6 أستفسارات الله يجازيكم خير نورونا ,,

[ملك الدبلومات]

السلام عليكم

كيف حالكم .. ان شاء الله بخير ..

انا ناوي ان شاء الله انتسب في الجامعه .. وماهي مشكله ندرس من جديد .. مع انى احمل الشهادة الجامعية المتوسطة من كلية التقنية بالرياض بتقدير جيدجدأ ودبلوم من المعهد المصرفي بالرياض بتقدير جيد سبب الانتساب اريد البكالريوس أولا وثانيأ لم أجد وظيفـــــــــــــــــهــ

ولكن أريد الشباب يوضحولي عدة تسأؤلات الله لايهينكم ,,

1 الحضور هل هو في فترة الاختبارات فقط . ؟
2 هل بالامكان التحويل الى منتظم لان عمري 22 فقط ؟
3 كيف نستعد للاختبارات هل الدكاترة يشرحون لنا عن طريق الاون لاين ؟
4 الدراسة بالعربي ولا بالانجليزي ؟ لاتقولون انجليزي تكفون
5 انا تخصصي تسويق ماهو اقرب تخصص لي بالجامعه لان تخصصي مو موجود ؟
6 الدرأسة بالجامعه زى التقنية ولا اصعب ؟


الله يجعله بالفردوس الأعلى من يجاوب بكل وضوح وشاففيهـ

[مشاري الرياض]

المشاركة الأصلية كتبت بواسطة ملك الدبلومات السلام عليكم عليكم السلام كيف حالكم .. ان شاء الله بخير .. الحمدلله ... انا ناوي ان شاء الله انتسب في الجامعه .. وماهي مشكله ندرس من جديد .. مع انى احمل الشهادة الجامعية المتوسطة من كلية التقنية بالرياض بتقدير جيدجدأ ودبلوم من المعهد المصرفي بالرياض بتقدير جيد سبب الانتساب اريد البكالريوس أولا وثانيأ لم أجد وظيفـــــــــــــــــهــ ولكن أريد الشباب يوضحولي عدة تسأؤلات الله لايهينكم ,, 1 الحضور هل هو في فترة الاختبارات فقط . ؟ ايه نعم 2 هل بالامكان التحويل الى منتظم لان عمري 22 فقط ؟ ايه ممكن تحوول بعد السنه التحضيريه بس لازم معدل فوق 3.75 3 كيف نستعد للاختبارات هل الدكاترة يشرحون لنا عن طريق الاون لاين ؟ اذا انتساب عادي لا اذا تعليم عن بعد فيه محاضرات 4 الدراسة بالعربي ولا بالانجليزي ؟ لاتقولون انجليزي تكفون الاغلب بالعربي 5 انا تخصصي تسويق ماهو اقرب تخصص لي بالجامعه لان تخصصي مو موجود ؟ ولله ممكن تشوف اداره عامه مناسب ... وومكن تشوف التخصصات والخطه الدراسيه وتقرر انت ... 6 الدرأسة بالجامعه زى التقنية ولا اصعب ؟ كلن فيه حقه ...وعلى قوولتهم مافيه شي سهل الله يجعله بالفردوس الأعلى من يجاوب بكل وضوح وشاففيهـ

الاجابات داخل الاقتباس

[المميــــز]

اولا نعم الحضور في فتره الاختبارات او اذا حاب تحضر الدوره التاهيليه قبل الاختبارات بكيفك
ثانيا نعم بامكانك تحول لمنتظم بشرط يكون معدلك 3.75
ثالثا لا الدوره التاهيليه فقط لاغير
رابعا السنه التحضيريه عندك مادتين انجلش فقط وبعدها على حسب التخصص
خامسا لا اعلم
سادسا لا اعرف التقنيه ولكن الدراسه في جامعة الملك عبدالعزيز سهله لابعد حد من كل الجامعات
سابعا بالتوفيق اخوي توكل على الله

[مـازن]

5 انا تخصصي تسويق ماهو اقرب تخصص لي بالجامعه لان تخصصي مو موجود ؟ ولله ممكن تشوف اداره عامه مناسب ... وومكن تشوف التخصصات والخطه الدراسيه وتقرر انت ...

بما انه ادارة اعمال (مسار تسويق) وطبعا هو الانسب لتخصصك قفلوه ما عاد فيه انتساب

ادرس تحضيري_انتساب وجيب معدل كويس وخش انتظام ادارة اعمال - مسار تسويق كويس جدا

والله يوفقك

[ملك الدبلومات]

الله يجزاكم خير جميعأ

مشكورين ياشباب ماقصرتوأ

وبيض الله وجيهكم جميعأ

بس ياشباب المواد العلمية بحاجة الى شرح مثل (الرياضيات و الأحصاء و المحاسبة)

هل يشرحون لطلاب الانتساب ولا الانتساب يعتمد على الطالب وخلاص ,,

الله لايهينكم توضيح لهذه الجزئيهـ ,,

[مشاري الرياض]

المشاركة الأصلية كتبت بواسطة ملك الدبلومات الله يجزاكم خير جميعأ مشكورين ياشباب ماقصرتوأ وبيض الله وجيهكم جميعأ بس ياشباب المواد العلمية بحاجة الى شرح مثل (الرياضيات و الأحصاء و المحاسبة) هل يشرحون لطلاب الانتساب ولا الانتساب يعتمد على الطالب وخلاص ,, الله لايهينكم توضيح لهذه الجزئيهـ ,,

اخوي الدوره التأهيليه تشرح لك المناهج واذا ماتقدر تجي .. الله يعينك وتجيب لك مدرس

بالتوفيق

[فتاة التميز]

بالمكتبات ملخصات لمناهج الجامعة
هل هي من إعداد المحاضرين أم الطلاب؟
يعني يجي منها في الاختبارات؟

[مشاري الرياض]

المشاركة الأصلية كتبت بواسطة فتاة التميز بالمكتبات ملخصات لمناهج الجامعة هل هي من إعداد المحاضرين أم الطلاب؟ يعني يجي منها في الاختبارات؟

بالمكتبات تلقين الكتب اللي يطلبها الدكتور .....

فيه من الطلاب بعد ...


ايه يجي وخلك تشيكين على المنتدى لان ينزلون مرات بعض من نماذج الاختبارات السابقه

وراح تستفيدين منها كثير ... بالتوفيق