قصة كفاح انت وانا وغيرنا كلنا منتسبين

[bandabiz]

دخلنا الجامعة ومعانا في روسنا احلام
عشنا تجربة القبول حماس وخوف اهالينا يدعوا لنا بالتوفيق وهجوله وتعب وتعال وروح وسدد واتصور وسجل واكتب وعبر واخيرا صرنا طلاب منتسبين .
فرحة ورزة صاير طالب جامعي مين قدك وقدي واضرب اخماس في اسداس متى اتخرج ( هين جبل الثلج مابان غير راسه ) واحلام لاتنسوا واحد يقول ابغى اكمل دراسات والثاني مدير عام والثالث احلام ولا في الاحلام والله من حقنا نحلم .

ودستة مواد اول ترم وثاني ترم وكل ترم وسفر وروحه وجيه وثلاثة الاف مرة سلف ومرة قطة ومرة مساعدات ومرة ومرات وكمان تحلم متى تنتهي والظاهر انه حلم ما حينتهي .

وتدور بين المكتبات مرة ملخص ومرة كتاب ومره كلها تجيبها حتى المراجع المساعدة تجيبها ومدرسين وفلوس تنصرف وتحلم متى تنتهي .

وترم تعتذر الميزانية ماتسمح وترم تنحرج من كثر الاستئذان مرة ابغى اراجع عندي مشكلة ومرة ابسدد ومرة ماادري ايش ومرة ومرة حتى غيرك صار يحلم متى تنتهي وتكمل الناقص عندي دورة وعندي اختبار ويصير في حياتك كلها استنفار من اول وجديد سفر وسكن وصرف والم وفراق وتجيك الطوام تذاكر ماتذاكر اسئلة تشكيلة مرة F ومرة Dn واغرب ماسمعت Cn ودرجات في النازل وتقول هانت وهم يقولوا لسه بدري واحد يقول متخرج معي مادة واحدة في هذا الترم وزميل ثاني الشيب بان عليه يحلم متي ينتهي ويقول عسانا نتخارج واهل الاحلام احلامهم تكسرت على صخرة الواقع اه منها صخرة وتشوف المنتديات كلها قصص متشابهه ولسه تحلم انك حتنتهي الظاهر حننتهي قبل ماننتهي ..!!

هذا فصل واحد من فصول كفاحنا الاكاديمي مشروع مفتوح لتكملة باقي الفصول