يا أهل الرياض المحزوون يضع بين ايديكم مذكرة الخبير ذات الـ 48 صفحة

[المحزوون]

السلام عليكم ورحمة الله وبركاته ..

اخواني طلاب مدينة الرياض جبت لكم مذكرة الخبير للنقد الادبي المكونه من 48 صفحة مترجمة يدوياً من مكتبة دار الاصلاح .

اتفقوا على مكتبة يكون موقعها مناسب للاغلبية وابشروا من عيوني الثنتين احط لكم المذكرة فيها.

انتم تستاهلون اكثر واكثر وسامحوني على القصور والمذكرة ماوصلتني الا بعد صلاة العشاء .

تحياتي للجميع ..

ابو مشعــــــل ..

[المسيّر]

مع اني في الشرقية اخوي لكن الله يبيض وجهك

انت حطها في مكتبه بعيد من الزحمة بس

و برسل واحد يجيبها لي

[المسيّر]

بس اخوي المحزون اذا عندك المذكرة ام 39 صفحة وتقدر انك تحدد لنا من هالمذكرة بعد ماتقارن

فاكون لك من الشاكرين الممتنين

شكرا

[salems]

الله يعطيك العافية أخوي المحزون على اهتمامك

شوف المكان المناسب والقريب لك

[المحزوون]

ابشرو يا اخوان بالي تبونه والبنسبة للمقارنة بين المذكرتين موجودة في موضوع الدورة التأهيلية ولا عرفت احدد مع المقارن علشان كذا جبت المذكرة من جدة

اخوي salems بتوصلك رسالة على جوالك الليلة ان شاءالله

[IFE]

بارك الله فيك

ارجوا ان تضع المذكرة في اي مكتبة قريبة منك وذكر وصف واسم ورقم المكتبة لكي يسهل لنا الوصول اليها

[المحزوون]

يا اخواني المذكرة موجودة في مكتبة الشــرق شارع خالد بن الوليد ( نكـــاس ) وانت اتجاهك جنوب باتجاه طريق خريص قبل توصل اشارة اسواق السدحان تجيك المكتبة على يدك اليمين عندها صراف راجحي قبل شواية الخليج .

ارجوا ان الموقع يكون مناسب للجميع والبارح استلم اخونا salems نسخه ووعد انه بيسوي لها سكان وبينزلها في المنتدى لتكون في متناول الجميع جزاه الله خيرا وشكر سعيه .

مانبي منكم الا دعوة من القلب بالتوفيق والسداد احبتي ..

اخوكم

ابو مشعــــل ..