لكي نتساعد ونستفيد من بعضنا..أود من الجميع الدخول

[daddy]

سؤال بسيط لخطه ب ايش هل نشتري الكتب كلها ولا مو لازم؟

[DONUTS]

بسم الله الرحمن الرحيم

طبعا مررره حمستوني اكتب ... نبدأ

خطة ( ب ) ~~

كمياء... أستاذتي كانت د. فايدة بامانع وكيلة كلية الصيدلة لمن يجي اسمكم في شعبتها اسحبو نفسكم من الأول نصيحة من أخت مجربة .... اكرام دانش ثم اكرام دانش ... شرح قمة في الروعة ... انسانة محترمة .... وكانوا البنات يحضرولها من مختلف مناطق الجامعة لووول
فلو ذاكرتوا محاضرات اكرام ... والتست بانك ان شاء الله تمشي معاكم المادة فل الفل ...التست بانك اللي تحطو بموقعها ترى مرررره مهم ويجي منو فذاكروا منو


أحياء ... الدكتورة حنان الشاذلي ... رائعة جدا ... والمذاكرة من التست بانك وما يخرج منو .. بس مع الدكتورة حنان تحسي بمتعة الأحياء ... من جد جزاها الله خير .. انسانة امينة ...

الاحصاء ... استاذة دعاء بوقري ... ملابسها ماشاء الله حلوة بجد ستايل لبسها حلو .. شرحها كويس .. يعني موسيئة ... بس مو نفس اللي في المحاضرة في الاختبار يعني لاتعتمدوا بس على الكتاب زيي ... حاولو تحلوا نماذج...وتاخذوا ملخصات ... عشان لا تنقصو ا كتير ... وللأمانة تجي المحاضرة على الوقت وتدي اللي عليها وتشرح مرره واتنين وتلاتة ...

دا اللي عندي ... واستمتعوا بالاجازة

[سلطان خالد]

المشاركة الأصلية كتبت بواسطة د. أسامة بسم الله الرحمن الرحيـم ، أولاً بالنسبــة لمواد خطة ب : * الكيمياء : من خلال تجربتي مع الكيمياء لاحظــت أنها لا تملك مصدر معين يمكن المذاكرة منه ، فكل مصدر به طريقة معينة تختلــف عن المصدر الآخر ، ففي الدوري الأول كانت أغلب الأسئلة من تيست بانك إسلام مصطفى ، و لكن في الدوري الثاني جات اغلبها من يونفيرستي كيميستري وملخص حسن وحيد و في الفاينل .... ما جات من يونفيرستي و لا من حسن وحيد و لكن جات من الكتاب بطريقة معقدة نوعاً ما . إللـي يبي يعتمد على الكتاب ، يعتمد بشرط إنه الإنجليزية حقته تمام التمام ، يعني مو أقــل من ليفيل 5 بالإنجلش . في الكيمياء في نهاية السمستر حتمر عليــكم دروس حقــت [ الإتزان الكيميائي ] و [ الإتزان الأيوني ] ، نصيحة لوجــه الله ، حـاول تفهمها كويس من دكتورك ، لإنها أصعب حاجة في الكيمياء ، إذا ما فهمتها كويس - زي ما صار للشباب عندنا - راح تجيك المســألة و الله و الله و الله كـأنها أول مره تمر عليك . * الإحصاء : سلايدات سعيد الغامدي + أمثلة الكتاب ، بالنسبة للي يقــوولك ملخصات أشرف بركات ، أتمنى إن أشـرف بركات يركز على الفيزياء أحسن له ، ملخصه حق الأحصاء بالنسبة للدوري الثاني كان فيه أخطاء و الفاينــل مليئ بالأخطاء ، و لكنه مناسب للي دكتورهم شرحه سئ ، على الأقــل فيه أشياء مشروحة كويس . * الأحياء : مذاكرة التيست بانك حق الأحياء قبل كل اختبار بما لا يقـل عن أسبـوعين ، مع العلـم أنني أخـطـأت خطـأ فادح قبل فترة اختبارات الفاينل ، وخطـأي هو أنني لم أجدول وقتي للمذاكرة بشكل جيد ، علماً بأنني خصصت للأحياء 4 أيام ، و بالطبــع مع قلة النوم ، و الدوام الجامعــي ، كان له تـأثير بالـغ علي أثناء المذاكرة ، لدرجة أنني تركت جزء من تيست بانك 3 ليوم الاختبار في الصباح ، و تـفـاجـأت بمرور الوقت بسرعـة ، و إذ أنني أنظر للساعة و بقــي على الأختبار ساعتين و أنا لما ابــدأ بعــد في باب [ الوراثـة ] ، الذي هو أصعب الأبواب في التيست الأخيــر ، أنا لا أريد تخوويفكــم من الأحياء و لكنها مادة ستـأخذ منكم وقت طويل في المذاكرة و جهد في الحفظ ، و لكن هي المادة التي سترفـع معدلكم إن شاء الله تعــآلى ، بالتوفيق للجميــع ^_^ .

