نداااء إستغاثة من التعليم عن بعد إلى الأخوة في الانتظام و الانتساب!

[وهج الأمل]

السلام عليكم و رحمة الله و بركاته
أخواني و أخواتي في قسم اللغات الأوربية (قسم اللغة الانجليزية )
نحن طالبات التعليم عن بعد تخصصنا في هذا القسم و نحمل بين جنبينا
أحلامنا و آمالنا .....و الجميع يغبطوننا على المنهج السهل كتاب الانتركشن<<<(الله يأخذه أخذ عزيز مقدر )
منهجنا في نظام الايميس مبنى على هذا الكتاب طوروا فيها الأساتذة و أضافوا لها كلمات و قطع
المهم .....حضرنا المحاضرات و تعلمنا المهارات التالية المين ايديا و التوبك سنتنس و التوبيك و الأوت لاين و السمرايزيشن و استخدمنا المنهج الذي في نظام الايميس لنتدرب عليه....لكن انهالت علينا المصائب منذ أن استلمنا أول واجب في مادة الريدنج ...واجباتنا و اختباراتنا فوق المستوى اللي تدربنا عليه ؟؟؟ لمااااااذا ؟؟ و حينما نشتكي أو حتى نطلب من بعض الاستاذات يوضحوا لنا أخطأنا في الجرامرمثلا ..نجد الاجابة .. I am not here to teach you) english )
و هذا جزء من رد احدى الاستذات على تساؤل طالبة
I can't correct your grammar mistakes. You are majoring in English. So what we do as teachers is to give you remarks and not teach you grammar. Best Wishes.
ماذا نفعل كل من حولنا ( الأستاذات ) يقولون لنا ارجع استخيروا و غيروا الميجر تبعكم أنتم منتم مؤهلين لتعملوا ميجر بالانجليش ..طيب ليش ما عملتوا لنا اختبار قبول نحن جايبين معدلات عالية و درجاتنا في الالكا 1 و الالكا 2 كلها فل ماااااارك ( كانت مررة سهلة و مش من مسوانا دخلنا الامتحان بدون مذاكرة و النتيجةكانت 100)...ليش ما عملتوا لنا أيام التحضيري ربليسمنت تست و حطيتونا في اللفل المناسب عشان نكمل عليه و نطور الانجلش حقنا ؟؟؟كيف و فين نروح عشان نطور الانجلش تبعنا ؟؟الرد ...ما في معهد كويس ما في غير تعملوا ريدنج كثيييير و كل وحدة تدبر نفسها ؟؟؟أو تسحبوا منا الانجليش و تدوروا لكم على مكان ثاني ؟؟أو تسحبوا من الجامعة ؟؟أنا دفعت مبلغ و قدره ...على الثلاث أترام وتعبت نفسي و كل اللي حول سهرت ليل نهار و ربي الشاهد على إني أجيب ثمن دراستي و مصاريفي في جامعتكم الموقرة ...؟؟؟ مش بالسهولة اللي تتصوروها غير اللي من برا جدة و المعاناة اللي بيعانوها ..بها السهولة و بها البساطة نسحب عشان أنتو ما تقدوا تسوون لنا شيء ..؟؟ الغلط مش مننا نحنا الغلط منكم يوم ما عملتم اللازم و حطيتوا لنا خطة عملية تساعدنا ..و المنهج المطور اللي تضحكوا بها علينا ..ليش ما توحدوا المناهج ..ليش ما تطالعون للجميع بنظرة واحدة ...نحن كمان طلاب في جامعة الملك عبد العزيز وزينا زي الانتظام و الانتساب لنا حقوقنا ياريت تعطونا إياها ..نحن ما نتطالب بتسهيل أسئلة الاختبار و ما نبغى درجات مجاااانية ما نستحقها ما نبغى نضحك على أنفسنا و نأخذ بكالوريس انجليش و نحن محنا قدهااااا ..نحن نطالب ببرنامج إضافي مساعد تنزل لنا هالترم او الصيف عشان نطور من لغتنا نحن طالبات مجتهدات ونعمل جهدنا لنحسن من الانجليش تبعنا بس نبغى الجامعة هي اللي تساعدنا لأنو ما في مكان ثاني تأهلنا لنكون كويسن ..
آسفة إني طولت بس حبيت أشاركم ما أهمنا و أغمنا و أحزننا نحن طالبات التعليم عن بعد قسم الانجليش ..فأتحفونا بمشاركاتكم و إقتراحتكم و أرشدوناااااا و هذا الندااااء خااااص لذوي الخبرات و التجارب لعلهم يرشدونا إلى ما يجب أن نفعله ..فنحن في حيرة من أمرنا ..و نحن منهجنا في الريدنج مش من الانتركشن بس هومبني عليه و مزودين عليه شويتين أما الرايتنج فهو كتاب الكولج 3 و اللسنينج كتاب الانتركشن كمان عليه زيادات ...و لكم خالص الشكر و التقدير
أختكم و هج الأمل ...

