× تقنيه المعلومات وعلوووم الحاسبات ×

[mS.rOsY]

هاااااي

كيف الحال ..؟!

كل عام وانتو بخيييييير>>خلص العيد


المووهيم..

ابغا اسئل

عن قسم " تقنيه معلومات " و "علوم حاسبات"

اية قسم مستقبلو احسن ومطلوب

افكر احول حاسب

وابغا اسال هوا مررررررره صعب؟

ولا صعب يمشي حالو

عشان حتزوج السنة الجية وبيخوفوني يقولو مره صعب يبغالو وحده متفرغه


اخاف ادخل واندم...

اللي عندو اي معلومات عن القسمين دولا يقول بلييييز


تحياتي..

[^_^]

ما أعرف.. بالضبط

لكن أسمع ان الأي تي .. في الوظايف أفضل

[Nosa]

أهلين خيتوو

وأنتي بصحة وسلامة ياااارب


أنا علوم حاسبات والحمد لله عاجبني القسم
والله ما أعرف ايش مستقبله افضل
بس كله له مستقبل لو ابدعتي فيه

علوم حاسبات يميل للبرمجة اكتر اذا كنتي حابتها

وبالنسبة للسهولة والصعوبة
مافي شي سهل طبعااا
بس صعوبته معقولة مرررة
أنا أحس انه متعب اكتر من انه صعب
يعني فيه واجبات ومشاريع كتيرة والامتحانات برضو كتيرة
بس والله مو مررة صعب

لو حبيتيه رح تمشي تمام فيه
بس اهم شي تكون لغتك الانجليزية طيبة
مو لازم مررة توب
بس عشان الكتب كلها انقلش :)

أنا عن نفسي ما كنت مرررة في الانقلش
بس مع الممارسة وضغطت على نفسي شويتين
ومشي الحال الحمد لله :)

ومعايا صاحباتي متزوجات وعندهم اطفاال كمان
ومتفوقات مرررة ما شاء الله :)

استخيري .. وربنا يوفقك

[طالب جداوي مجتهد]

أفضل الأقسام هي تقنية الملعومات و نظم المعلومات لجاحة سوق العمل إليها

[mS.rOsY]

^_^

مشكووور على ردك

بس انا اعرف الاي تي ماده مو قسم ..!!

الله اعلم


nosa

مرررهـ شكرا على ردك

شجعتيني بصراااااحه



طمنتيني شويه كنت مرررررره مترررررده بالتحويل


طالب جداوي

ميرسي عالرد

و تقنيه المعلومات يقولو افضل شي

بس نظم المعلومات ماعجبني

[mind glance]

اهلا اختي روزي

اول شي لازم تعرفي اذا حتقدري تمشي في كلية الحاسبات وتتحمليها او لأ
لأنه تمشية حال مرررة ما تنفعك... حاسب من غير معدل او من غير فهم ما تستفيدي منه
واكيد تحتاجي اصلا معدل عالي عشان تقدري تحولي

لازم تكون لغتك الانجليزية كويسة
ومثل ما قالو مو شرط بيرفكت لكن الكتب كلها انجلش والكتابة في المحاضرات انجلش
يعني اي شي تذاكريه حيكون انجلش

تاني شي لازم تكوني موافقة على الجلسات الطويلة قدام الكمبيوتر
هو مو في كل المواد...لكن وقت المشاريع ممكن تجلسي ساعات طويلة قدام الكمبيوتر
فكثير من الاوقات تحتاجي تفرغ للمشاريع... وبالعادة يكون في الترم مادتين على الاقل فيها مشاريع ما بين صغير و كبير

ثالث شي حاولي تقرأي عن اقسام الحاسب وبإيش تهتم الدراسة
انا الايام الجاية ان شاء الله احاول اجيب من الكلية معلومات عن الاقسام - للأسف زمان كانت موجودة بالمنتدى وضاعت-
وانت بنفسك اختاري الشي اللي يعجبك واللي يناسبك
لأنه مو كل التخصصات تناسب كل الناس
ومثل ما قلت بالبداية دراسة بدون فهم ما ينفعك

