احتاج كتب الفسيولوجي

[Deema Alamoudi]

السلام عليكم ورحمة الله وبركاته

لو سمحتوا احتاج كتابين الفسيولوجي بس بصيغة PDF عشان ابا انزلها ع اللاب توب
دورت كتير وما لقيت بليز اللي يقدر يجبلي هيا حيكون احسن انسان في العاااالم xD

دولا الكتابين
Master Medicine Physiology, J.G. McGeown, 2002
و
Principles of Anatomy and Physiology Gerard J. Tortora & Sandra Reynolds Grabowski, 10th Edition

ومرره شكرا.. =)

[мέmό0ό]

ترا المذاكرة من السلايدات كافيه
انا اطلعت على وحده من الكتب دي في المكتبه وجاتني جلطه جزئية
اتوقع لو كنت اشوف الكتاب التاني كان بيكمل النص التاني
وبنات تالته يقولو المذاكرة من السلايدات الا اذا انتو عندكم معلومة تانيه
فارجو اخباري بها :(

[طالبه حايصه]

انا الصراحه مو فاهمه الفيسولجي من البروف .. احس نفسي معيده تجي تدرسني الماده لووووووول

من بروف الى معيده

لاني احسعم بنات صغار وبنفس الوقت يوصلون المعلومه على مستوى علمنا .. البروف مسكينه تحسبنا عباقره مثلها لوووووووووووول

[lolo f]

هههههههههههههههههههه من جد ي طالبة حايصة
تحسي نفسك في قمة التتنيح معاها , تشرح كأنو احنا اخذنا الكلام هذا مليون مرة
واهم شي لن تسألنا فاهميين ؟ تقوم تقول طب الحمدووولله رب العالمين
هههههههه

الله يسّهل بس :(

[طالبه حايصه]

ههههههههههههههههههه ايوا تضحككككك

احلى شي لمن قالت لا تقربووووووا الصلاااااه لوووووووووول حسستنااا اننااا بقررررر

[Deema Alamoudi]

ههههههههههه مو انا زاكرت السلايدات بس ما كفتني !!!
وشفت كم كتاب حسيت مرره احسن من السلايدات كمراجع يعني عشان افهم
ف مرره ابغا دولا الكتب :(

اما سوسن دي حاااقه تانيه خااالص !! ابدا ما تعرف تفهههم !! :s

[ツάиgєℓ]

^

آآآه ههههههههههههه كويس يعني مو بس أنآ اللي مو فآهمه إيش تشرح دي الآدميه هههه
مرره تقهر صرآحه تشرح وكأن المآده مو جديده علينآ ><

[dr-sh0sha]

انا خلااااااااااااااااااص بانجلط من الفسيولوجي

احاول واحاول اركز معاها بس برضو مو قادرة استوعب ...

في البداية قلت التناحة شكلها مني بس طلع الغالبية زيي معناتو المشكلة منها ...

مو عارفة كيف اذاكر دي المادة !!!!

[اميره بضحكتي]

^ ^ ^
انا مو عارفة ازاكر شي ><

ما جات على الفسيولوجي وبس ><