[لصممتي حكممه]

الله يعينكم بس مين قال ان الانتساب في راحه اقلها ماشاء الله انتم طول السنه محاضرات اما الانتساب بس 3 اسابيع بتكون لشرح المنهج ولا اجابة اسئلتنا ولا ايش تأكدي اننا نعاني مثل معاناتكم واكثر بس مالك الا الصبر , ثاني شئ القسم اللي احنا فيه متوقع اننا نبدأ اقل شئ يكون مستوانا متوسط في الانجلش فالباقي عليك انك تحاولين تطوري لغتك قد ماتقدري ولازم اول سمستر تخصص يكن مليان بالمحبطات لكن لو تحبين القسم ناضلي حتى توصلي لمبتغاك ولا تسمحين لاي شئ انه يهزك ,الله يوفقك ويسهلك دراستك يآآآرب ,..

بالتوفيقــ ,..

[وهج الأمل]

المشاركة الأصلية كتبت بواسطة لصممتي حكممه الله يعينكم بس مين قال ان الانتساب في راحه اقلها ماشاء الله انتم طول السنه محاضرات اما الانتساب بس 3 اسابيع بتكون لشرح المنهج ولا اجابة اسئلتنا ولا ايش تأكدي اننا نعاني مثل معاناتكم واكثر بس مالك الا الصبر , ثاني شئ القسم اللي احنا فيه متوقع اننا نبدأ اقل شئ يكون مستوانا متوسط في الانجلش فالباقي عليك انك تحاولين تطوري لغتك قد ماتقدري ولازم اول سمستر تخصص يكن مليان بالمحبطات لكن لو تحبين القسم ناضلي حتى توصلي لمبتغاك ولا تسمحين لاي شئ انه يهزك ,الله يوفقك ويسهلك دراستك يآآآرب ,.. بالتوفيقــ ,..

أشكرك يا الغالية على المشاركة ..و أنا ما أقصد أن الانتساب مرتاحين بس أقصد أنهم شايدين عليكم من البداية أنا سمعت محاضرات الانتساب المسجلة و أقسم بالله العلي العظيم الاستراتجيات اللي يعلموكم إياه مررة ممتازة والله ما علمونا إياه و قسم بالله استفدت من محاضراتكم أكثر من محاضراتنا اللي كل أسبوع تحضر ونصف الوقت يروح وهي لسه ما جات و يوم تجي تقول كلمتين و تتصفح معاك المنهج السخيف حق الايميس ..نحن نطالب بتقوية المنهج و تكون على مستوى الاختبارات مش المنهج سهل و الاختبار فوق المستوى يعني للتوضيح مش يسهلوا الاختبار لا نحن ما نبغى نضحك على نفسنا ..نحن نبغ منهج قوي يأهلنا و قبل ذا كلوا المفروض و نحن في التحضيري يشوفوا مستوانا و يحطونا في المستوى المناسب اللي متوسط تكمل متقدم و متقدم تكمل فوق المتوسط أتمنى تكونوا فهمتم فحواى شكواي
و جزاكم الله خير

[لصممتي حكممه]

طيب حبيبتي لِـﯿہ ما تطالبوا بتغيير المنهج ، ثاني شئ يمكن الأستاذات اللي اخترتيهم كذا أسلوبهم حاولي تسألين عنهم وإذا فيه أحد ثاني يعطي تعليم عن بعد حولي عندهم ، وإذا مالقيتي أي نتيجه حولي انتساب إذا حابه .

