من غشنا فليس منا

[mr-kash]

السلام عليكم ورحمة الله وبركاته
موضوعي للبنات والشباب
البعض راح يقول اني مسوي فيها ناصح او شي لكن الواحد يقول ويكتب الي يرضي ضميره
المهم انا بتكلم عن الغش في الاختبارات كان اول شي يحصلي في قاعة الامتحان جلس جنبي واحد وقالي : شكلك مذاكر انت لا تسوي شي بس لف ورقتك وانا اكمل الباقي ... يعني العالم ناوية من بدري ليش ما يحاولوا ولو لمرة وحدة عدم الغش والله الله بيوفقهم المهم: انا طبعا سويت فيها دافور واعطيتوا على راسوا وكرشتوا وقلت والله لو حاولت تطالع في ورقتي مايصير معاك طيب .. طبعا ماعجبوا كلامي وقال وش هالبزارين وقام ودور على واحد ثاني المهم كل واحد يعتمد على نفسوا صح ان المراقبين متساهلين وبعضهم ماخذين المسألة فلوس يعني اوقف واستلم مكافئة المراقبة وخلاص ويغضوا النظر عن الكثير لكن موجود وشايف الي عينه ماتنام الله عز وجل فا اتقوا الله وتوكلوا عليه ولا راح يخذلكم
والله يوفقنا جميعا إن شاء الله

[غسق]

يعطيك العافيه على الموضوع القيم وصحيح ناس تتعب وتذاكر وناس ماتكلف على نفسها تفتح الكتاب

ممشينها غش بغش ..الله يهديهم

[الانس]

شـكــ وبارك الله فيك ـــرا لك ... لك مني أجمل تحية .

[.. بيســـان ..]

جزاك الله خير

وأنا حصلي نفس الموقف في ثاني متوسط

ومن غبائي مررت لها الورقة و كنت مذاكرة مية مية / كان اختبار جغرافيا

و نقلت الورقة بالكامل وأخدت 15 من 15

وانا كمان أخدت الدرجة الكاملة

بس إلين دحين و بعد مرور 6 سنوات انا ندمااااااااااااانة أشد الندم

و ماعدت هالحركة في حياتي مع إني أخدت الدرجة الكاملة زي ما غشت مني

[mr-kash]

يعطيكم العافية اخواني واخواتي على المشاركة المهم ان الموضوع مايكون للقرائة فقط لكن ينقل وننصح بعض كمان محد فينا كامل وخير الخاطائين التوابين فيا اخت بيسان احسن شي ان الواحد ما يتأثر بناس الي حولو ويعرف الصح ويسويه والله يوفقنا كلنا للخير والنجاح انشالله

[منطلق]

قال رسول الله صلى الله عليه وسلم من غشنا منا
اما بالنسبه للدكاتره والمراقبه فما هي بالصوره اليي قلت فصدقني ان فيه دكاتره كثير ينخلون القاعه نخل
يعطيك العافيه وجزاك الله خير

[محمد الهاجري]

وعليكم السلام ورحمة الله وبركاته

جزاك الله خير اخوي علي كلامك القيم , فعلا انا لاحظت غش بصورة مخجله في اختبارات الترم الماضي وتمنيت اطرح مثل هالموضوع لكنك سبقتني عساك سبقا دوم للخير ..... وفعلا يا اخوان الغش حرام مافيها كلام .. وتذكرت انك اذا نجحت واخذت شهادة بالغش ممكن تتوظف فيها ويصير راتبك حرام في حرام .. واعوذ بالله ان الواحد ياكل حرام او يوكل عياله من الحرام .......... احسن من الغش والاستعانه بالناس .. انك تتوكل علي ربك وتستعينه وماخاب من توكل عليه .............. جزاك الله خير اخوي مستر

[متعب الهديرس]

جزاك الله خير على هالنصيحة والنصيحة اليوم ببلاش والحمدلله لي اربع سنوات في الجامعه وهذا اخر ترم لي فيها لم اوجه هذه العينه الا في الفصل الماضي في اختبار مادة ادارة مشاريع صغيرة عند الدكتور الاكثر من رائع نايف الغمري وكانت الخطط امامي قد اعدت مسبقا لمجموعة من الطلاب بتقسيم الكراسي بحيث يوضع الطالب الدافور في الصف الاول وياتي بعده الغشاش الاول في الصف الذي يليه والغشاش الثالث في الصف الذي يليه حتى انا احدهم وبكل وقاحه طلب من احد الطلاب ان يترك الكرسي لهم حتى يتمكنوا من اكمال مخططهم الاجرامي وكنت ناوي ان ابلغ عنهم وعن غشهم وبفضل من الله ثم ذكاء الدكتور نايف الغمري كفاني الله واياهم شر القتال فقد وضع اربعة نماذج من الاسئلة الف وباء وجيم ودال وقام بتوزيع الف وباء على الصفوف الفردية وجيم ودال على الصفوف الزوجيه واسقط بفضل من الله في ايدي هؤلاء الغشاشين .
وافضل طريقة لتجنب امثال هؤلاء هو محاولة الحضور قبل موعد الاختبار بنصف ساعه او اكثر حتى تستطيع ان تجد كرسي في الصفوف الاولى والله اسئل للجميع التوفيق والسداد .

[mr-kash]

يعطيكم العافية ياشباب على الردود القيمة
بس انا برد على الاخ منطلق انا اخوي اتكلم عن اختبارات الانتساب طبعا وانا متأكد من كلامي لان اغلب المراقبين في اختبارات الانتساب هم متطوعين خارجيين
والله يغنينا بحلاله عن حرامه

[خالد بن عبدالعزيز]

المشاركة الأصلية كتبت بواسطة منطلق قال رسول الله صلى الله عليه وسلم من غشنا منا اما بالنسبه للدكاتره والمراقبه فما هي بالصوره اليي قلت فصدقني ان فيه دكاتره كثير ينخلون القاعه نخل يعطيك العافيه وجزاك الله خير

لتحصيح الحديث (من غشنا فليس منا)
يعطيكم الف عافيه وجزيتم خيرا