هام جدا ادارة صحية ومستشفيات

[Adil]

سلام عليكم ورحمة الله وبركاته

ولله انا اشوف الجامعه مخطيه في هالخصوص انها تفتح المجال على مصراعيه لتخصص الادارة الصحية

والبعض ماخذ تصور انه بيتخرج ويصير مدير

وانا ولله اني احكي لكم وانا متوهق لاني وصلت مستوى سادس ولا اقدر انفذ بجلدي

انا اليوم بتاريخ 11/5/1431هـ رحت لوزارة الصحة وسالت عن التخصص والشهادة

ولقيت شباب موظفين في نفس شؤون الموظفين في الوزارة ولين الحين ما عدلو بحجة ان مافيه ارقام

وظيفيه للتخصص واذا جت مفاضله فالاولويه للانتظام يعني احنا الانتساب راح نبروز الشهاده ونغني ياليل ما اطولك ههههه لكن تضل شهادة حتى لو ما استفدنا منها ماديا واحنا بمجتمع كله واسطات ومحسوبيات يعني لو انت جايبها من كالفورنيا والا هارفارد وماعندك واسطه بتبلط انت وشهادتك

وهي بالعقل كم عندنا مستشفى وكم مركز خلونا نقول (2000) ما بين مركز ومستشفى وعلى النقيض مخرجات التعليم والجامعه في هالتخصص بعشرات الالاف سنوياًوين الارقام اللوظيفيه الموجوده مقارنه بمخرجات التعليم لا سيما ان نص الوظائف معين عليها من هم ليس بكفؤ لها وحسب الواسطه والمحسوبيه والله على ما اقول شهيد.

والحين متوهقين بالتخصص ما يدرون وين يودونهم ولا فيه ارقام وبعض الشباب عين على فني بدال اخصائي وبعضهم هو اصلا كان فني وما حصل رقم وحول على فني بس مسمى ثاني اما اخصائي فبلط البحر واخير مع خالص تمنياتي للجميع وهذا الكلام مو من راسي اي واحد يبغى يستفسر يروح الوزارة ويلقى الخبر الاكيد...

موفقين..

[بنوته تحكي حتوته]

الله يكوون بــآلعوون ..

[وحيد الليالي]

والله انك نفسيه

[يآرب مآخآب من ترجآك]

والمطلوب يعني ؟
نسيب الجآمعه


يارجل الرزق ع الله مو ع البششر قآل واسطه وقال انتسآب الله لايبلانا بس ..وين حسن التوكل على الله والفعل بالاسباب ؟!

[ممرض متوهق1]

مشكووووووووووووووووور اخوي ع هالنصيحه
بس صدقني الشهاده سلاح معك وراح نتعفك
ارفع همم الشباب الله يوفقهم

[أميرة الإحساس]

الله يعيــن ويـوفـق ..

والـوآحد مـآيدري وش مكتـوب لـه..

خلـي أملك بـآلله كبيـــر..

[برنسس]

أنــا أستغـــرب مـن بعض البشـر أهـم شي خلــص

وبعــدين بلط البحـــر ترى الناس وقت

امتحـانات لا للأحباط

[انثى لامثيل لها]

اهئ ياااربي احترنا احنا الجدد ناسس يقولوو حلووو وناس يقوولوو لااااااااااا =(

[عبـدالعزيز]

الله يجزاك خير


سطورك زادتني حمااس وتحدي

انا ببروزها بس مب بكاالوريوس

خل هالسنه الجايه تعدي على خير

[Adil]

عذرا يا اخوان اشوف في ردودكم الحقد والضغينه

يا جماعه انا فني وعندي دبلوم ادارة مستشفيات ومتعين في وزارة الصحه على وظيفة فني ودخلت هالتخصص على امل اني احول اخصائي ولا هو بضارني شي لو ما حولت كلها فرق الفين ريال في الراتب زياده على راتبي ..

وانا نقلت لكم الشي الحاصل حسب استفساري بوزارة الصحة عشان الشباب اللي توهم ما يتوهقون وانا لا ابغى احبط احد ولا شي الغرض هو النصيحه وانتم احرار وانا قلت اللي يبغى يتاكد يروح الوزارة -شئون الموظفين..

واللي عنده كلام ثاني يقول لنا بس يكون كلام من مصدر موثوق مثل مصادري..

ورجاءا لا يجي احد ويسئ الضن انا قلت المصدر هو وزارة الصحه رح بنفسك يخوي اذا مانت مصدق.