واخر شي ما ابغى اخوفك
لكن رأيي الشخصي... ما اعرف كيف المتزوجات لسة جالسين في الحاسب :s
هو فعلاً ماشاء الله في بنات متزوجات وعندهم اولاد لكن شادين حيلهم واتوقع مرتبين نفسهم كويس
بس في بنات احسهم بيتعبوا ويعانوا كثييير
وفي بنات مأجلين زواجاتهم الين بعد التخرج لأنهم عارفين ما يقدروا يوفقوا بين الاثنين مع بعض :d

يعني بالنهاية كل بنت وقدراتها
واللي تحب تخصصها هي اللي حتمشي تمام

[red flower]

بصراحه


اذا راح تتزوجي خلال الدراسه انصحك لا تحولي حاسب

انا علوم حاسبات ونفسي احول :(
بس خلاص اخذت ساعات كثيره وحرام احول



شوفي .. الحاسب مو مره صعب
بس زي ماقالت Nosa هو متعب اكثر من انه صعب



بس انتي استخيري احسن
وربي يكتب لك اللي فيه الخير

[mind glance]

بس انتي استخيري احسن وربي يكتب لك اللي فيه الخير

نسيت اكتب هذه النقطة
الاستخارة اهم شي !!
جزاك الله خير رد فلاور

[Lelo]

لا تتردي في دخول قسم التقنية او النظم

والتعب يهون والله يوفقنا جميعا

على قدر ما تتعبي راح تحصدي شي يفرحك وتفتخري فيه

تحيتي^_^

[مسلمه ويكفيني فخرا]

سلاااااااااااااام.........
.........
رد فلور...اخر شي توقعت منك....تقولي احووووووول...!!!

لأنك ماشاء الله عليكي احسك طموووحه وحماااس...

و على فكره...بقوولك شي

..انتي الي شجعتيني انزل مادة ................

حقولك عليها في رساله خااصه...........!!

يعني كل مره افتكر كلامك واتحممممممس...بجد شجعتيني....

الله يسعدك ياااااااااارب...

ماراح انسى ردك.......... :)

وثاني حاجه...انا دخلت علوم حاسبات وانا مو مره مقتنعه فيه...

كنت خاااااااايفه منه...واحسه صععععععععب..ومخصص للدوافيير..

فكنت ابغا تقنيه...من باب انه اسهل..

لكن طبعا ماااااافي شي سهل...كل قسم لازم تشدي حيلك فيه...مهما كان هذا القسم..

وشوفي الحين احلى قسم صار في نظري علوم حاااسب ...سبحان الي غيريني

لأن اهم شي...لازم يكون هدفك....تبغي تعرفي وتتعلمي وتسفيدي...مو مهم ال A+...لأنه ال A+ ماراح يفيدنا لو كان عقلنا فااضي............

او بس مسمى شهااااده....... شهاده علوم حاسب..!!!...

يعني الشهاده ماراح تودي ولا تجيب.....!!!

فانتي خلي هدفك انك تتعلمي...وتحبي هذا الشي...وتبدعي فيه....

يعني لازم قرااااءه كثييييير...مو بس تعتمدي ع الكتب في حياتك...

لأن عالم الحساب عالم بحر......

والعلم حتلاقيه في كل مكان..سواء كتب..مواقع.منتديات...

اهم شي تطوري معلوماتك...

وفي النهايه اأنتي ماتدرين وين الخير....

...عني انا بديكي نصحه مني و داااائما حطيهاا ببااالك على طوووووووول...

دائما اذا كنتي حيرااانه بشي...او خايفه منه..او متضاايقه...نصييييييحه..

وخذيها مني وحتشوفي كل خير...



((((((((((استغفري كــــــثـيييييييييييييير))))))))))))



صدقيني عن تجرررررررررررربه مني انااااا...حيجيكي الي تتمنيه. وتبغيه...

ويمكن مايعدي شهر الاهو متحقق ليكي..او ربي ازال عنك الهم الي كنتي فيه...

يعني كل الاقسام حاووووه....والدور عليكي تبدعي....

وبالتوفيق للجميع......