أسئلة مادة الشعر عشان إختباركم الليلة . هي نفسها أسئلة التعليم عن بعد . ادخلوا شوفوها

[S s S s S]

السلام عليكم ورحمة الله وبركاته

صباح الخير للجميع

أنا طالب تعليم عن بعد و أمس إختبرنا مادة الشعر و كانت الأسئلة اللي جتنا مكتوب عليها ( طلاب الإنتساب ) و الدرجة من 100 ( مع إن درجاتنا من 70 )
هذا يعني والله العالم إن الأسئلة اللي جتنا هي نفسها اللي راح تجيكم الليلة و هذا ما أكده لي أحد طلاب الإنتساب.. يقول الدكتور عمر يقول أسئلتكم أنتم والتعليم عن بعد مثل بعض

في المرفقات راح تحصلون ملخص الدكتور عمر وهو عبارة عن ( التكست شات ) يعني ( الدردشة ) اللي كان يشرح لنا فيها .. نسختها لكم جميعا كـ ملخص للمادة
مهم جداً جداً : ( اللي ملون باللون الأحمر هذا اللي جانا في الإختبار ) طبعاً ما حفظت صيغ الأسئلة لكن اللي بالأحمر يعني معلومة جتنا في الإختبار .
مو شرط تكون بنفس الصيغة .. يعني أنت احفظها وافهمها

مهم جداً جداً جداً : في نهاية الملف تقريباً 14 سؤال كتبها لنا بالنص وبالحرف الواحد في الإختبار
أدري تأخرت في تنزيل الملف لكن كان عندي إختبار شكسبير وما أمداني أكتب لكم شي ... أعتذرررررررررررر لكم

ع العموم أتوقع الكل ذاكر وما أحد راح يعتمد على ملفي 100% ( وهذا اللي أتمناه ) .. أتمنى كلكم تلقون نظره على الكلام اللي لونته بالأحمر والأسئلة اللي في نهاية الملف

ملاحظة : كل الكلام اللي في الملف من كتابة الدكتور عمر باقبص نفسه

أتمنى لكم التوفيق و يا ليت كل واحد يكلم صديقه بخصوص الملف .... الوقت ضيق وإختباركم الليله

أتمنى لكم التوفيق والسداد

---

لتحميل الملف بصيغة pdf :

من مجهود العضو : als3udi

من هنــــــــــــآ

[als3udi]

جزاك الله ألف خير والله يكتب لنا ولك ولكل من يقرأ النجاح في جميع مواد الترم الصيفي
حقيقة بادرة أكثر من طيبة وتشكر على حرصك ونفعك لإخوانك المنتسبين
لأنه اللي مثلك أكيد يحب لأخيه ما يحب لنفسه وبالعكس مو متأخر ولك منا الدعاء في السر والعلن والله يتقبل من الجميع في هذا الشهر الكريم
:)

[ماجد البير]

جزاك الله خير وان شاء نلحق عليها

[العتيني]

الله يبيض وجهك
ويوفقك
ويسعدك

الله يكتب لك الاجر شي نحتاجه فعلا , واصلا ضايعين بهالمادة


شكرا

[جامعي الرياض]

الله يكتب أجرك يارب
ممكن احد يحولها pdf مافتح معي

[نجمal]

صراحة يكفي مبادرتك ووقفتك سواء جات او ما جات الله يكثر من امثالك ويوسع في رزقك ويفتح عليك ويوسع مدارك فهمك ويرزقك من حيث لا تحتسب

[als3udi]

المشاركة الأصلية كتبت بواسطة جامعي الرياض الله يكتب أجرك يارب ممكن احد يحولها pdf مافتح معي

تفضل

[جامعي الرياض]

الله يرحم والديك ويوفقك يارب

[Dmar]

الله يوفقك ويغفرلك ويستجيب دعائك ودعاء من يدعون لك

مبادره لاتقدر بثمن الله يرزقك الدرجات العلا

لكن الدكتور قال الاسئله خيارات هل اسئلتكم خيارات والا مقالي

[leeman]

الاسئله اللى هو كتبها في الملف خيارات وصح وخطاء
صراحه الملف شامل
الله يعطيك العافيه
لو جت الاسئله كذا يعني مقبوله