ضـــ الشرطه ـــــــــابط

[الملك الحزين]

السلام عليكم ورحمة الله وبركاته



اعتذر عن التاخير لكل من يسال عني


واقدم هذي هديه لكم بسيطه كعربون محبه


بسم الله الرحمن الرحيم
اخواني في هذا الصرح الغالي على نفوسنا
هذه القصيده بسبب احساس غريب وخوف على من كتبت له
من امس العصر والبال مشغول
والله ساقها بالليل
واتمنى من الله ان تحوز على الاعجاب

بديت اشكي معااانتي علـى زنزانـة سنينـي
سجين بداخل اعماقك وقلبك ضابـط الشرطـه

حبيـس بهـم ذابحنـي وقيفانـي تعزيـنـي
ولا نشكي على غيرك ولاغيرك معـه سلطـه

وانا يوم ذرفـت عينـي وخانتنـي ميادينـي
كتبت امن الشعر شيٍ يحط العقل فـي ورطـه

مرّه نسحب ابياااته ومـره نفقـض اهجينـي
واذا زاد القهـر نبـدى انـا ويـاك بالقلطـه

احبك يا ضيا عيني وشعري ما قضـى دينـي
ولا يقضي وفا قلبك كنـووز العاالـم ونفطـه

تعااالي ياشقا عمري وحطـي عينـك بعينـي
وشووفي شاعرٍ دمعه وصل من غبنه لابطـه

تعااااالي يا رياحيني وعسّي ظهـري الشينـي
وشوفي كيف هالدنياااا تحاسبني على الغلطـه

وانتي اعظم امرااضـي ولا غيـرك يداوينـي
وانتي من ربط قلبي وانا راضي لـك بربطـه

(.ولو الموت من كفك ولـو تقطـع شرايينـي
بقوول(. تمووووت.) ياقلبي وشلّي منّها النقطه .)

بديوي شاردٍ ذاير محـاال وصعـب تهجينـي
ويومٍ طحت في حبك كشخت ابّدلـه وشنطـه

(.وحتى لعبـة البيلـووت لا جيتـي تبارينـي
غديت اللي شرى صن الخساره واحترق بنطه.)

احبـك والله الشاهـد ولكـن وينـك ووينـي
وقلبي من كثر شووقه اخااف تصيبه الجلطـه

شريتك في زمن ظاااالم على دمعـي يعشينـي
طريقٍ من سرى فيها سرى من طلعه لهبطـه

ولامنّي بغيت ارجع تـرى ماعـاااد يمدينـي
نهاني من فرق راسه وجرّح رااسـه بمشطـه

اشووفك من ورى سـورك تلديـن وتنادينـي
وانا اللي سافر لعينـك ولا دوّن لكـم شرطـه

وكنّـك تجهليـن انّـي سجيـن ام المزايينـي
ومحضر قلبك الطيب تبصّم وانتهـى ضبطـه

(.(.وربي عاشقٍ سجنك دخيلـك لاااااا تهدينـي
وكيف السجن ما يعشق وقلبك ضابط الشرطه.).)


وسلامتكم
تمووت خذ نقطه من على حرف التاء= تمون

[مشاعر حائره]

السلام عليكم ورحمة الله وبركاته


صح لسانك ولا هنت


(.ولو الموت من كفك ولـو تقطـع شرايينـي
بقوول(. تمووووت.) ياقلبي وشلّي منّها النقطه .)

ابداع رائع

اجتهدت فاصبت



(.(.وربي عاشقٍ سجنك دخيلـك لاااااا تهدينـي
وكيف السجن ما يعشق وقلبك ضابط الشرطه.).)



قمة الروعه


لله درك


الملك الحزين تمنياتي لك بالتقدم


كما اتمنا ان لا تغيب عن المنتدى

فخسارة المنتدى هو غياب قلمك

تحياتي