ما شاء الله تبارك الله .. ما راح ازيد على كلامك شي .. نفس كلامي ..

[سلطان خالد]

اهم نصيحه مني يا اخوان ..

" ذاكروا أول بأول .. ذاكروا أول بـــأول .. " لا تكرروا خطأي ..

[mo_7_a]

(مساء,صباح) الخير
انا خطه أ بس ما شا الله miss-rahaf كفت ووفت
لكن حبيت اقترح لو كل خطه تكتب اسماء الكتب المقرره
وانا حبدا بخطه A
اسم الماده, الطبعه ,بعدين اسماء المؤلفين

رياضيات
(Thomas' Calculus _11 edition_Weir ,Hass ,Giordano )

فيزياء
(Fundamentals of physic -8 edition- Halliday ,Resnick , Walker)

مهارات اتصال
(Communication Skills نسخه أوليه منقحة د.سعد المسعودي)

مهارات حاسب
(Computer Skills ــــ د.خالد فقيه, د.كمال جنبي,د.عبد الرحمن الطلحي)

ولو نتبادل الكتب يكون افضل طبعا .. لكن انا الى الان مالقيتلي زباين

سبحانك اللهم وبحمدك اشهد ان لا اله الا انت استغفرك واتوب اليك

[احساس طفل]

انا كمان حابه اعطيكم فكره وخاصة للبنات اللي بالفرع في الفيصليه

احياء ماده تعتمد على الحفظ من التست بانك يعني ماعندك مشاكل وين مايحطوكي عند اي دكتوره عادي
اهم شي احفظي اول باول من التست وتجيبي الفل مارك باذن الله

كيمياء انصحكم لوجه الله تعالى روحو للدكتوره ريم من جد هالانسانه رووووعه وماشاء الله هما الشعبه
الوحيده اللي درجات البنات مرتفعه هذا ان دل على شي دل على تفوقها في ايصال المعلومه بسلاسه انا عني ماعرفتها
الا نهاية السنه حضرت معاها بسس المراجعه وربي حسيت نفسي خرجت بشي مفييييد والحمدلله كان آدائي
للاختبار جيد وهذا يرجع لله سبحانه ثم مراجعة الدكتوره ريم

الاحصاء بدون كلام الدكتوره ماجده طبعا هذي اللي تبغى تفهم المنهج مزبوط وفيه دكتوره اسمها جواهر بس بصراحه وللامانه مو زي الدكتوره ماجده في توصيل المعلومات لكن اللي يميز الدكتوره جواهر انها تساعد في الاختبار وتنوّه على اسئله تجي افكارها نفس اللي بالاختبار وعني برضو حضرت للمراجعه حقها وحسيت ان نص الاسئله اللي بالاختبار قالتها وركزت عليها الله يسعدها زي ماساعدتنا

الانجليزي عاد هذا شي انتو ابخص فيه وين ماتحل لكم البركه روحو ماتفرق d

<<ياليت البنات اللي خطه أ في الفرع يقولو عن افضل الدكتورات ـــــ بانتظاركم

[الخلوق]

والله تفاعل رائع وأجمل من الرائع.........................ونحن بإنتظار المزيد

[ya8oot]

يروى عن الحسن البصري -رحمه الله- أن رجلا قال له: إنك تغتابني. فقال:
" مابلغ قدرك عندي أن أحكمك في حسناتي".

موضوع مفيد !!
لكن حذاري من الغيبة !!
فإن أمرها خطيييييييييير !!

[فهودي w595]

بعد التحيه

http://www.skaau.com/vb/showthread.php?t=156047