمليات باقى لى 8 ساعات اقسمها على 3 مواد مادتين من ثلاث ساعات ومادة من 2ساعتين لاكن ابي افادة فى المادة الى 2ساعتين مالقيت الا تحليل كمي وانا اكره المواد الحسابيه ابي مادة ساعتين وتكون سهله
اسف طولت عليم لاكن ارجو مساعدتي لان الترم الجاى تخرج عندي ربي يوفقنا جميعا ونخلص الجامعه ونرتاح

[ابو بآسل]

سفير خذ 3 مواد من ثلاث ساعات عادي موب شرط ساعتين

[سفير الاشواق2010]

مشكور اخوي باسل بس الله يحفظك المواد الى ذكرها زميلنا توم الارسنالي اقدر انزلها حتى لو ماهي فى الخطه حقتى

[توم الارسنالي]

شوف حبيب قلبي .. مسارك وقسمك مثلي بالضبط ..

فيه عندك 9 ساعات تاخذها من نفس الكلية ولكن من اقسام ثانية , وهذه تسمى مواد اختيارية وبتلقاها في المواد المتبقية للطالب في الاوديوس ..
انا اخذت منها : ادارة الجودة , العلاقات العامة , النظام السياسي السعودي .

وفيه عندك 6 ساعات تاخذها من كلية ثانية تماما ولا تبان عندك في الخطة الدراسية او المواد المتبقية لك في الاوديوس وهذه تسمى مواد حره ..
والمواد الحرة تعتبر هدية للطالب عشان يرفع معدله .

والمواد اللي ذكرتها انا تعتبر مواد حره ... وانا اعطيتك اياها بالترتيب من حيث السهولة .. ونزلت منها فن الاقناع ومصادر المعلومات وكلها جبت فوق 95
يعني لو نزلت منها المفروض تجيب فيها 95 وفوق عشان يرتفع معدلك ..

اتمنى اكون وضحت لك ياغالي

[سفير الاشواق2010]

بيض الله وجهك اخوي ماقصرت فهمت عليك وراح انزل ان شاء الله هذى المادتين الترم الجاى عشانه ترم تخرج