مبادئ الادارة العامه pad101 مين اخذها؟

[Glamorous]

المشاركة الأصلية كتبت بواسطة جنون الكل الماده سهله وخذيها مع خديجه الحربي واسألتها كلها صح وخطأ واختياري وبالتوفيق ياقلبووو

صح وخطأ واختياري

[احساس فنانه]

ماده سهله مره حتى لو اخذتيها مع استاذه هيفاء عبد الفتاح بس صح او خطأ او فرغات

[H@nEEn]

أنصحك نصيحة لله بس...
لا تاخدي مبادئ ادارة عامه كمادة حرة..
لأنو المادة دسمة..وفيها كلام كتير..والاختبار النهائي احتمال يجي موحد..لأنو اختبار السمستر الي فات جا موحد أعتقد..
وازا جات ع استازة خديجة فهيا مرة كويسه خدي معاها علاقات عامه..أما المبادئ أنصحك تشوفي مادة تانية حرة..

[Me to you]

فعلا مادة ادارة عامة دسمة شويا ماهي صعبة لانها تحتاج حفظ لكنها دسمة
انا اخدتها مع الاستازة بدرية الجهني الله يسعدها قمة في الاخلاق .........

[Me to you]

على فكرة الاسئلة عند الاستازة بدريه صح وخطأ واختيارات فقط

[^سنيوريتـــــا^]

سجلتها كمادة حره والله يستر لانه هي الماده الوحيده المتاحه لي اني اسجلها لانه كل المواد الي ابغاها اما تعارض او فل هي الي حسيتها ناسبتني

[عذاري جده]

شوفي ركزي مع الاستاااذه وقت الشرح وهذا المهم
ولا تتركي ولا عالم من العلماااااء إلا تذاكريه وتذاكري نظريته

المااادة سهلة إذا ركزتِ

توكلي على الله ولا تشيلي هم أبداً

[لحن الفرح]

شوفي ياعسل الماده ماانصحك فيها لانها مررره دسمه وعني انا جبت فيها بالــ70 وترى هي تشبه ماده مبادي الاداره عندكم ..اما إذا خلاص اتورطتي فيها استاذه خديجه جدااااا عسل واخلاق ماشاء الله عليها انا اخذت معاها مبادي اداره عامه اول مرره وبصراحه كنت مااجلس قدام وماكنت اركز وخبصت وكرهتها واسئلتها كانت موضوعيه بس اتلخبط بس خلاص بعد مافهمتها اخذت معاها مادتين السمستر اللى فات وكانت جداا عسل وحبوبه وحتى اختباراتها كانت احلى

وبالنسبه لماده ادارة العلاقات العامه مرره زينه وومتازه وسهله وقليله
ودعواتك لنا يالغلا..

ودمتي بود

لحن الفرح

[سوشيت]

أستاذه خديجة مررررره كويسة طيوبة والأسئلة حقتها كمان سهلة

[^سنيوريتـــــا^]

مشكوووورين على افادتكم ونصايحكم وان شالله ترفع الماده معدلي وماتنزله :(