الـلہ يوفقك وييسر لك أمورك ،.

[وهج الأمل]

المشاركة الأصلية كتبت بواسطة لصممتي حكممه طيب حبيبتي لِـﯿہ ما تطالبوا بتغيير المنهج ، ثاني شئ يمكن الأستاذات اللي اخترتيهم كذا أسلوبهم حاولي تسألين عنهم وإذا فيه أحد ثاني يعطي تعليم عن بعد حولي عندهم ، وإذا مالقيتي أي نتيجه حولي انتساب إذا حابه . الـلہ يوفقك وييسر لك أمورك ،.

حنحاول نتفاهم معاهم بخصوص تغيير المناهج و إن شاء الله نلاقي صدى...أما التحويل فأنا أصلا كنت انتساب حولت لتعليم عن بعد.... ليتني ما حولت... حسبت على قولهم أستفيد من المحاضرات اللي كل أسبوع ؟؟؟؟!!!!و أكون أقرب للأستاذات و يوجهوني بس ؟؟؟!!!!لا حياة لمن تنادي إذا ما كنت انتظام محد يطالع فيك ..؟؟؟؟؟!!!!
بس الحمد لله قدر الله وما شاء فعل .

[ابو سامر .]

الله يعينكم ويوفقكم

[mohshehri]

اختي وهج الامل معليكم منهم اذا انتي راغبة في هذا التخصص واصلي ولا يهمك احد لا الدكتورات والا الاستاذات فعلا اساليبهم تجيب الهم يحطمون المعنويات ولا يحمسون احد يكرهون الواحد في الانجليزي وهم اصلا ماعندهم سالفه ما يبغون احد احسن منهم سبحان الله تخلف في بعض الناس , ياليت ياخذون دروس في التعامل مع الطالب من الاجانب اللي يقدرون الواحد ويساعدونه مع انهم غير مسلمين سبحان الله (عجب والله عجب)

[وهج الأمل]

المشاركة الأصلية كتبت بواسطة ابو سامر . الله يعينكم ويوفقكم

جزاك الله خير أخوي شكرا لمرورك

المشاركة الأصلية كتبت بواسطة mohshehri اختي وهج الامل معليكم منهم اذا انتي راغبة في هذا التخصص واصلي ولا يهمك احد لا الدكتورات والا الاستاذات فعلا اساليبهم تجيب الهم يحطمون المعنويات ولا يحمسون احد يكرهون الواحد في الانجليزي وهم اصلا ماعندهم سالفه ما يبغون احد احسن منهم سبحان الله تخلف في بعض الناس , ياليت ياخذون دروس في التعامل مع الطالب من الاجانب اللي يقدرون الواحد ويساعدونه مع انهم غير مسلمين سبحان الله (عجب والله عجب)

جزاك الله خير ...ما نبغى منهم شيء ..بس الغلطة غلطتهم أنهم ما حددوا مستوياتنا في التحضيري و أعطونا كورس انجليزي يناسبنا و الحين لازم يصححو الغلط ...

[queen angel]

ما اقول غير حسبي الله ونعم الوكيل لا انتساب ولا تعليم عن بعد مرتاحين معاهم ,,

[Beashoo]

حبيبتي ما عليك بس انتي طوري نفسك قد ماتقدري بس ترى انا انتظام والترم الجاي تخرج ان شاء الله وعملوا معانا زي كدا بالزبط اول ترمين لنا وكتيييييير اعرفهم تحطموا وغيروا تخصصهم بس اللي يقعد بالقسم يصبر ويحاول يطور نفسه والله يعينكم حبيبتي وبالتوفيق